Исмоилова Санобархон Якубовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Маҳаллий бюджетлар маблағларидан самарали фойдаланишни таъминлаш масалалари (Фарғона вилояти мисолида)», 08.00.07 – Молия, пул муомаласи ва кредит (иқтисодиёт фанлари).
Диссертация мавзуси рўйхатга олинган рақам: B2019.3.PhD/Iqt1111.
Илмий раҳбар: Маликов Тоҳир Сатторович, иқтисодиёт фанлари доктори, профессор.
Диссертация бажарилган муассаса номи: Фарғона давлат университети.
ИК фаолият кўрсатаётган муассаса номи, ИК рақами: Тошкент Давлат иқтисодиёт университети, DSc.03/10.12.2019.I.16.01.
Расмий оппонентлар: Раҳмонов Дилшоджон Алиджонович, иқтисодиёт фанлари доктори, профессор, Олимжонов Одил Олимович, иқтисодиёт фанлари доктори, профессор.
Етакчи ташкилот: Наманган муҳандислик технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Ўзбекистонда маҳаллий бюджетлар маблағларидан самарали фойдаланишни таъминлаш бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
ривожлантириш дастурлари самарадорлигини таҳлил қилиш ҳамда бюджет маблағларининг самарали сарфланишини таъминлаш мақсадида вазирлик ва идораларда ички аудит хизматини жорий қилиш таклифи ишлаб чиқилган;
маҳаллий бюджет харажатларини оптималлаштиришда иқтисодий соҳага йўналтирилган маҳаллий бюджет харажатларини 5 фоиздан кам бўлмаган миқдорда белгиланиши таклиф этилган;
давлат харидларида мол етказиб берувчиларга тўланадиган аванс миқдорини 15,0 фоиздан 30,0 фоизгача оширишнинг мақсадга мувофиқлиги асосланган;
бюджетдан молиялаштириладиган вазирлик ва идораларнинг қуйи муассасаларида бюджет харажатларини режалаштиришда самарадорлик индикаторларидан фойдала-нишнинг мақсадга мувофиқлиги асосланган.
IV. Тадқиқот натижаларининг жорий қилиниши. 
Маҳаллий бюджетлар харажатларининг самарали сарфланишини таъминлаш бўйича олинган илмий натижалар асосида:
барча вазирлик ва идораларнинг бюджетлари харажатларининг самарадорлик индикаторларини белгилаган ҳолда мақсадли режалаштириш тизимини жорий қилиш тўғрисидаги таклиф Ўзбекистон Республикасининг 2020 йил 30 декабрдаги ЎРҚ-657-сон “2021йил учун Ўзбекистон Республикасининг Давлат бюджети тўғрисида”ги Қонунида ўз аксини топган (Ўзбекистон Республикаси Молия вазирлигининг 2021 йил 2 февралдаги 06/04-02-01-37/239-сон маълумотномаси). Ушбу таклифнинг амалиётга жорий этилиши натижасида 2021 йил учун Халқ таълими вазирлиги, Соғлиқни сақлаш вазирлиги, Сув хўжалиги вазирлиги ва Транспорт вазирлиги ҳузуридаги Автомобиль йўллари қўмитасининг харажатлари самарадорлик индикаторлари белгиланган;
ривожлантириш дастурлари самарадорлигини таҳлил қилиш ҳамда бюджет маблағларининг самарали сарфланишини таъминлаш мақсадида вазирлик ва идораларда ички аудит хизматини жорий қилиш таклифи Ўзбекистон Республикасининг 2020 йил 30 декабрдаги ЎРҚ-657-сон “2021йил учун Ўзбекистон Республикасининг Давлат бюджети тўғрисида”ги Қонунида ўз аксини топган (Ўзбекистон Республикаси Молия вазирлигининг 2021 йил 2 февралдаги 06/04-02-01-37/239-сон маълумотномаси). Ушбу таклифнинг амалиётга жорий этилиши натижасида вазирликлар ва идораларнинг ички аудит хизмати тегишли ривожлантириш дастурларининг самарадорлиги натижаларини таҳлил қилади ҳамда таҳлил натижалари тўғрисидаги ҳисоботларни ҳисобот чорагидан кейинги ойнинг 20 санасига қадар Ўзбекистон Республикаси Молия вазирлигига тақдим этади;
маҳаллий бюджет харажатларини оптималлаштириш ва солиқ солиш базасини кенгайтириш мақсадида иқтисодий ўсишга йўналтирилган маҳаллий бюджет харажатлари миқдорини ошириш тўғрисидаги таклиф Ўзбекистон Республикасининг 2020 йил 30 декабрдаги ЎРҚ-657-сонли “2021 йил учун Ўзбекистон Республикасининг Давлат бюджети тўғрисида”ги Қонунида ўз аксини топган (Ўзбекистон Республикаси Молия вазирлигининг 2021 йил 2 февралдаги 06/04-02-01-37/239-сон маълумотномаси). Ушбу таклифнинг амалиётга жорий этилиши натижасида 2021йилда маҳаллий бюджетлардан 2,4 трлн. сўм миқдордаги маблағларнинг ҳудудларда тадбиркорликни ривожлантиришга йўналтирилиши мўлжалланган;
давлат харидларида мол етказиб берувчиларга тўланадиган аванс миқдорини 15,0% дан 30,0%гача ошириш тўғрисидаги таклиф Ўзбекистон Республикаси Молия вазирлиги томонидан апробация учун қабул қилинган (Ўзбекистон Республикаси Молия вазирлигининг 2021 йил 2 февралдаги 06/04-02-01-37/239-сон маълумотномаси). Натижада, бюджет ташкилотлари ва бюджет маблағлари олувчиларнинг товарларни (ишларни, хизматларни) харид қилиш бўйича суммаси 1 млрд сўмгача тузиладиган шартномаларида 30% миқдорида олдиндан тўловни амалга ошириш назарда тутилган.