Юсупов Иброҳимбекнинг фалсафа доктори (PhD) диссертацияси ҳимояси ҳақида эълон
 
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Икки ўлчовли сигналларга рақамли ишлов бериш алгоритмлари ва дастурий мажмуаси», 05.01.04 – Ҳисоблаш машиналари, мажмуалари ва компьютер тармоқларининг математик ва дастурий таъминоти (техника фанлари).
Диссертация мавзуси рўйхатга олинган рақам: В2021.2.PhD/Т2217.
Илмий раҳбарнинг Ф.И.Ш., илмий даражаси ва унвони: Зайнидинов Хакимжон Насиридинович, техника фанлари доктори, профессор.
Диссертация бажарилган муассаса номи: Муҳаммад ал-Хоразмий номидаги Тошкент ахборот технологиялари университети.
ИК фаолият кўрсатаётган муассаса номи, ИК рақами: Мухаммад ал-Хоразмий номидаги Тошкент ахборот технологиялари университети,DSc.13/30.12.2019.T.07.01.
Расмий оппонентларнинг Ф.И.Ш., илмий даражаси ва унвони:Маматов Нарзилло Солиджонович, техника фанлари доктори; Каххоров Алохон Аброрович, техника фанлари номзоди, доцент.
Етакчи ташкилот номи: Мирзо Улуғбек номидаги Ўзбекистон миллий университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Хаар бўлак-полиномиал базисларида икки ўлчовли сигналларни рақамли ишлаш алгоритмлари ва дастурий мажмуа яратишдан иборат.
III. Тадқиқотнинг илмий янгилиги қуйидагилардан иборат:
Хаарнинг бўлак-полиномиал базисларида спектрал коэффициентларни ҳисоблашнинг тезкор алгоритмлари ишлаб чиқилган;
бир ва икки ўлчовли сигналларни октавалар усули ёрдамида рақамли ишлаш алгоритмлари ишлаб чиқилган; 
cloud технологияларига асосланган платформа сервис модели ёрдамида бир ва икки ўлчовли сигналларга рақамли ишлов бериш сервиси ва функционал схемаси ишлаб чиқилган;
сигналларни бўлак-полиномиал базисларда сигналларга рақамли ишлов бериш ва сервисини ташкил этиш жараёнларини моделлаштириш учун cloud технологияларга асосланган платформа сервис модели ва натижаларни визуаллаштириш дастурий мажмуаси яратилган.
IV. Тадқиқот натижаларининг жорий қилиниши: Диссертация тадқиқоти жараёнида олинган натижалар асосида:
Икки ўлчовли сигналларга Хаарнинг бўлак-полиномиал базисларида рақамли ишлов бериш алгоритмлар, cloud сервис ва уларнинг дастурий мажмуалари ёрдамида олинган илмий янгиликлар асосида:
бир ўлчовли сигналларга рақамли ишлов беришда Хаарнинг бўлак-полиномиал базисларини қўллаш орқали ишлаб чиқилган дастурий мажмуа “GM-Uzbekistan” акциядорлик жамиятига жорий қилинган (Ахборот технологиялари ва коммуникацияларини ривожлантириш вазирлиги маълумотнома № 33-8/2357-сон, 01.04.2021й.). Натижада, маълумотларни қайта ишлаш вақтини қисқартиришга, меҳнат унумдорлиги 30%га оширишга ва қайта ишлаш натижаларидаги хатоликни 6%га қисқартириш имконини берди;
октавалар усулида икки ўлчовли геофизик сигналларига рақамли ишлов бериш дастурий воситаси «Гидрогеология ва инженерлик геологияси институти» давлат муассасасига жорий қилинган(Ахборот технологиялари ва коммуникацияларини ривожлантириш вазирлиги маълумотнома№ 33-8/2357-сон, 01.04.2021й.). Натижада яратилган дастурий восита геофизик тадқиқотлар, ҳусусан ер ости сувлари ҳолати шарт-шароитларини бахолаш ва геофизик майдонларнинг аномал ўзгаришларини аниқлашнинг самарадорлиги, олинган натижаларнинг информативлигини, аниқлиги ва ишончлилигини оширди ва хатоларни камайтиришга олиб келди. Бунда сигналнинг спектрал коэффициентларини ҳисоблашга кетадиган вақтни 35% га ва хатоликни 18-22% га камайтириш имконини берди; 
бўлак-полиномиал базисларда биомедицина сигналларини рақамли ишлаш алгоритми асосида яратилган дастурий мажмуа Республика шошилинч тез тиббий ёрдам илмий-амалий марказининг Андижон филиалига жорий қилинган (Ахборот технологиялари ва коммуникацияларини ривожлантириш вазирлиги маълумотнома № 33-8/2357-сон, 01.04.2021й.). Натижада спектрал коэффициентлани ҳисоблашнинг тезкор алгоритми асосида ишлаб чиқилган дастурий мажмуа ёрдамида биомедицина сигналларига рақамли ишлов беришга кетган вақтни, маълумотларнинг информативлиги, ҳисоблашлар самарадорлигини оширишга имкон берди.