Азизова Қизлархон Машрабовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Малака ошириш жараёнида бошланғич синф ўқитувчиларининг интегратив-педагогик фаолиятини ривожлантириш”, 13.00.01 – Педагогика назарияси. Педагогик таълимотлар тарихи.
Диссертация мавзуси рўйхатга олинган рақам: B2021.1.PhD/Ped1391.
Илмий раҳбар: Халиков Аъзам Абдусаломович, педагогика фанлари доктори, профессор.
Диссертация бажарилган муассаса номи: Тошкент давлат педагогика университети.
ИК фаолият кўрсатаётган муассаса номи, ИК рақами: Тошкент давлат педагогика университети, DSc.03/30.01.2020.Ped.26.01.
Расмий оппонентлар: Ҳакимова Муҳаббат Файзиевна, педагогика фанлари доктори, профессор; Исакулова Нилуфар Жаникуловна, педагогика фанлари доктори, профессор.
Етакчи ташкилот: Жиззах давлат педагогика институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади интегратив ёндашув асосида бошланғич синф ўқитувчиларининг малакасини оширишда методик тайёргарлигини такомиллаштириш бўйича тавсиялар ишлаб чиқишдан иборат.
III. Тадқиқотнинг илмий янгилиги: 
бошланғич синф ўқитувчиларининг малакасини ошириш курсларида касбий эҳтиёжларга асосланган фанлараро яхлитлаш даражалари малака ошириш траекториясини шакллантириш жараёнида шахсда шаклланган ижтимоий-педагогик ва тарбиявий хусусиятларнинг алоқадорлигини таъминлаш асосида такомиллаштирилган; 
бошланғич синф ўқитувчилари интегратив-педагогик фаолияти интериоризация, импровизация, рефлексив ва шахсга йўналтирилган таълим технологиялари муаммоли топшириқларни еча олиш, ўзаро ёрдам, ўз-ўзини баҳолаш, ўзаро мусобақалашиш, мустақил қарор қабул қилиш асосида ўқитувчи шахсининг индивидуал ёндашуви ҳамда ўқувчилар билиш фаолиятини баҳолаш мезонлари ва кўрсаткичларини аниқлаш асосида такомиллаштирилган;
малака ошириш жараёнида бошланғич синф ўқитувчилари интегратив-педагогик фаолиятининг концептуал модели интегратив алоқадорликнинг таълимий-дидактик имкониятларини ўқув материалини таълим мазмунининг шакли, бирлиги ва уни моддийлаштириш даражасига алоқадорлигини таъминлаш асосида такомиллаштирилган;
талабаларда миллий қадриятларга оид тушунчаларни ривожлантириш жараёнлари дарс ва дарсдан ташқари машғулотлар, мақсадли курслар, вебинарлар ва ўқув материалларининг дидактик хусусиятлари, амалга ошириш босқичлари, технологияларини ривожлантириш мазмуни узлуксиз таълим жараёнларига рефлексив-ижодий эҳтиёжларга асосланган вариатив-модулли дастурларни киритиш орқали такомиллаштирилган. 
IV. Тадқиқот натижаларининг жорий қилиниши. Малака ошириш жараёнида бошланғич синф ўқитувчиларининг интегратив-педагогик фаолиятини ривожлантириш юзасидан ишлаб чиқилган услубий ва амалий таклифлари асосида:
когнитив, амалий, хиссий-қадриятли компонентларга устуворлиги ривожлантирилган малака ошириш жараёнида бошланғич синф ўқитувчиларининг интегратив-педагогик фаолиятига оид таклифлардан А-4-134 рақамли «Олий таълим муассасаларида профессор-ўқитувчиларнинг касбий, педагогик ва маънавий-маърифий соҳалар бўйича босқичма-босқич малака ошириш технологиялари» мавзусидаги амалий лойиҳа доирасида фойдаланилган (Ўзбекистон Республикаси Олий ва ўрта махсус таълим вазирлигининг 2020 йил 30 ноябрдаги 123-сон маълумотномаси). Натижада, бошланғич синф ўқитувчиларининг малака ошириш курсларида фанлардан интеграция тизими аниқланган;
бошланғич синф ўқитувчилари интегратив-педагогик фаолиятида интегратив ёндашув (функционал, фан, тарихий), методик ёндашув (тизимли, комплекс, интегратив)нинг аниқлаштирилган функциялари ва умумий тушунчалар бўйича ўзига хос ҳамда йўналиши, пайдо бўлиши ва спецификаси бўйича фарқли хусусиятларига оид таклифларидан  “Она тили фанини ўқитиш методикаси” ўқув қўлланмасини ишлаб чиқишда фойдаланилган (Ўзбекистон Республикаси Олий ва ўрта махсус таълим вазирлигининг 2020 йил  6 октябрдаги 522-сон буйруғи билан берилган № 522-092-сон гувоҳнома). Натижада, малака ошириш жараёнида бошланғич синф ўқитувчиларининг интегратив-педагогик фаолияти такомиллашувига хизмат қилган;
фан ичи, фанлараро, тизимлараро интегратив алоқадорлик орқали соҳавий, корпоратив, ҳудудий интегратив таълим бўйича такомиллаштирилган   малака ошириш жараёнида бошланғич синф ўқитувчиларининг интегратив-педагогик фаолиятини ривожлантиришнинг концептуал моделига оид таклифлардан А-4-134 рақамли «Олий таълим муассасаларида профессор-ўқитувчиларнинг касбий, педагогик ва маънавий-маърифий соҳалар бўйича босқичма-босқич малака ошириш технологиялари» мавзусидаги амалий лойиҳа доирасида фойдаланилган (Ўзбекистон Республикаси Олий ва ўрта махсус таълим вазирлигининг 2020 йил 30 ноябрдаги 123-сон маълумотномаси). Натижада, бошланғич синф ўқитувчиларининг интегратив ёндашувдан фойдаланиши бўйича тавсиялар ишлаб чиқилган;
принципиал ёндашув бўйича интегратив битирув малака ишлар орқали аниқлаштирилган бошланғич синф ўқитувчиларининг интегратив-педагогик фаолиятини ривожлантириш технологияси босқичларига оид таклифлардан “Она тили фанини ўқитиш методикаси” ўқув қўлланмасини ишлаб чиқишда фойдаланилган (Ўзбекистон Республикаси Олий ва ўрта махсус таълим вазирлигининг 2020 йил 6 октябрдаги 522-сон буйруғи билан берилган  522-092-сон гувоҳнома). Hатижада, интегратив битирув малака ишлари мавзулари банки шакллантирилган ва битирув малака ишларини тайёрлаш бўйича методик кўрсатмалар ишлаб чиқилган.