Камолова Наргиза Ибрагимовнанинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Олий таълим муассасаларида Биокимё фанини ўқитиш методикасини такомиллаштириш », 13.00.02 – Таълим ва тарбия назарияси ва методикаси (кимё) (педагогика фанлари).
Диссертация мавзуси рўйҳатга олинган рақам: В2021.2.PhD/Ped2254.
Илмий раҳбар: Абдуллаева Барно Сайфутдиновна, педагогика фанлари доктори, профессор.
Диссертация бажарилган муассаса номи: Тошкент давлат педагогика университети
ИК фаолият кўрсатаётган муассаса номи, ИК рақами: ЎзР ФА Ўсимлик моддалари кимёси институти, DSc.02/30.01.2020.К/Т.104.01.
Расмий оппонентлар: Абдушукуров Анвар Кабирович, кимё фанлари доктори, профессор; Бозорова Саодат Жамоловна, педагогика фанлари доктори.
Етакчи ташкилот: Бухоро давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади олий таълим муассасаларида бўлажак кимё ўқитувчиларини тайёрлашда биокимё фанини ўқитишнинг методик асосини такомиллаштириш бўйича тавсиялар ишлаб чиқишдан иборат.
III. Тадқиқотнинг илмий янгилиги:
анъанавий ўқитиш усуллари ва замонавий педагогик технологиялар асосида олий таълим муассасаларида биокимёни фанини ўқитишнинг методик тайёргарлик (бошланғич, тайёргарлик, асосий) босқичларининг таркибий қисмлари такомиллаштирилган;
замонавий ахборот муҳити шароитида олий таълим муассасаларида биокимё фанини ўқитишда назарий ва амалий машғулотларни ташкил этишда ахборот-коммуникатив технологиялари имкониятларига устуворлик бериш (электрон таълим ресурслари, электрон ўқув қўлланмалар) асосида биокимё фанини дидактик таъминоти кенгайтирилган;
биокимё фанига оид дидактик таъминотни кенгайтириш ва замонавий педагогик технологиялар асосида биокимё фанини ўқитиш методикаси такомиллаштирилган;
бўлажак ўқитувчиларнинг биокимё фанидан ўзлаштириш кўрсаткичларини баҳолаш мезонлари (ижтимоий, маънавий, психологик-педагогик) мазмуни ўзаро боғлиқлик даражасини белгиловчи касбий педагогик рефлексия кўрсаткичлари (мотивацион-қадриятли, когнитив-фаолиятли, шахсий-рефлексив) асосида такомиллаштирилган.
IV. Тадқиқот натижаларининг жорий қилиниши. Биокимё фанини ўқитиш жараёнида бўлажак ўқитувчиларнинг методик тайёргарлигини такомиллаштириш бўйича олинган тадқиқот натижалари асосида:
замонавий ахборот муҳити шароитида олий таълим муассасаларида биокимё фанини ўқитишдаги функцияларини интерфаол методлар ва ахборот технологияларига устуворлик бериш асосида такомиллаштиришга оид илмий-методик тавсиялар асосида “Biokimyo” номли ўқув қўлланмани яратишда фойдаланилган (Ўзбекистон Республикаси Олий ва ўрта махсус таълим вазирлигининг 2021 йил 31 майдаги 237-сонли буйруғи / 237-070-сон нашр рухсатномаси). Натижада биокимё фaнини ўқитиш caмaрaдoрлигини oшириш, талабалaрнинг фaнгa бўлгaн ижoбий мунocaбaтини шакллантириш, ўқув машғулотларини иннoвaциoн шаклдa тaшкил қилиш имкoнияти ортган;
бўлажак ўқитувчиларнинг биокимё фанидан ўзлаштириш кўрсаткичларини баҳолаш мезонлари мазмуни ўзаро боғлиқлик даражасини белгиловчи касбий педагогик рефлексия кўрсаткичлари асосида такомиллаштиришга оид тавсиялар асосида “Biokimyo” номли ўқув қўлланмани яратишда фойдаланилган (Ўзбекистон Республикаси Олий ва ўрта махсус таълим вазирлигининг 2021 йил 31 майдаги 237-сонли буйруғи / 237-070-сон нашр рухсатномаси). Натижада бўлажак кимё ўқитувчиларининг биокимё фанини ўзлаштириш сифати ортишига эришилган;
бўлажак кимё фани ўқитувчиларининг электрон таълим ресурсларидан фойдаланиш, ахборот-коммуникация технологияларини ўқув жараёнига кенг татбиқ этиш, касбий маҳорати ва ўқув-услубий фаолиятини сифатли ташкил этиш компетенцияларини такомиллаштиришга оид таклиф ва тавсиялардан Ўзбекистон миллий телерадиокомпанияси “Ўзбекистон” телерадиоканали “Тадқиқот” кўрсатуви сценарийсини шакллантиришда фойдаланилган (Ўзбекистон миллий телерадиокомпаниясининг 2021 йил 19 майдаги 02-70-771-сон маълумотномаси). Натижада биокимё фанини ўқитиш мазмуни электрон таълим ресурсларидан фойдаланишга доир илғор ёндашувлар асосида бойитилган.
