Акрамов Жахонгир Джуманазаровичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар
Диссертация мавзуси, ихтисослик шифри (илмий даража бериладиган фан тармоғи номи): «Ўзбекистонда ижро ҳокимияти тизимини модернизациялашнинг инновацион омиллари (маҳаллий ижроия ҳокимияти мисолида)», 23.00.02 – Сиёсий институтлар, жараёнлар ва технологиялар (сиёсий фанлар). 
Диссертация мавзуси рўйхатга олинган рақам: B2018.1.PhD/Siyos89.
Илмий раҳбар: Джалилов Бахтиёр Хидаевич, фалсафа фанлари номзоди, доцент.
Диссертация бажарилган муассаса номи:  Ўзбекистон миллий университети.
ИК фаолият кўрсатаётган муассаса номи, ИК рақами: Ўзбекистон Миллий университети, DSc.03/30.12.2019.Ss.01.08. 
Расмий оппонентлар: Жўрақулов Фурқат Норйигитович, сиёсий фанлар доктори, профессор; Муҳаммадсиддиқов Муҳаммадолим Муҳаммадрозиқ, сиёсий фанлар доктори, доцент.
Етакчи ташкилот: Тошкент давлат иқтисодиёт университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади Ўзбекистонда маҳаллий ижроия ҳокимияти органлари фаолиятига инновацион бошқарув технологияларини жорий этиш бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
маҳаллий ижроия ҳокимияти органлари фаолияти самарадорлигини оширишда бенчмаркинг (баҳолаш ва таққослаш), бенчфьючинг (истиқболни моделлаштириш), бенчрейсинг (мақсадга эришиш йўли), лойиҳавий бошқарув инновацион технологияларни қўллаш зарурати очиб берилган;
вилоят, туман ва шаҳар ҳокимларининг халқ депутатлари Кенгаши раиси функционал мақомини бекор қилиш тартиби, маҳаллий вакиллик ва ижроия органлари ўртасида ўзаро тийиб туришнинг сиёсий, хуқуқий консенсус меъёрлари илмий асосланган;
маҳаллий ижроия ҳокимияти органларининг аҳоли ижтимоий муаммоларини бартараф этиш, иқтисодий инвестицияларни жалб қилиш, ёшларни ҳар томонлама қўллаб-қувватлаш, бандликни таъминлаш, ҳуқуқбузарликларни олдини олишдаги функцияларининг  динамикаси, ҳудудий мослашувчан инновацион сиёсатининг шакллари очиб берилган;
маҳаллий ижроия ҳокимияти органлари фаолиятига краудсорсинг (ташқи ташкилотлар ресурсларидан фойдаланиш), аутсорсинг (ташқи ресурслар - хусусий ва нодавлат хизмат кўрсатиш шакллари) замонавий менежмент усулларини қўллаш орқали тизимли-институционал, функционал механизмлари такомиллаштирилган.
IV. Тадқиқот натижаларининг жорий қилиниши.
Ўзбекистонда ижро ҳокимияти органлари фаолиятини модернизациялашда инновацион технологияларни қўллаш жараёнини ўрганиш натижасидаги таклифлар асосида:
маҳаллий ижроия ҳокимияти органлари фаолияти самарадорлигини оширишда бенчмаркинг (баҳолаш ва таққослаш), бенчфьючинг (истиқболни моделлаштириш), бенчрейсинг (мақсадга эришиш йўли), лойиҳавий бошқарув инновацион технологияларни қўллаш зарурати очиб берилганлиги борасидаги илмий янгилик асосидаги таклиф ҳамда тавсиялардан Ўзбекистон Республикаси Ёшлар ишлари агентлигининг 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Ёшларни қўллаб-қувватлаш ва аҳоли саломатлигини мустаҳкамлаш йили»да амалга оширишга оид Давлат дастурининг 4-бандидаги “Давлат бошқаруви органлари фаолиятини тубдан такомиллаштириш” ва 5-бандидаги “Ўрта ва қуйи бўғин бошқарув идораларининг фаолиятини тубдан такомиллаштириш” вазифалари ижросини таъминлашда фойдаланиб келинмоқда (Ўзбекистон Республикаси Ёшлар ишлари агентлигининг 2021 йил 22 июндаги 4-13-23-1682-сон маълумотномаси). Натижада бошқарувнинг инновацион модделлари асосида маҳаллий ижроия ҳокимияти органларининг фаолияти устидан самарали жамоатчилик назоратини олиб бориш, туман, шаҳар, вилоят ҳокимларининг масъулиятини ошириш, халқ билан мулоқотнинг натижадорлигини кучайтиришга хизмат қилган;
вилоят, туман ва шаҳар ҳокимларининг халқ депутатлари Кенгаши раиси функционал мақомини бекор қилиш тартиби, маҳаллий вакиллик ва ижроия органлари ўртасида ўзаро тийиб туришнинг сиёсий, хуқуқий консенсус меъёрлари илмий асосланганлиги бўйича илмий янгиликларидан Ўзбекистон Либерал-демократик партияси Сиёсий Кенгашининг 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Ёшларни қўллаб-қувватлаш ва аҳоли саломатлигини мустаҳкамлаш йили»да амалга оширишга оид Давлат дастурининг 6-бандида белгиланган “Маҳаллий ижро ва вакиллик органлари фаолиятини тубдан такомиллаштириш” вазифасини бажариш бўйича “Ўзбекистон Республикасининг «Маҳаллий давлат ҳокимияти тўғрисида»ги Қонунига қўшимча ва ўзгартишлар киритиш тўғрисида”ги қонун лойиҳасини тайёрлашда фойдаланилган (Ўзбекистон Либерал-демократик партияси Сиёсий Кенгашининг 2021 йил 22 июндаги 01-27/493-сон маълумотномаси). Натижада маҳаллий ижроия органлари ҳамда халқ депутатлари вилоят, туман, шаҳар Кенгашлари фаолиятининг шаффофлигини таъминлаш ва жойларда қарорлар ижросини тўлиқ таъминлаш орқали халқнинг легитим сиёсий институтига айланишига хизмат қилган; 
маҳаллий ижроия ҳокимияти органларининг аҳоли ижтимоий муаммоларини бартараф этиш, иқтисодий инвестицияларни жалб қилиш, ёшларни ҳар томонлама қўллаб-қувватлаш, бандликни таъминлаш, ҳуқуқбузарликларни олдини олишдаги функцияларининг  динамикаси, ҳудудий мослашувчан инновацион сиёсатининг шакллари очиб берилганлиги бўйича илмий янгиликлари асосидаги таклиф ва тавсиялари Ўзбекистон Республикаси Ёшлар ишлари агентлиги томонидан Норматив-ҳуқуқий ҳужжатлар лойиҳалари муҳокамаси порталига ID-46515 рақамли “Ижтимоий ҳимояга муҳтож ёшларни қўллаб-қувватлашнинг қўшимча чора-тадбирлари тўғрисида”ги Ўзбекистон Республикаси Вазирлар Маҳкамаси Қарори лойиҳасини тайёрлашда фойдаланилган (Ўзбекистон Республикаси Ёшлар ишлари агентлигининг 2021 йил 22 июндаги 4-13-23-1682-сон маълумотномаси). Натижада, ушбу диссертациянинг хулосалари ва амалий тавсиялари Ўзбекистон Республикаси Ёшлар ишлари агентлиги фаолияти тизимида иш самарадорлигини оширишга хизмат қилган;
маҳаллий ижроия ҳокимияти органлари фаолиятига краудсорсинг (ташқи ташкилотлар ресурсларидан фойдаланиш), аутсорсинг (ташқи ресурслар - хусусий ва нодавлат хизмат кўрсатиш шакллари) замонавий менежмент усулларини қўллаш орқали тизимли-институционал, функционал механизмлари такомиллаштирилганлиги бўйича илмий янгилик асосидаги таклиф ҳамда тавсияларидан Ўзбекистон Либерал-демократик партияси Сиёсий Кенгашининг 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Ёшларни қўллаб-қувватлаш ва аҳоли саломатлигини мустаҳкамлаш йили»да амалга оширишга оид Давлат дастурининг 4-бандида белгиланган “Давлат бошқаруви органлари фаолиятини тубдан такомиллаштириш” вазифасини бажариш бўйича махсус “Йўл харитаси”ни ишлаб чиқишда фойдаланилди (Ўзбекистон Либерал-демократик партияси Сиёсий Кенгашининг 2021 йил 22 июндаги 01-27/493-сон маълумотномаси) Натижада, бошқарувда самарали маъмурий воситаларини қўллаш орқали фуқароларнинг давлат ва жамият бошқаруви жараёнларидаги фаоллигини ошириш, юксак маънавиятли, қатъий ҳаётий позиция эга, ташаббускор, билим ва салоҳиятини сафарбар қиладиган, мамлакат истиқболи учун масъулиятни ўз зиммасига олишга қодир давлат хизматчилари сафини кенгайтириш каби стратегик вазифаларнинг ишлаб чиқилишига хизмат қилган.