Хасанов Шерали Тоштемировичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Қовуқ инвазив саратонининг хирургик даволашда гетеротопик қовуқ резервуари», 14.00.14 – Онкология (тиббиёт фанлари).
Диссертация мавзуси рўйхатга олинган рақам: В2019.2.PhD/Tib939.
Илмий раҳбар: Тилляшайхов Мирзагалеб Нигматович, тиббиёт фанлари доктори, профессор.
Диссертация бажарилган муассаса номи: Республика ихтисослаштирилган онкология ва радиология илмий амалий тиббиёт маркази.
ИК фаолият кўрсатаётган муассаса (муассасалар) номи, ИК рақами: Республика ихтисослаштирилган онкология ва радиология илмий–амалий тиббиёт маркази, DSc.04/30.12.2019.Tib.77.01
Расмий оппонентлар: Мухаммедаминов Шухрат Каримджанович тиббиёт фанлари доктори, профессор; Ахмедов Рустам Носирович тиббиёт фанлари доктори;
Етакчи ташкилот: Самарқанд давлат тиббиёт институт. 
Диссертация йўналиши: амалий аҳамиятга молик.
II. Тадқиқотнинг мақсади: қовуқ инвазив саратони билан хасталанган беморларда радикал цистэктомия натижаларини континент гетеротопик қовуқ резервуарини шакллантириш буйича таклифлар ва тавсиялар ишлаб чикиш йули билан яхшилашдан иборат.
III. Тадқиқотнинг илмий янгилиги:
йўғон ичак кўтарилувчи қисмидан, детубуляризациясиз қовуқ резервуар шакллантириш хусусиятининг самарали даволаш тартиби асосланган;
детубуляризациясиз қовуқ резервуар ичи босими пастлиги, пешобни ўзида сақлаш, рефлюкс кузатилмаганлиги ва аппедикостомада пешобни ихтиёрсиз оқиб кетиш олдини олишга қаратилган жаррохлик амалиётини мумкинлиги исботланган;
қовуқ резервуар шакллантириш жаррохлик амалиёти натижасида, ананавий усулига нисбатан қоннинг биёкимёвий кўрсаткичлари (мочевина, креатинин, азот қолдиқлари) меъёрлашиши исботланган;
яратилган даволаш усулининг қўлланиладиган усуллардан қулайлиги, жарроҳлик амалиётнинг вақти ва ҳажмининг қисқариши, жаррохлик амалиетни асоратларини камайиши, беморларнинг ҳаёт давомийлиги ва сифатини яхшилаши исботланган.
IV. Тадқиқот натижаларининг жорий қилиниши. Қовуқ инвазив саратонининг хирургик даволашда гетеротопик қовуқ резервуарини асослаш бўйича олинган илмий натижалар асосида:
радикал цистэктомиядан кейин детубуляризациясиз континент қовуқ резервуарини шакллантириш бўйича ишлаб чиқилган«Радикал цистэктомиядан кейин детубуляризациясиз континент қовуқ резервуарини шакллантириш услуби» услубий тавсиянома тасдиқланган (Соғлиқни сақлаш вазирлигининг 2018 йил 23 октябрдаги 8н–д/219–сон маълумотномаси). Мазкур услубий тавсиянома қовуқ инвазив саратони бўлган беморларни даволашда хирургик амалаиётнинг самарадорлигини ошириш, беморларнинг хаёт сифатини яхшилаш имконини берган;
олинган илмий натижалар асосида қовуқ инвазив саратонининг хирургик даволашда гетеротопик қовуқ резервуарини асослаш бўйича олинган илмий натижалар соғлиқни сақлаш амалиётига, жумладан, Республика ихтисослаштирилган онкология ва радиология илмий–амалий тиббиёт маркази, Республика ихтисослаштирилган онкология ва радиология илмий–амалий тиббиёт марказиинг Наманган ва Жиззах филиаллари фаолиятига жорий қилинган (Соғлиқни сақлаш вазирлигининг 2020 йил 4 декабрдаги 8н–д/219–сон маълумотномаси). Натижада амалиётга жорий қилинишиқовуқ инвазив саратони бўлган беморларга ихтисослаштирилган юқори технологик тиббий ёрдам кўрсатиш спектри сезиларли даражада имконини яратган.