Джалилов Анвар Абдугафаровичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри: “Таркибида синтетик толалар мавжуд кўп қатламли қоғоз ва картоннинг босма хоссалари”, 05.02.03 – Технологик машиналар. Роботлар, мехатроника ва робототехника тизимлари” (техника фанлари бўйича).
Диссертация мавзуси рўйхатга олинган рақам: № В2018.2.PhD/Т736
Илмий раҳбар: Ешбаева Улбосин Жамаловна, техника фанлари доктори, профессор.
Диссертация бажарилган муассаса номи: Тошкент тўқимачилик ва енгил саноат институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/30.12.2019.Т.08.01
Расмий оппонентлар: Бахадиров Ғайрат Атаханович, техника фанлари доктори, профессор; Худайбердиева Дилфуза Бахрамовна, техника фанлари доктори, профессор.
Етакчи ташкилот: Бухоро муҳандислик-технология институти.
Диссертация йўналиши: амалий аҳамиятга молик. 
II. Тадқиқотнинг мақсади: матбаа саноатида ўраш-қадоқлаш маҳсулотларини босиш учун таркибида синтетик толалар мавжуд кўп қатламли қоғоз ва картоннинг босма хоссаларини такомиллаштиришдан иборат.  
III. Тадқиқотнинг илмий янгилиги:
кўп қатламли ўрам турлари учун маҳаллий ишлаб чиқариш чиқиндиларидан қоғоз ва картон олиш технологияси такомиллаштирилган;
кўп қатламли ўрам қоғози ва картони олиш учун иккиламчи полиэтилентерефталатнинг диэтиленгликоль билан алкоголизи асосидаги елимловчи моддалардан фойдаланиб қоғозни мустаҳкамлигини ошириш усуллари ишлаб чиқилган;
кўп қатламли композицион қоғоз ва картоннинг физик-механик ва босма-техник хусусиятлари ва қоғоз композицияси таркибининг босма нусхалари сифатига боғлиқлик даражаси аниқланган;
қоғоз таркибига киритилган елимловчи моддаларнинг кўп қатламли композицион қоғоз ва картоннинг физик-механик кўрсаткичларига таъсири даражаси аниқланган;
тажрибани математик режалаштириш усулидан фойдаланиб кўп қатламли ўрам қоғози ва картонларида босишда бўёқни қабул қилиш регрессион моделлари ишлаб чиқилган.
IV. Тадқиқот натижаларининг жорий қилиниши. 
Маҳаллий хомашёдан фойдаланиб янги таркибли кўп қатламли композицион қоғоз ва картон тайёрлаш ва босма-техник хоссаларини такомиллаштиришга йўналтирилган илмий тадқиқотлар бўйича олинган натижалар асосида:
кўп қатламли қоғоз ва картон олиш бўйича технологик регламент ва такомиллаштирилган технология Global Komsco Daewoo ҚК ва ХС «JUHAL QALIN QOGOZ» МЧЖ да ишлаб чиқаришга жорий қилинган (Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигининг 2021 йил 12 апрелдаги 06-1575-сон маълумотномаси). Натижада пахта целлюлозаси ва синтетик тола чиқиндилари асосида импорт ўрнини босувчи кўп қатламли қоғоз ва картон олишнинг технологик режимлари такомиллаштирилган;
ишлаб чиқилган кўп қатламли композицион қоғоз ва картонлар “Шарқ” нашриёт-матбаа акциядорлик компанияси ва “Ғ.Ғулом” номидаги нашриёт-матбаа ижодий уйи МЧЖ да ишлаб чиқаришга жорий қилинган (Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигининг 2021 йил 12 апрелдаги 06-1575-сон маълумотномаси). Натижада маҳаллий хомашёлар асосида олинган қадоқлаш материалларида сифат бўйича халқаро талабларга жавоб берувчи рангли нусхалар олишга ва пахта целлюлозасидан тайёрланган қоғозга нисбатан таннархни 45% пасайтиришга эришилган.