Allamuratova Ziyo‘ar Bauaddinovnaning
falsafa doktori (PhD) dissertatsiya himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i): «Janubiy Orolbo‘yi sharoitida To‘rtko‘l havza xo‘jaligi, ko‘llari baliq parazitlarining ekologik xususiyatlari va ularga qarshi kurashish yo‘llari», 03.00.10 – Ekologiya (biologiya).
Dissertatsiya mavzusi ro‘yxatga olingan raqam: B2020.2.PhD/B219.
Ilmiy rahbar: Kurbanova Al`fiya Ismailovna, biologiya fanlari nomzodi, dotsent.
Dissertatsiya bajarilgan muassasa nomi: Toshkent davlat agrar universiteti Nukus filiali.
IK faoliyat ko‘rsatayotgan muassasa (muassasalar) nomi, IK raqami: Qoraqalpoq tabiiy fanlar ilmiy-tadqiqot instituti, DSc.02/30.04.2021.B.79.01.
Rasmiy opponentlar: Jumanov Muratbay Arepbaevich, biologiya fanlari doktori, professor; Allamuratov Shadimurat Turemuratovich, biologiya fanlari nomzodi, dotsent. 
Etakchi tashkilot: Urganch davlat universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: Janubiy Orolbo‘yi sharoitida To‘rtko‘l havza xo‘jaligi, ko‘llari baliq parazitlarining ekologik xususiyatlarini aniqlash va ularga qarshi kurashish yo‘llarini ishlab chiqishdan iborat. 
III. Tadqiqotning ilmiy yangiligi:
suv ekotizimlarining ekologik degradatsiya jarayonlarini baholash uchun gidrobiontlar va ekologik nishalarning kamayishi bilan bog‘liq bo‘lgan To‘rtko‘l hovuz xo‘jaligi tizimidagi ixtioparazitlar son dinamikasidagi o‘zgarishlar aniqlangan;
o‘zgaruvchan muhit sharoitida To‘rtko‘l havza xo‘jaligi tizimlari, Yanbosh-yop kanali, 4 va 6 bo‘lim havzalari, kollektorlar, To‘rtko‘l va Kelteminar ko‘llari tizimidagi ixtioparazitlar faunasining zamonaviy taksonomik tarkibi va populyasion strukturasi ochib berilgan; 
To‘rtko‘l tumani havza xo‘jaligida baliq parazitlar faunasining shakllanishi va 55 turdagi parazitlarning mavsumiy o‘zgarishlari aniqlangan;
To‘rtko‘l havza xo‘jaligining ekologik sharoitida patogen parazit D.nanus bilan hayotning birinchi yilida Qizil ko‘z balig‘i chovaqchasining zararlanishining morfo-anatomik va biologik ko‘rsatkichlari aniqlangan.
IV. Tadqiqot natijalarining joriy qilinishi: 
Janubiy Orolbo‘yi sharoitida To‘rtkul havza xo‘jaligi, ko‘llari baliq parazitlarining ekologik xususiyatlarini aniqlash va qarshi kurashish yo‘llari bo‘yicha olingan ilmiy natijalar asosida:  
To‘rtko‘l baliq xo‘jaligi xavzalarida baliqlarning patogen va invazion kasalliklariga qarshi kurashish va suv ekotizimlari degradatsiyasi jarayonlarini aniqlash bo‘yicha ishlab chiqilgan chora-tadbirlar  Qoraqalpog‘iston Respublikasi To‘rtko‘l havza baliqchilik xo‘jaligida amaliyotga joriy etilgan (Qoraqalpog‘iston Respublikasi Suv xo‘jaligi vazirligining 2020 yil 13 oktyabrdagi 01/07-3-333-son ma’lumotnomasi). Natijada, suv ekotizimlari va parazitlar faunasining bioindikatsiyasini o‘tkazish, tabiiy muhit holatini baholash va biologik xilma-xillikni saqlash bo‘yicha chora-tadbirlarini ishlab chiqish imkonini bergan;
Janubiy Orolbo‘yi hududi kullarining biologik xilma-xilligini saqlash va ixtiofaunani muhofaza qilish bo‘yicha ishlab chiqilgan tavsiyalar Qoraqalpog‘iston Respublikasi Ekologiya va atrof-muhitni muhofaza qilish davlat qo‘mitasida amaliyotga joriy etilgan (Qoraqalpog‘iston Respublikasi Ekologiya va atrof-muhitni muhofaza qilish davlat qo‘mitasining 2020 yil 6 noyabrdagi 02/18-1-2043-son ma’lumotnomasi). Natijada, mintaqa ko‘llarining ixtiofaunasi parazitlariga qarshi kurash va suv ekotizimlarini bioindikatsiya qilishning ilmiy asoslangan kompleks chora-tadbirlarini ishlab chiqish imkonini bergan.