Йўлдашов Муроджон Равшановичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Ёш футболчи қизларнинг координацион қобилиятларини ривожлантириш методикасини такомиллаштириш”, 13.00.04 – Жисмоний тарбия ва спорт машғулотлари назарияси ва методикаси.
Диссертация мавзуси рўйхатга олинган рақам: В2020.4. PhD/Ped.832.
Илмий раҳбар: Абидов Шавкат Усманович, педагогика фанлари номзоди, доцент. 
Диссертация бажарилган муассаса номи: Ўзбекистон давлат жисмоний тарбия ва спорт университети.
ИК фаолият кўрсатаётган муассаса номи, ИК рақами:Ўзбекистон давлат жисмоний тарбия ва спорт университети, DSc.03/30.12.2019.Ped 28.01.
Расмий оппонентлар: Кошбахтиев Ильдар Ахмедович, педагогика фанлари доктори, профессор; Акрамов Жасур Анварович,педагогика фанлари номзоди, профессор.
Етакчи ташкилот: Гулистон давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади ёш футболчи қизларнинг координацион қобилиятларини ривожлантириш услубиятини махсус воситаларни оптималлаштириш ва микроцикллар юкламаларини меъёрлаш орқали такомиллаштириш бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
ёш футболчи қизларнинг йиллик тайёргарлик босқичларида ритмга мослашиш, мувозанат сақлаш, фазовий мўлжал олиш, вақт оралиғида ҳаракатларни ўзгартириш ва мослаштириш қобилиятларини баҳолашнинг янги меъёрий талабларини ишлаб чиқиш ҳисобига махсус координацион қобилиятлар такомиллаштирилган;
ёш футболчи қизларнинг мусобақа фаолиятини инобатга олган ҳолда йиллик тайёргарликнинг базавий, умумий ва махсус тайёргарлик, тортувчи ва мусобақа олди микроциклларидаги (турлараро)  воситаларни тартиблаштиришва уларнинг меъёрларини тақсимлаш асосида координацион қобилиятларни такомиллаштириш имконияти кенгайтирилган;
умумий ва махсус координацион қобилиятларни ривожлантиришга йўналтирилган машқлар комплексидан устувор фойдаланиш асосида воситаларнинг таъсир этиш даражаларига кўрааэроб, аралаш, анаэроб–гликолитик, анаэроб–алактат режимидаги координацион машғулотларни турли вариантларда қўллаш имконияти кенгайтирилган; 
ёш футболчи қизларнинг амплуалари бўйича танлаб йўналтирилган воситалар асосида мусобақа фаолиятидаги координацион ҳаракатларнинг мураккаблик даражаси бўйича техник-тактик ҳаракатларни нисбий ва абсолют кўрсаткичлари ўзгариши ҳисобига ўйин вазиятларини моделлаштириш такомиллаштирилган.
IV. Тадқиқот натижаларининг жорий қилиниши. Ёш футболчи қизларнинг координацион қобилиятларини ривожлантириш услубиятини такомиллаштиришга қаратилган тажриба тадқиқотлари асосида:
ёш футболчи қизларда махсус координацион қобилиятларнинг ривожланиш даражасини баҳолаш учун ишончли тестлар аниқланиб, йиллик циклнинг тайёргарлик ва мусобақа даврлари босқичларида қўлланилиб,таклиф ва тавсиялар «Футбол назарияси ва услубияти» номли ўқув қўлланма мазмунига сингдирилган (Ўзбекистон Республикаси Олий ва ўрта таълим вазирлигининг 2020 йил 28 декабрдаги 676-рақамли буйруғи асосида 676-189 рақамли гувоҳнома). Натижада ёш футболчи қизларнинг координацион қобилиятлари 14,5-15,6% га яхшиланган;
ёш футболчи қизларнинг координацион қобилиятларини ривожлантиришга қаратилган воситаларнинг тайёргарлик ва мусобақа даврларидаги турлараро цикллар бўйича ишлаб чиқилган оптимал меъёрлари нисбатларини аниқлаш асосида «Футбол назарияси ва услубияти»  номли ўқув қўлланма нашр эттирилган (Ўзбекистон Республикаси Олий ва ўрта таълим вазирлигининг 2020 йил 28 декабрдаги 676-рақамли буйруғи асосида 676-189 рақамли гувоҳнома). Натижада ёш футболчи қизларнинг координацион қобилиятларини ривожлантиришга қаратилган воситаларнинг тайёргарлик даврларидаги оптимал меъёрлари 5-20 % ҳажмда белгиланган;
махсус машқлар комплексидан устувор фойдаланиш асосида ёш футболчи қизларнинг координацион қобилиятларини ривожлантириш услубияти «Севинч-2» футбол жамоасининг ўқув-машғулотлари жараёнига татбиқ этилган (Ўзбекистон Республикаси Жисмоний тарбия ва спорт вазирлигининг 2020 йил 28 январдаги 03-07-08-344 рақамли маълумотномаси). Натижада тайёргарлик ва мусобақа даврларида ёш футболчи қизларнинг координацион қобилиятлари даражаси 8-23% га ўсган;
ёш футболчи қизларнинг махсус координацион қобилиятларини ривожлантириш услубиятининг мусобақа фаолияти кўрсаткичларига таъсир этишига доир материаллар асосида «Футбол назарияси ва услубияти»  номли ўқув қўлланма нашр эттирилган (Ўзбекистон Республикаси Олий ва ўрта таълим вазирлигининг 2020 йил 28 декабрдаги 676-рақамли буйруғи асосида 676-189 рақамли гувоҳнома). Натижада ёш футболчи қизларнинг теҳник-тактик ҳаракатлари самарадорлиги 12-14% га яхшиланган.