Панжиев Самижон Алиқуловичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи): “Виртуал  дидактик  муҳитда талабаларнинг техник тайёргарлигини ривожлантириш методикаси”,13.00.02 – Таълим ва тарбия назарияси ва методикаси (информатика).
Диссертация мавзуси рўйхатга олинган рақам: B2020.2.PhD/Ped1665.
Диссертациябажарилган муассаса номи: Қарши муҳандислик-иқтисодиёт институти.
Илмий раҳбар: Узаков Заир Узакович, физика-математика фанлари номзоди, доцент.
ИК фаолият кўрсатаётган муассаса номи, ИК рақами: Қарши давлат университети, PhD.03/04.06.2020.Ped.70.02.
Расмий оппонентлар: Қаҳҳоров Сиддиқ Қаҳҳорович, педагогика фанлари доктори, профессор; Қаюмова Насиба Ашуровна, педагогика фанлари номзоди, доцент.
Етакчи ташкилот: Урганч давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади виртуал дидактик муҳитнинг таълимий потенциалини аниқлаш ҳамда талабаларнинг техник тайёргарлиги даражасини ошириш методикасини такомиллаштиришдан иборат.
III. Тадқиқотнинг илмий янгилиги:
мустақил танқидий фикрлаш ва шахсни интеллектуал ривожлантириш-нинг модулли объектга йўналтирилган динамик таълим муҳити имкониятлари виртуал реаллик технологиялари асосида такомиллаштирилган;
виртуал дидактик муҳитда образларнинг визуал дидактик воситаларини яратиш ва қўллашнинг методик тизими техник тайёргарлик даражалари ахборот алмашинувининг ташкилий тузилмасини белгилаш асосида такомиллаштирилган;
виртуал дидактик муҳитнинг техник тайёргарлик потенциали, виртуал образларни визуал яратиш ҳамда реал ҳолатлар билан ишлаш имкониятлари, масофавий таълим шакллари “Масофавий таълимнинг дидактик таъминоти” мобиль илова дастурлари асосида такомиллаштирилган; 
виртуал таълимни ташкил этиш методикаси ўқув машғулотлари тузилмасини муаммоли ўқитиш технологиялари, таълим воситаларининг ўқув босқичлари ҳамда креатив компетентлиги каби аралаш модел шаклларининг интеграцияси асосида такомиллаштирилган.
IV. Тадқиқот натижаларининг жорий қилиниши. Виртуал дидактик муҳитда талабаларнинг техник тайёргарлигини ривожлантириш методикасига доир олинган илмий натижалар асосида:
талабаларнинг виртуал дидактик муҳитда техник тайёргарлигини ошириш имконини яратишга қаратилган таклифлардан №AIF-2/15 “Ўзбекистонда замонавий ахборот-коммуникация технологиялари асосида олий таълим тизимида масофавий таълимни ташкил этиш модели ва технологиясини ишлаб чиқиш” (2019-2021 йй.) мавзусидаги амалий лойиҳасида фойдаланилган(Олий ва ўрта махсус таълим вазирлигининг 2021 йил 14 январдаги 89-03-188-сон маълумотномаси). Натижада виртуал реаллик технологияларининг дидактик потенциалини  аниқлаш имконини берган;
“Виртуал аудитория”, “Виртуал Кубик” каби модулли таълим технологияларини қўллаш амалиёти натижалари, талабаларнинг техник тайёргарлигини ривожлантиришга оид тавсиялари “Цифровая экономика: управление информационными ресурсами” номли ўқув қўлланма мазмунига сингдирилган (Олий ва ўрта махсус таълим вазирлигининг 2021 йил 14 январдаги 89-03-188-сон маълумотномаси). Натижадавиртуал дидактик муҳитда талабаларнинг техник тайёргарлигини ривожлантириш интеллектуал ва ахборот компетенцияларини ривожлантириш имконини берган;
талабаларнинг техник тайёргарлигини ва виртуал таълим тизимидан фойдаланиш самадорлигини оширишга оид таклифлар Қарши муҳандислик-иқтисодиёт институти ва Грециянинг Хелленик халқаро университети билан ҳамкорликда 2019-2021 йилларда бажарилаётган Эрасмус+ дастурининг “Олий таълимда салоҳиятни ошириш”, “MechaUZ Project” лойиҳаси мазмунига сингдирилган (Олий ва ўрта махсус таълим вазирлигининг 2021 йил 14 январдаги 89-03-188-сон маълумотномаси). Натижада талабаларнинг техник тайёргарлигини ва виртуал таълим тизимини шакллантириш имконини берган.