Sayt test rejimida ishlamoqda

Кучаров Жаҳонгир Овлаяровичнинг фалсафа доктори (PhD) диссертацияси ҳимояси ҳақида эълон
 
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Қишлоқ хўжалигини инновацион ривожлантириш шароитида кадрлар тайёрлаш тизимини такомиллаштириш йўллари», 08.00.04-Қишлоқ хўжалиги иқтисодиёти (иқтисодиёт фанлари).
Диссертация мавзусирўйхатгаолинганрақам: B2018.3.PhD/Iqt659.
Илмийраҳбар: Чариев Қурбон Амирович, иқтисодиёт фанлари доктори, профессор.
Диссертация бажарилган муассаса номи: Қишлоқ хўжалиги ва озиқ-овқат соҳаси иқтисодиёти илмий-тадқиқот институти ва Тошкент ирригация ва қишлоқ хўжалиги механизациялаш муҳандислари институти
ИК фаолият кўрсатаётган муассасалар номи, ИК рақами: Тошкент ирригация ва қишлоқ хўжалиги механизациялаш муҳандислари институти, DSc.03/30.01.2020.I.10.03.
Расмий оппонентлар: Эгамбердиев Фармонқул Турсунқулович, иқтисодиёт фанлари доктори, профессор; Махсумханова Азиза Мукадировна, иқтисодиёт фанлари номзоди, доцент.
Етакчи ташкилот: Қарши муҳандислик-иқтисодиёт институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади Қишлоқ хўжалигини инновацион ривожлантириш шароитида кадрлар тайёрлаш тизимини такомиллаштириш бўйича илмий-услубий таклиф ва амалий тавсиялар ишлаб чиқишдан иборат.
III. Тадқиқотнинг илмий янгилиги:
қишлоқ хўжалигида талаб этиладиган кадрлар сони меъёрларини аниқлаш услуби меҳнатнинг интенсивлиги, меҳнат унумдорлиги ва меҳнат тежамкор технологиялардан фойдаланиш кўламини ҳисобга олувчи тўғриловчи коэффициентлар орқали такомиллаштирилган;
қишлоқ хўжалигида малакали кадрларни тайёрлаш, фан-таълим ва амалиёт интеграциясини таъминлашни давлат томонидан солиқ, молия ва кредит дастаклари ҳамда аутстаффинг хизматларини ривожлантириш орқали рағбатлантириш йўллари асосланган; 
аграр таълим муассасаларига янги таълим шакли ва усулларини самарали жорий этиш мақсадида “Қишлоқ хўжалигида замонавий таълим шаклларини синаш ва жорий этиш маркази”ни ташкил этиш ва уни молиялаштириш  усуллари таклиф этилган; 
Қашқадарё вилоятида янги ишлаб чиқариш ва бошқарув шаклларининг жорий этилиши шароитида қишлоқ хўжалигида малакали мутахассис кадрларга бўлган талаб ўзгаришининг 2025 йилгача бўлган прогнози ишлаб чиқилган.
IV. Тадқиқот натижаларининг жорий қилиниши.
Қишлоқ хўжалигини инновацион ривожлантириш шароитида кадрлар тайёрлаш тизимини такомиллаштириш йўллари бўйича олинган илмий таклиф ва амалий тавсиялар асосида:
қишлоқ хўжалигида турли ихтисосликлар бўйича талаб қилинадиган кадрлар сони меъёрларини меҳнат интенсивлиги, унумдорлиги ва тежамкор восита ва технологиялардан фойдаланиш кўламини ҳисобга олувчи тўғриловчи коэффициентлар орқали аниқлаш юзасидан берилган таклифлар Ўзбекистон Республикаси Бандлик ва меҳнат муносабатлари вазирлиги тизим ташкилотлари томонидан амалиётга жорий қилинган (Ўзбекистон Республикаси Бандлик ва меҳнат муносабатлари вазирлигининг 2020 йил 24 декабрдаги 01/00-04/06-12112-сон маълумотномаси). Бу қишлоқ хўжалигида турли ихтисосликлар бўйича талаб қилинадиган  кадрлар сони меъёрларини аниқлашда аниқлик даражасининг ошишига хизмат қилган.  
қишлоқ хўжалигида кадрлар тайёрлаш, қайта тайёрлаш ва таъминоти тизимини давлат томонидан қўллаб-қувватлаш йўналишлари ва уни амалга оширишнинг иқтисодий механизмлари бўйича ишлаб чиқилган тавсиялар Бандлик ва меҳнат муносабатлари вазирлиги тизим ташкилотлари томонидан амалиётга жорий қилинган (Ўзбекистон Республикаси Бандлик ва меҳнат муносабатлари вазирлигининг 2020 йил 24 декабрдаги 01/00-04/06-12112-сон маълумотномаси). Бу тавсиялар аграр таълим йўналишларида ўзаро боғлиқ ва манфаатдорликка асосланган кооперация муносабатлари самарадорлигини ошириш, қишлоқ хўжалиги маҳсулотлари етиштирувчи корхоналар ва бошқарув органларини малакали мутахассис ва олий маълумотли кадрлар билан таъминлашда илм-фан-амалиёт интеграциясини ривожлантиришга хизмат қилган;
аграр тармоқлар учун зарур ихтисосликлар бўйича кадрлар тайёрлаш ва уларни қайта тайёрлаш, мутахассисларнинг билим ва кўникмаларини ошириш, илмий-тадқиқот натижаларини жорий этиш, тижоратлаштириш ҳамда соҳага оид замонавий тажрибаларни кенг тарғиб этишга қаратилган марказларни ташкил этиш бўйича таклифлар Ўзбекистон Республикаси Бандлик ва меҳнат муносабатлари вазирлиги тизим ташкилотлари томонидан амалиётга жорий қилинган (Ўзбекистон Республикаси Бандлик ва меҳнат муносабатлари вазирлигининг 2020 йил 24 декабрдаги 01/00-04/06-12112-сон маълумотномаси). Бу истиқболда илм-фан-амалиёт интеграциялашувини таъминлаши ҳисобига ишлаб чиқариш самарадорлигини 20-25 фоиз оширишга замин яратган;
қишлоқ хўжалигининг ривожланиш динамикаси ва ҳудудларнинг аграр салоҳияти, олий ва ўрта махсус таълим муассасаларининг техник-технологик имкониятларини инобатга олган ҳолда тегишли мутахассис кадрлар билан таъминланиш даражасини, истиқболда улар сони ўзгаришини башоратлаш юзасидан ишлаб чиқилган услубий-амалий тавсиялар Ўзбекистон Республикаси Бандлик ва меҳнат муносабатлари вазирлиги тизим ташкилотлари томонидан амалиётга жорий қилинган (Ўзбекистон Республикаси Бандлик ва меҳнат муносабатлари вазирлигининг 2020 йил 24 декабрдаги 01/00-04/06-12112-сон маълумотномаси). Натижада қишлоқ хўжалиги меҳнат бозори коньюнктураси ўзгаришини инобатга олиш, хўжалик юритиш субъектлари, ташкилот ва бошқарув органларини малакали кадрлар билан меъёр даражасида таъминлаш, ўз навбатида қишлоқ хўжалиги тармоқларида ишлаб чиқариш самарадорлигини 15-20 фоиз ошириш имкониятини яратган.

 

Yangiliklarga obuna bo‘lish