Жаббарова Сарвиноз Комилжоновнанинг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Қандолат маҳсулолари ишлаб чиқаришда табиий қўшилма яхшиловчиларни қўллаб асосий хомашёни тежаш», 02.00.17 - Қишлоқ хўжалик ва озиқ-овқат маҳсулотларига ишлов бериш, сақлаш ҳамда қайта ишлаш технологиялари ва биотехнологиялари (техника фанлари).
Диссертация мавзуси рўйхатга олинган рақам: B2018.2.PhD/T655.
Илмий раҳбар: Исабаев Исмоил Бабаджанович, техника фанлари доктори, профессор.
Диссертация бажарилган муассаса номи: Бухоро муҳандислик-технология институти.
ИК фаолият кўрсатаётган муассаса (муассасалар) номи, ИК рақами: Бухоро муҳандислик-технология институти ҳузуридаги PhD.03/30.12.2019.Т.101.01 рақамли илмий кенгаш асосидаги бир марталик илмий кенгаш.
Расмий оппонентлар: Додаев Қўчқор Одилович, техника фанлари доктори, профессор; Мирзарахметова Дилбар Тохтамуратовна, техника фанлари доктори, профессор.
Етакчи ташкилот: Қарши муҳандислик-иқтисодиёт институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: асосий хомашёлар сарфини тежашни таъминловчи табиий қўшилма-яхшилагичларни қўллаб бойитилган унли қандолатчилик маҳсулотларини ишлаб чиқариш технологиялари ва рецептураларини ишлаб чиқишдан иборат.
III. Тадқиқотнинг илмий янгилиги:
унли қандолат маҳсулотларини ишлаб чиқаришда қандлавлаги ва оқ тутдан тайёрланган концентрланган ярим тайёр маҳсулотлардан (пасталардан) фойдаланишнинг технологик самарадорлиги аниқланган;
унли қандолат маҳсулотлари ишлаб чиқаришда буғдой дони ферментатив гидролизининг концентрланган миллий маҳсулоти бўлмиш сумалакдан фойдаланиш самарадорлиги асосланган;
тайёр маҳсулотларнинг истеъмолчилик қиймати ва рақобатбардошлигини сақлаб қолган ёки оширган ҳолда патока ва инверт қиёмини ўзида қанд моддаларини сақловчи хом-ашёдан тайёрланган концентрланган ярим тайёр маҳсулотлар билан қисман ёки тўлиқ алмаштириш,  шунингдек,  ун қайнатмаси тайёрлаш босқичидан (пряник маҳсулотларни ишлаб чиқаришда) воз кечиш мумкинлиги исботланган;
тутмайиз ва буғдой кепаги аралашмасидан сақлаш пайтида ёпишиб қумоқланиб қолмайдиган сочилувчан кукун олиш усули ишлаб чиқилган ҳамда ундан унли қандолат маҳсулотлари ишлаб чиқаришда фойдаланиш шакарни тежаши ва қаттиқ ёғлар (маргарин) сарфини камайтириб, уларни юқори функционал хусусиятларга эга бўлган ўсимлик мойи билан алмаштириш имкониятини бериши аниқланган.
IV. Тадқиқот натижаларининг жорий қилиниши: 
Таркибида қанд моддаларини сақловчи ўсимлик хом-ашёсидан олинган концентрланган ярим тайёр маҳсулотларни унли қандолатчилик маҳсулотлари ишлаб чиқаришда қўллаш бўйича олинган илмий натижалар асосида:
оқ тут ва қандлавлагидан олинган пасталар билан кекс ишлаб чиқариш технологияси “Oltin Boshoq  Issiq Noni” МЧЖда амалиётга жорий этилган («O’zbekoziqovqatxolding» холдинг компанияси акционерлик жамиятининг 2020 йил 11 сентябрдаги АС/7-979-сон маълумотномаси). Натижада, буғдой унининг рецептуравий миқдори сарфи ўртача 12,7% га, шакарники эса - 10,0% га камайтириш имконини берган;
қандлавлаги пастаси ва (ёки) сумалак билан оддий ва қайнатма пряниклар ишлаб чиқариш технологияси “Ko'k saroy Wachtel” МЧЖда амалиётга жорий этилган («O’zbekoziqovqatxolding» холдинг компанияси акционерлик жамиятининг 2020 йил 11 сентябрдаги АС/7-979-сон маълумотномаси). Натижада, крахмал патокасининг сарфи 50,0% га (оддий пряникларда) камайтириш ҳамда рецептурадан инверт қиёмини умуман чиқариш ва унни қайнатиш технологик босқичини  бекор қилиш (қайнатма пряниклар учун) имконини берган; 
тутмайиз ва буғдой кепаги аралашмасининг кукунсимон композити билан шакарли печенье ишлаб чиқариш технологияси “Nozi Noni” МЧЖда амалиётга жорий этилган («O’zbekoziqovqatxolding» холдинг компанияси акционерлик жамиятининг 2020 йил 11 сентябрдаги АС/7-979-сон маълумотномаси). Натижада, буғдой унининг рецептуравий миқдори сарфи ўртача 5,9% га, шакар кукуниники - 38,5% га, маргаринники эса (уни ўсимлик мойи билан алмаштириш ҳисобидан) - 35,0% га камайтириш имконини берган.