Матякубов Иззат Батировичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Бўлажак мусиқа ўқитувчиларини амалий компетенцияларини ривожлантириш”, 13.00.01 – Педагогика назарияси. Педагогик таълимотлар тарихи (педагогика фанлари).
Диссертация  мавзуси рўйхатга олинган рақам: B2017.3.PhD/Ped191.  
Илмий раҳбар: Халиков Аъзам Абдусаломович, педагогика фанлари доктори, профессор.
Диссертация бажарилган муассаса номи: Тошкент давлат педагогика университети.
ИК  фаолият кўрсатаётган муассаса (муассасалар) номи, ИК рақами: Тошкент давлат педагогика университети, DSс.03/30.01.2020.Ped.26.01. 
Расмий оппонентлар: Ибрагимов Холбой Ибрагимович педагогика фанлари доктори, профессор, Аҳмедов Маъруфжон Мамирджанович педагогика фанлари номзоди, доцент.  
Етакчи ташкилот: Самарқанд давлат  университети.
Диссертация йўналиши: амалий ва назарий аҳамиятга молик.
II. Тадқиқотнинг мақсади бўлажак мусиқа ўқитувчиларининг амалий компетенцияларини ривожлантириш бўйича илмий-амалий тавсиялар ишлаб чиқишдан иборат.
III. Тадқиқотнинг илмий янгилиги:   
бўлажак мусиқа ўқитувчисининг амалий компетенцияларининг праксеологик узвийлиги субъект-субъект муносабатлари билан индивидуал танлов эркинлигининг ўзаро қайта алоқага киришув даражаси барқарорлигини таъминлаш орқали аниқлаштирилган;
бўлажак мусиқа ўқитувчисида мусиқа образини ривожлантиришнинг рефлексив механизмлари дирижёрлик техникасини эгаллашнинг индивидуал таълим траекториясини ва фаол мусиқатерапияни тизимли қўллаш алгоритмининг касбий компетенцияларга моделлаштириш асосида такомиллаштирилган; 
бўлажак мусиқа ўқитувчисининг ижодий компетенцияларини ривожлантириш модели Шарқ мумтоз санъат мутафаккирларининг бадиий-эстетик тарбия қарашларини туркумлаштириш ҳамда талабаларнинг эстетик тарбияланганлик даражасини диагностик аниқлаштириш асосида такомиллаштирилган;
бўлажак мусиқа ўқитувчисини вокал малакаларини баҳолаш самарадорлигини модулли-структурали ёндашув билан халқчиллик тамойилининг қайта алоқага киришиш даражасининг субъектив таъсирчанлигини кенгайтириш асосида такомиллаштирилган.
IV. Тадқиқот натижаларининг жорий қилиниши. Бўлажак мусиқа ўқитувчиларининг амалий компетенцияларини ривожлантириш юзасидан ишлаб чиқилган услубий ва амалий таклифлари асосида:
мотивацион, мақсадли, операционал, функционал, назорат, баҳолаш компонентлари тизимли интеграцияси орқали ривожлантирилган бўлажак мусиқа ўқитувчисининг амалий компетенцияларининг праксеологик (амалий, рационал, самарадор) узвийлигига оид таклифлардан Ўзбекистон Республикаси Олий ва ўрта махсус таълим вазирлигининг 2017 йил 17 апрелдаги №87-02-1199 “Олий таълим йўналишлари ва мутахассисликлари-нинг давлат таълим стандартлари асосида фан дастурларини ишлаб чиқиш ва тадбиқ этиш тартиби” буйруғи мазмунига сингдирилган (Ўзбекистон Республикаси Олий ва ўрта махсус таълим вазирлигининг 2017 йил 17 апрелдаги 87-02-1199-сон буйруғи). Натижада, “Pano Tuner”, “Shazam”, “ORG 2020” методларидан фойдаланиш бўйича мутахасисслик фанлари учун тавсиялар ишлаб чиқилган;
тизимли ёндашув бўйича дирижёрлик техникасини эгаллашдаги педагогик стратегиялари орқали такомиллаштирилган бўлажак мусиқа ўқитувчиси амалий компетенцияларини ривожлантиришнинг рефлексив механизмларига оид таклифлардан “Дирижёрлик” номли ўқув қўлланмасини ишлаб чиқишда фойдаланилган (Ўзбекистон Республикаси Олий ва ўрта махсус таълим вазирлигининг 2019 йил 20 июлдаги 654-сон буйруғи, № 654-140). Натижада, сиртқи ва махсус сиртқи шаклда ўқиётган талабалар учун мустақил таълим электрон ресурсларининг t.me/M_I_B_konal яратилган; 
этнопсихологик хусусиятлар, ахлоқий қарашлар, ҳаётий эътиқодларни ривожлантиришнинг таълимий-дидактик имкониятларини Шарқ мумтоз санъат мутафаккирларининг бадиий-эстетик тарбия қарашларига уйғунлигини таъминлаш асосида такомиллаштирилган бўлажак мусиқа ўқитувчисининг амалий компетенцияларини ривожлантириш моделига оид таклифлардан “Хор ва хоршунослик” номли ўқув қўлланмасини ишлаб чиқишда фойдаланилган (Ўзбекистон Республикаси Олий ва ўрта махсус таълим вазирлигининг 2019 йил 20 июлдаги 654-сон буйруғи, №654-142).  Натижада, бўлажак мусиқа ўқитувчиларининг амалий компетенцияларини ривожлантиришга хизмат қилган;
блум таксономияларини портфолио технологияларига уйғунлаштириши асосида такомиллаштирилган бўлажак мусиқа ўқитувчиси амалий компетенцияларини баҳолаш тузилмаси(субъект, шахсий, моддий, ахлоқий, натижавий, процессуал, миқдор ва сифат)га оид таклифлардан “Дирижёрлик” номли ўқув қўлланмасини ишлаб чиқишда фойдаланилган (Ўзбекистон Республикаси Олий ва ўрта махсус таълим вазирлигининг 2019 йил 20 июлдаги 654-сон буйруғи, №654-140). Натижада, бўлажак мусиқа ўқитувчиларининг амалий компетенцияларини ривожлантириш даражалари аниқланган.