Хошимова Дилноза Риҳсибоевнанинг
фалсафа доктори (PhD) диссертацияси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Талабаларда инглиз тилидаги ҳиссий-экспрессив нутқни мнемоник база асосида тезкор ўстириш методикаси” 13.00.02 – Таълим ва тарбия назарияси ва методикаси (инглиз тили). 
Диссертация мавзуси рўйхатга олинган рақам: В2020.1.PhD/Ped812.
Илмий раҳбар: Абдуллаева Шаҳзода Абдуллаевна, педагогика фанлари доктори, профессор.
Диссертация бажарилган муассаса номи: Тошкент вилояти Чирчиқ давлат педагогика институти.
ИК фаолият кўрсатаётган муассаса, ИК рақами: Тошкент вилояти Чирчиқ давлат педагогика институти,  PhD.03/30.12.2019.Ped.82.01.
Расмий оппонентлар: Джумабаева Жамила Шариповна, филология фанлари доктори, профессор; Абдуганиева Жамила Рустамовна, педагогика фанлари бўйича фалсафа доктори (PhD).
Етакчи ташкилот: Андижон давлат университети 
Диссертация йўналиши: назарий ва амалий аҳамиятга молик.
II. Тадқиқотнинг мақсади талабаларда инглиз тилидаги ҳиссий-экспрессив нутқни мнемоник база асосида тезкор ўстириш методикасини такомиллаштириш бўйича тавсиялар ишлаб чиқиш.
III. Тадқиқотнинг илмий янгилиги: 
инглиз тилидаги ҳиссий-экспрессив нутқни мнемоник база асосида тезкор ўстиришнинг педагогик имкониятлари талабаларда шахсий қизиқиш ва ҳиссий-эмоционал фаолиятни фикр ва диққатни ёрқинлаштириш асосида кенгайтирилган; 
талабаларда инглиз тилидаги ҳиссий-экспрессив нутқнинг сунъий ассосацияларини шакллантириш мезонлари хотира коэффициентини кенгайтириш ҳамда суггестопедия (ишонтириш, образларни нутққа кўчириш) методига устуворлик бериш асосида такомиллаштирилган;
талабаларда инглиз тилидаги ҳиссий-экспрессив нутқни мнемоник база асосида тезкор ўстириш модели педагогик вазиятларни нутқий муҳитга мақбул равишда илмий (тил ўргатиш тамойиллари: узвийлик, кўргазмалилик, тизимлилик), услубий(тил кўникмалари бўйича топшириқларни табақалаштириш) ва амалий (ижодий ишлар, лойиҳалар) ғояларни бирлаштириш ва иммитацион (реал ҳаётга яқинлаштирилган нутқий муҳит модели) вазиятларни яратиш асосида такомиллаштирилган;
тил ўрганиш жараёнида диалогик, монологик нутқий муҳитни мнемоник база асосида яратиш орқали талабаларда ҳиссий-экспрессив нутқни танқидий ва ижодий фикрлаш, акс эттирган қобилиятларни интенсив ривожлантиришга оид методик тавсиялар ишлаб чиқилган. 
IV. Тадқиқот натижаларининг жорий қилиниши. Талабаларда инглиз тилидаги ҳиссий-экспрессив нутқни мнемоник база асосида тезкор ўстириш методикасини такомиллаштириш юзасидан ишлаб чиқилган тадқиқот натижалари:
тил ўрганиш жараёнида диалогик, монологик нутқий муҳитни мнемоник база асосида яратишга оид методик тавсияларидан И-2016-4-15 рақамли “Кутубхона ресурсларидан мобиль алоқа асосида тармоқдан фойдаланишнинг дастурий таъминотини яратиш ва татбиқ этиш” (олий таълим муассасалари мисолида) номли амалий лойиҳасида нутқни, ижодий фикрлаш, тил ўрганиш қобилиятларини интенсив ривожлантиришга оид матнларни яратишда фойдаланилган (Ўзбекистон Республикаси Олий ва ўрта махсус таълим вазирлигининг 2020 йил 89-03-482-сон маълумотномаси). Натижада талабаларнинг ахборот билан самарали ишлаш кўникмаларини ривожлантиришнинг дидактик имкониятлари кенгайтирилган;
педагогик вазиятларни нутқий муҳитга мақбул равишда илмий, услубий ва амалий мослаштириш, нутқий муҳит жараёнида бўлажак инглиз тили ўқитувчиларининг миллий мафкурага садоқатини мустаҳкамлаш, халқаро маданиятни ўрганиш ва ўргатишга самарали тайёрлашнинг методик иш тизими ҳамда тавсиялари олий таълим муассасалари талабалари учун яратилган “Маданиятлараро мулоқот” дарслиги мазмунига сингдирилган (Ўзбекистон Республикаси Олий ва ўрта махсус таълим вазирлигининг 2020 йил 30 июндаги 359-сон буйруғи). Натижада талабаларнинг халқаро мулоқот, толерантлик кўникма ва малакаларини мақсадли ривожлантиришнинг методик имкониятлари кенгайтирилган;
талабаларда инглиз тилидаги ҳиссий-экспрессив нутқни мнемоник база асосида тезкор ўстиришга, хотира коэффициентини кенгайтиришга йўналтирилган ўқув топшириқларидан дарсда ва дарсдан кейинги мустақил фаолиятда фойдаланиш бўйича ўқув муҳитини яратишга оид тавсиялари асосида “Чет тилини ўқитишни мнемотехнология ёрдамида такомиллаштириш” номли компьютер дастури ишлаб чиқилган (Ўзбекистон Республикаси Адлия вазирлиги ҳузуридаги интеллектуал мулк агентлигининг  2020 йил 29 январь, № DGU 07626-гувоҳномаси). Натижада талабалар учун тил ўрганиш ва ўргатишга оид касбий компетенцияларни мустақил эгаллашга мўлжалланган дидактик таъминот яратилган.