Абдуллаев Асилбек Онгдалиевичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ўткир ичак инфекцияси билан касалланган беморларда патоген эшерихия ва Salmonella еnteritidis-тарқалиши, биологик хусусиятлари (Тошкент шаҳри мисолида)», 03.00.04 - Микробиология ва вирусология (тиббиёт фанлари).
Диссертация мавзуси рўйхатга олинган рақам: В2018.1.PhD/Tib534. 
Илмий раҳбар: Исхакова Халида Илхамовна, тиббиёт фанлари доктори, профессор.
Диссертация бажарилган муассаса номи: Тиббиёт ходимларининг касбий малакасини ривожлантириш маркази.
ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси, Республика ихтисослаштирилган эпидемиология, микробиология, юқумли ва паразитар касалликлар илмий-амалий тиббиёт маркази, DSc.04/30.12.2019.Tib.30.01. 
Расмий оппонентлар: Мухамедов Иламан Мухамедович, тиббиёт фанлари доктори, профессор; Нурузова Зуҳра Абдукадировна, тиббиёт фанлари доктори, профессор.
Етакчи ташкилот: Тошкент педиатрия тиббиёт институти. 
Диссертация йўналиши: амалий аҳамиятга молик.
II. Тадқиқотнинг мақсади: ўткир ичак инфекцияси билан касалланган беморларда патоген эшерихия ва Salmonella еnteritidis – тарқалиши, биологик хусусиятларини аниқлаш усулларини такомиллаштиришдан иборат.
III. Тадқиқотнинг илмий янгилиги:
илк бор Тошкент шаҳри мисолида ўткир ичак инфекцияси билан оғриган беморлардан ажратилган Escherichia coli О104:Н4 нинг антибиотикга чидамли серологик вариантлари мавжудлиги исботланган;
ўткир ичак инфекцияси билан оғриган беморларда Escherichia coli штаммларининг веротоксинларни ишлаб чиқариши исботланган; 
илк бор антимикроб воситаларга чидамли Escherichia coli изолятларида диарееген эшерихиялар EHEC, ETEC, EPEC, EIEC/Shigella spp. асосий гуруҳларида stx1 stx2, ipaH ва eae генларининг мавжудлиги исботланган;
диарееген Escherichia coli ва Salmonella enteritidis нинг маҳаллий патоген серологик вариантлари беталактамаза ва карбапенемаза ферментларини ишлаб чиқариши сабабли, антибиотикларга чидамлилиги шаклланиши асосланган;
илк бор цефалоспоринлар, карбапенемлар каби антибиотикларга чидамли диарееген Escherichia coli ва Salmonella enteritidis штаммлари, кенг спектрдаги бета-лактамаза ҳамда карбапенемаза ферментларини ишлаб чиқариши исботланган.
IV. Тадқиқот натижаларининг жорий қилиниши. 
Ўткир ичак инфекцияси билан касалланган беморларда патоген эшерихия ва Salmonella еnteritidis-тарқалиши, биологик хусусиятларини аниқлашни такомиллаштириш бўйичa oлингaн илмий нaтижaлaр aсoсидa:
микроорганизмларнинг диск-диффузия усули билан микробларга қарши воситаларга сезгирлигини аниқлаш бўйича олинган илмий натижалар асосида «Одатий озуқавий эҳтиёжга эга бўлган микроорганизмларнинг диск-диффузия усули билан микробларга қарши воситаларга сезгирлигини аниқлаш» номли услубий тавсиянома тасдиқланган (Соғлиқни сақлаш вазирлигининг 2020 йил 9 октябрдаги 8н-д/145-сон маълумотномаси). Мaзкур услубий тaвсиянoмa ЎИИ долзарб бактериал қўзғатувчиларининг антибиотикларга сезгирлигини аниқлаш EUCAST стандартларига мувофиқ такомиллаштиришга ёрдам берган, бу эса диск-диффуз усули натижаларини клиник талқин қилиш ва этиологик асосланган даволашни оптималлаштириш имконини берган;
бактерияларнинг карбапенем антибиотикларига чидамлилигини аниқлаш бўйича олинган илмий натижалар асосида «Бактерияларнинг карбапенем антибиотикларига чидамлилигини аниқлашнинг тезкор ва содда усули»  номли услубий тавсияномаси тасдиқланган (Соғлиқни сақлаш вазирлигининг 2020 йил 9 октябрдаги 8н-д/145-сон маълумотномаси). Ушбу услубий тавсиянома қисқа вақт ичида этиотроп даволанишни яхшилаш, карбапенемларга сезгирликни тезда аниқлаш  ва иқтисодий самарадорлик имконини берган;
ўткир ичак инфекцияси билан касалланган беморларда патоген эшерихия ва Salmonella еnteritidis-тарқалиши, биологик  хусусиятларини ўрганиш  бўйича олинган илмий натижалар соғлиқни сақлаш амалиётига, жумладан, Хоразм вилоят СЭО ва ЖС бошқармаси ва Қорақолпоғистон Республикаси СЭО ва ЖС бошқармасининг бактериологик лабораториялари фаолиятига жорий этилган (Соғлиқни сақлаш вазирлигининг 2021 йил 31 мартдаги 8н-з/61-сон маълумотномаси). Oлингaн илмий нaтижaлaрнинг aмaлиётгa жoрий қилиниши кaсaлликни эртa тaшхислaш вa сaмaрaли дaвoлaш, бемoрлaр ҳaёт сифaтини яхшилaш ҳамда касаллик aсoрaтлaрини кaмaйтириш имкoнини бергaн.