Икрамов Амирбек Аминовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Бошланғич синф ўқувчиларининг ҳаракатли ўйинларни ўзлаштиришини ахборот-коммуникация технологиялардан фойдаланиб такомиллаштириш”,  13.00.02 – Таълим ва тарбия назарияси ва методикаси (бошланғич таълим), (педагогика фанлари).
Диссертация мавзуси рўйхатга олинган рақам: B2020.1.PhD/Ped163.  
Илмий раҳбар: Қаҳҳоров Сиддиқ Қаҳҳорович,педагогика фанлари доктори, профессор.
Диссертация бажарилган муассаса номи: Бухородавлатуниверситети.
ИК фаолият кўрсатаётган муассаса (муассасалар) номи, ИК рақами: Бухоро давлат университети, PhD.03/30.12.2019.Ped.72.04.
Расмий оппонентлар: Маъмуров Баҳодир Бахшуллоевич,педагогика фанлари доктори, профессор; Нуруллаева Шахло Уктамовна, педагогика фанлари номзоди, доцент.
Етакчи ташкилот: Урганч давлат университети.
Диссертация йўналиши: амалий ва назарий аҳамиятга молик.
II. Тадқиқотнинг мақсади бошланғич синф ўқувчиларининг ҳаракатли ўйинларни ўзлаштиришида ахборот-комуникация технологиялардан фойдаланиш методикасини такомиллаштириш юзасидан таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
умумтаълим мактаблари бошланғич синф ўқувчиларини ҳаракатли ўйинлар воситасида чаққонлик, эпчиллик, кучлилик ва чидамлилик кўринишидаги жисмоний сифатларнинг педагогик хусусиятлари мазмуни ва соғлом турмуш тарзи, ишчанлик, толерантлик каби комплекс ривожлантириш компонентларини таълим жараёнида интеграциялаш асосида такомиллаштирилган; 
бошланғич синф ўқувчиларининг ҳаракатли ўйинлар ёрдамида жисмоний сифатларини комплекс ривожлантиришнинг «Соғломлаштириш», «Ҳамроҳинга ўргат», «Ротация» каби инновацион технологиялардан самарали фойдаланиш асосида жисмоний тарбия фанини ўқитиш методикаси асосланган;
ҳаракатли ўйинларни ўзлаштиришда мазмунли, технологик, ташхислаш  каби ахборот-коммуникация технологияларининг компонентларидан фойдаланиш, ўқитувчиларнинг лойиҳалаш, қисман изланишли, тадқиқотчилик  каби компетенцияларини ривожлантириш, педагогик дастурий воситаларидан фойдаланиш асосида такомиллаштирилган; 
бошланғич синф ўқувчиларининг ривожланишига таъсир кўрсатувчи чаққонлик, эпчиллик, кучлилик ва чидамлилик умумжисмоний кўрсаткичлари, малака, лаёқатлилик, ҳаракат техникаси, бажариш усуллари каби педагогик талаблар, интеллектуал, маънавий-ахлоқий, эстетик ва меҳнат тарбияси, жасорат, қатъийлик, ўз кучига ишонч каби эмоционал-иродавий хусусиятлар ўзаро уйғунликда муқобил қўллаш доирасини кенгайтириш асосида  такомиллаштирилган.
IV. Тадқиқот натижаларининг жорий қилиниши. Бошланғич синф ўқувчиларига ҳаракатли ўйинларни ўзлаштиришда ахборот-коммуникация технологиялардан фойдаланиш методикасини такомиллаштириш юзасидан ишлаб чиқилган назарий-методологик ҳамда амалий тавсиялар асосида:
умумтаълим мактаблари бошланғич синф ўқувчиларини ҳаракатли ўйинлар воситасида жисмоний ривожлантиришнинг педагогик хусусиятлар мазмуни (чаққонлик, эпчиллик, кучлилик) жисмоний сифатларини комплекс ривожлантириш компонентлари (соғлом турмуш тарзи, ишчанлик, толерантлик) ва тарбия узвийлигини интеграциялаш билан боғлиқ илмий натижалар ҳақидаги хулосалардан ЁА-1-9 рақамли «Аҳолининг турли қатламларида психологик хизмат кўрсатиш амалиёти» номли амалий лойиҳада (2016-2017) фойдаланилган (Ўзбекистон Республикаси Олий ва ўрта махсус таълим вазирлигининг 2020 йил 25 августдаги 89-03-2940-сон маълумотномаси). Натижада бошланғич синф ўқувчиларининг инновацион технологияларнинг («Соғломлаштирилган», «Ҳамроҳингга ўргат», «Ротация») самарали фойдаланиш асосида жисмоний тарбия фанини ўқитиш методикаси ва ўқув услубий таъминотини такомиллаштиришга хизмат қилган;
ёшларда миллий ғоя ва мафкуравий иммунитетни шакллантиришда умумтаълим мактаблари бошланғич синф ўқувчиларини ҳаракатли ўйинлар воситасида жисмоний ривожлантиришнинг янгича кўринишдаги талқинлари ҳақидаги хулосалардан ОТ-Ф1-рақамли «Ёшларда миллий ғоя ва мафкуравий иммунитетни шакллантиришнинг психологик механизмлари» номли фундаментал лойиҳада (2017-2020) фойдаланилган (Ўзбекистон Республикаси Олий ва ўрта махсус таълим вазирлигининг 2020 йил 25 августдаги 89-03-2940-сонли маълумотномаси). Натижада бошланғич синф ўқувчиларининг ривожланишига таъсир кўрсатувчи умумжисмоний кўрсатгичлари педагогик талаблари (малака, лаёқатлилик, ҳаракат техникаси, бажариш усуллари) ахлоқий, ақлий, эстетик ва меҳнат тарбияси, иродавий хусусиятлари (жасорат, қатъийлик,  ўз кучига ишонч, чидамлилик) ўзаро интеграциялаш ёрдамида такомиллаштирилганлиги ва ўқувчиларининг ахборот коммуникация технологияларидан фойдаланган ҳолда ҳаракатли ўйинларни самарали ўзлаштиришлари таъминланган;
ХХI аср – ахборот технологиялари юксак тараққий этган ва бугун авлодлар унинг маълум турларидан унумли фойдаланишлари ўлароқ, жисмоний фаоллик улар ҳаётида муҳим ўрин эгаллаши кераклиги каби илмий қарашлардан «Бухоро» телерадиоканалининг «Спорт менинг тақдиримда», «Келажак эгалари» кўрсатувларининг сценарийсини тайёрлашда  фойдаланилган (Ўзбекистон Миллий телерадиокомпанияси Бухоро вилояти телерадиокомпаниясининг 2020 йил 20 августдаги № 1/199-сонли маълумотномаси). Натижада ёш авлоднинг жисмоний қобилиятини ҳар томонлама ривожлантиришда жисмоний тарбиянинг ўрни муҳим эканлиги ҳақидаги маълумотлар телерадиоканал орқали кенгроқ ёритилишига хизмат қилган.