Сафаров Мурод Ташпулатовичнинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Дентал имплантатлар ёрдамида протезлашнинг турли усуллари самарадорлигини клиник-патогенетик асослаш», 14.00.21 – «Стоматология» (тиббиёт фанлари).
Диссертация мавзуси рўйхатга олинган рақам: B2017.1.DSc/Tib97.
Диссертация бажарилган муассаса номи: Тошкент давлат стоматология институти.
ИК фаолият кўрсатаётган муассаса номи, ИК рақами: Тошкент давлат стоматология институти, DSс.28.12.2017.Tib.59.01.
Илмий маслаҳатчи: Ирсалиев Хусниддин Ибрагимович тиббиёт фанлари доктори, профессор.
Расмий оппонентлар: Рузуддинов Саурбек Рузуддинович. тиббиёт фанлари доктори, профессор (Қозоғистон Республикаси). Гулямов Сурат Саидвалиевич тиббиёт фанлари доктори, профессор. Камилов Хайдар Пазылович тиббиёт фанлари доктори, профессор.
Етакчи ташкилот: Ёнсей университети (Жанубий Корея)
Диссертация йўналиши: амалий аҳамиятга молик.
II. Тадқиқотнинг мақсади: тиш имплантатдаги протезлашнинг турли хил усулларида клиник-патогенетик самарадорлигини баҳолаш.
III. Тадқиқотнинг илмий янгилиги:
қуйидагилардан иборат:
илк бор тиш импланти атрофида бир ойдан кейин қон таъминотининг икки баробар ортишига сабаб эрта функционал юклама таъсирида таркибий тўқималар ритмик қон айланиши даражаси камайиши, қон томирлари девори тонусининг ўсиши ва кон айланишининг тезлашуви билан боғлиқ экани исботланган;
илк бор тиш импланти атрофида чайнаш юкламаси таъсиридан олти ойдан кейин тўқималар қон айланиши ва интенсивлигини ортиши микро қон томирлар вазомотор фаоллигининг ўсишига пропорционал боғлиқлиги аниқланган;
кечки (6-8 ой) муддатларда эрта функционал юкламанинг тиш имплантлари сохасидаги пастки жағ алвеоляр ўсимтанинг суяк тўқималари зичлиги (имплантат бўйни ва ўртаси) ҳолати соғлом ҳудуддаги суяклар зичлик кўрсаткичларига мос келиши  аниқланган;
илк бор тиш имплантатларга эрта функционал юклама таъсирида чайнов мускуллари (m. Мasseter ва m. Temporalis учун координация коеффициентининг сиқишда тинч холатига нисбатан ишонарли ортиши) биопотенциалининг ортиши ва натижада икки томонлама чайновнинг тўлиқ тикланиши исботланган;
илк бор тиш имплантларига таянган кўприксимон протезланган беморларда ҳосил бўлиши мумкин бўлган ортиқча функционал зўриқиш имплант атрофидаги суяк тўқимаси атрофияси ва имплант атрофидаги юмшоқ тўқиманинг яллиғланиши билан узвий боғлиқлиги исботланган.
IV. Тадқиқот натижаларининг жорий қилиниши.
Оғиз бўшлиғи ҳолатининг ташхисига кўра илмий натижаларга асосланиб имплантат ва ортопедик протезларнинг ҳар бир бемор учун индивидуал моделини танлаш бўйича илмий тадқиқот натижалари асосида:
тиш имплантатларидан фойдаланган ҳолда тиш қаторларининг кичик нуқсонлари мавжуд беморларни даволаш бўйича тадқиқотнинг илмий натижалари асосида ишлаб чиқилган «Тиш имплантатларидан фойдаланган ҳолда тиш қаторларининг кичик нуқсонлари мавжуд беморларни даволаш тактикаси» номли услубий тавсиянома тасдиқланган (Соғлиқни сақлаш вазирлигининг 2020 йил 6 октябрдаги 8н-р/321-сон маълумотномаси.). Мазкур услубий тавсиянома жорий қилиш ички суяк имплантатларига таянч билан ортопедик даволаш сифатини ошириш имконини берган;
эрта ва узоқ юкламада тиш имплантатлари барқарорлиги бўйича тадқиқотнинг илмий натижалари асосида ишлаб чиқилган «Эрта ва узоқ юкламада тиш имплантатлари барқарорлигининг тажрибавий асослари» номли услубий тавсияномаси тасдиқланган  (Соғлиқни сақлаш вазирлигининг 2020 йил 8 октябрдаги 8н-р/329-сон маълумотномаси). Мазкур услубий тавсиянома жорий қилиш тиш имплантатлари барқарорлик шартларини белгилаш ва уларнинг юкламасига боғлиқ ҳолда самарадорликни аниқлаш имконини берган;
тиш имплантатларини қўллаган ҳолда тиш протезлаш бўйича тадқиқотнинг илмий натижалари асосида ишлаб чиқилган «Тиш имплантатларини қўллаган ҳолда тиш протезлашнинг патогенетик асослари» номли услубий тавсиянома тасдиқланган (Соғлиқни сақлаш вазирлигининг РУз №8н-р/86 сонли 20 апрел 2018 йилдаги маълумотномаси). Мазкур услубий тавсиянома жорий қилиш тиш қаторлари нуқсонлари ва алвеоляр ўсимталардаги суяк шаклланиши бузилишига чалинган беморларни даволаш самарадорлигини ошириш имконини берган;
Тиш имплантатдаги асос билан дифференциал ортопедик даволаш натижалари Ўзбекистон республикаси стоматология поликлиникасининг давлат унитар корхонасида, Тошкент давлат стоматология институти клиникаси ва МЧЖ “Туртинчи” стоматология поликлиникаси амалий фаолиятига жорий қилинган. Жорий этиладиган натижалар ташхисот сифатини ошириш ва ортопедик даволаш тактикасини режалаштириш, тажрибавий тадқиқотларда шу нарса аниқландики, тўлақонли суяк кўчишини таъминлайдиган имплантатни ўрнатишнинг йўл қўйиладиган бурчаги суяк ўқига нисбатан 15-17 градусни ташкил қилади, бу эса дентал имплантациялардаги асоратлар сонининг қисқаришига ва қисман,тўлиқ тишсизлиги бўлган беморларни самарали реабилитациялаш кўрсаткичини яхшилаш имконини яратган.