Аминова Мақсуда Саминовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Озиқ-овқат товарлари B2B бозорида сотиш тизимни такомиллаштириш», 08.00.11–Маркетинг (иқтисодиёт фанлари).
Диссертация мавзуси рўйхатга олинган рақам:В2020.4.PhD/Iqt1511.
Илмий раҳбар: Абдуллаев Илёс Султонович, иқтисодиёт фанлари доктори, профессор.
Диссертация бажарилган муассаса номи: Урганч давлат университети.
ИК фаолият кўрсатаётган муассаса номи, ИК рақами: Урганч давлат университети ҳузуридаги PhD.03/28.08.2020.I.55.03 рақамли илмий кенгаш асосидаги бир марталик илмий кенгаш.
Расмий оппонентлар:Икрамов Мурат Акрамович, иқтисодиёт фанлари доктори, профессор;Жабборов Камолиддин Йўлдошевич, иқтисодиёт фанларибўйича фалсафа доктори (PhD).
Етакчи ташкилот: Қорақалпоқдавлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади озиқ-овқат товарлари B2B бозорида сотиш тизимини такомиллаштириш ва самарадорлигини ошириш бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
озиқ-овқат товарлари B2B бозорида қишлоқ хўжалиги хом ашёси ва озиқ-овқат маҳсулотлари ишлаб чиқариш жараёнларини интеграциялашда  етказиб бериш занжири такомиллаштирилган;
B2B бозорида маркетинг фаолиятини ташкил этишда SEM модели (хамкорлик даражаси (MCO), мажбуриятлар (RCO), сиёсат ва амалиёт (RPP), содиқлик (SAT) ва ишончлилик (TRUST) омиллари) асосида озиқ-овқат товарлари бозоридаги улгуржи савдо оқимларини оптимал бошқариш тузилмаси ишлаб чиқилган;
озиқ-овқат товарлари В2В бозори Ликерт шкаласи бўйича ўлчаниб, DSS (Decision Support System)- қарор қабул қилишни қўллаб қувватлаш тизими асосида озиқ-овқат корхоналари мижозлари сонини кўпайтиришнинг интерактив йўллари ишлаб чиқилган;
озиқ-овқат товарлари B2B бозорида  рақамли маркетинг каналлари бўлган ижтимоий медия (SM), қидирув тизимини оптималлаштириш (SEO), Электрон почта маркетинги (email marketing) ва контент маркетингдан фойдаланиб ракобатда устунликни таьминлашга қаратилган реактив ва проактив яшил маркетинг стратегияси ишлаб чиқилган. 
IV. Тадқиқот натижаларининг жорий қилиниши.
Озиқ-овқат товарлари B2B бозорида сотиш тизимни такомиллаштириш  бўйича олинган натижалар асосида:
озиқ-овқат товарлари B2B бозорида қишлоқ хўжалиги хом ашёси ва озиқ-овқат маҳсулотлари ишлаб чиқариш жараёнларини интеграциялашда  етказиб бериш занжири такомиллаш бўйича таклиф “Тилло Домор” хусусий корхонаси амалиётига жорий этилган (Ўзбекистон қишлоқ хўжалиги вазирлиги 2021 йил 21 майдаги 05/035-2-2187-сон маълумотномаси). Натижада корхонанинг бошқарув харажатларини 5,1 фоизга камайтиришга эришилган;
ўзаро муносабатларга асосланган мажбуриятлар, содиқлик ва ишончлилик омиллари асосида B2B бозорида маркетинг фаолиятини ташкил этишнинг такомиллаштирилган SЕМ модели Ўзбекистон Республикаси озиқ-овқат саноати корхоналарида фойдаланилган (Ўзбекистон қишлоқ хўжалиги вазирлиги 2021 йил 21 майдаги  05/035-2-2187-сон маълумотномаси). Натижада озиқ-овқат саноати корхоналарида логистика самарадорлиги 1,4 фоизга оширишга эришилган;
озиқ-овқат товарлари В2В бозорида анъанавий маркетингнинг кўп каналли рақамли маркетинг стратегиялардан фойдаланиш бўйича таклифи Ўзбекистон Республикаси озиқ-овқат саноати корхоналарида фойдаланилган (Ўзбекистон қишлоқ хўжалиги вазирлиги 2021 йил 21 майдаги 05/035-2-2187-сон маълумотномаси). Натижада компанияларнинг сайтлари бўйича ахборотлардан фойдаланувчи мижозлар сони 2,3 мартага, онлайн тузилган шартномалар сони 1,6 мартага ошган;
озиқ-овқат товарлари В2В бозорида рақобатда устунликни таъминлашга қаратилган реактив ва проактив яшил маркетинг стратегиялари Ўзбекистон Республикаси озиқ-овқат саноати корхоналарининг 2030 йилгача бўлган даврда ривожланиш стратегияларини ишлаб чиқишда фойдаланилган (Ўзбекистон қишлоқ хўжалиги вазирлиги 2021 йил 21 майдаги 05/035-2-2187-сон маълумотномаси). Натижада мамлакатимизда озиқ-овқат товарлари В2В бозорида мослашувчан бошқарув тизими такомиллаштирилиб, озиқ-овқат ҳавфсизлигини таъминлаш имконияти яратилган.