Исаев Илшод Султановичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Бир ёшдаги болалар саломатлигини, турмуш тарзи ва уларга тиббий ёрдам кўрсатиш холатини комплес интеграл бахолаш», 14.00.33 – Жамият саломатлиги, соғлиқни сақлашда менежмент, 14.00.09 - Педиатрия (тиббиёт фанлари).
Диссертация мавзуси рўйҳатга олинган рақам: B2020.2.PhD/Tib586.
Илмий раҳбарлар: Искандарова Шахноза Тулкиновна, тиббиёт фанлари доктори, профессор, Ашурова Дилфуза Ташпулатовна, тиббиёт фанлари доктори.
Диссертация бажарилган муассаса номи: Тошкент педиатрия тиббиёт институти.
ИК фаолият кўрсатаётган муассаса (муассасалар) номи, ИК рақами: Тошкент педиатрия тиббиёт институти DSc.04/30.12.2019.Tib.29.01.
Расмий оппонентлар: Шамсиев Фурқат Мухитдинович, тиббиёт фанлари доктори, профессор; Ибрагимов Азиз Юлдашевич, тиббиёт фанлари доктори.
Етакчи ташкилот: Тошкент тиббиёт академияси.
Диссертациянинг йўналиши: амалий аҳамиятга молик.
II. Тадқиқотнинг мақсади: бир ёшдаги болалар саломатлиги, турмуш тарзи ва уларга тиббий ёрдам кўрсатиш ҳолатини баҳолаш ва унинг ташкилий жиҳатларини ишлаб чиқиш.
III. Тадқиқотнинг илмий янгилиги:
бир ёшдаги болаларнинг касалланиш ва ўлимининг етакчи сабаблари тузилмаси ва даражаси 4 та мухим (F-1: социологик омиллар, F-2: онанинг касалланиш даражаси омили, F-3: ижтимоий-психологик омиллар ва F-4: ҳаётнинг иқтисодий даражаси омили)  омиллар кўрсаткичлари ортишига тўғри пропорционал боғлиқлиги исботланган;
бир ёшдаги болаларнинг касалланиш (нафас олиш аъзолари тизими касалликлари, перинатал даврда юзага келадиган ҳолатлар ва туғма аномалиялар) даражаси жисмоний ва психомотор ривожланиш кўрсаткичлари орасида корреляцион боғлиқлик аниқланган;
бир ёшдаги болалар ўлимининг асосий сабаблари нафас олиш йўллари касалликлари,  хомила ичра ривожланишдаги ҳолатлар, туғма аномалиялар, аёллар ҳомиладорлик давридаги касалланиш ва уларнинг аёллар маслаҳатхонасида мунтазам кузатув йўқлиги билан боғлиқлиги аниқланган;
бир ёшдаги болалар жинсидан қатъи назар антропометрик ўлчамлари, тана вазни ва ёши/бўйи бўйича кўрсаткичлар даражаси (0-6 ойликда - 1CО - + 2CО- оралиғида, 6 ойдан 12 ойгача - -2CО - + 1CО оралиғида) ЖССТ тавсия этган ўсиш ва ривожланиш стандартларига мос келиши аниқланган.
IV. Тадқиқот натижаларининг жорий қилиниши. 
Бир ёшдаги болалар саломатлиги, турмуш тарзи ва уларга тиббий ёрдам кўрсатиш ҳолатини комплекс интеграл баҳолаш бўйича олинган илмий натижалар асосида:
бир ёшдаги болаларни бирламчи бўғиндаги диспансеризацияси чора-тадбирларини такомиллаштириш асосида ишлаб  чиқилган «Бир ёшдаги болаларни диспансер кузатуви ва соғлиқ учун хавф омилларини минималлаштириш бўйича ишларни оптималлаштириш» номли услубий тавсияномаси тасдиқланган (Соғлиқни сақлаш вазирлигининг 2020 йил 12августдаги 8н-д/111-сон маълумотномаси). Илмий натижаларнинг жорий қилиниши болаларни кўкрак сути билан озиқлантириш даражасини сезиларли оширишга, оқилона парваришни таъминлаш ва ҳаётининг биринчи йилидаги касалланиш ва ўлим ҳолатларини камайтиришга хизмат қилган;
болалар ҳаётининг биринчи йилидаги соғлиғи, турмуш тарзи ва уларга тиббий ёрдам кўрсатиш ҳолатини комплекс интеграл баҳолаш бўйича олинган натижалар соғлиқни сақлаш тизимига, жумладан, Юнусобод тумани 52-сон оилавий поликликаси ва Андижон вилояти Пахтаобод тумани тиббиёт бирлашмаси амалиётларига тадбиқ этилган (Соғлиқни сақлаш вазирлигининг 2021 йил 22 февралдаги 8н-з/40-сон маълумотномаси). Илмий натижаларнинг клиник амалиётга жорий этилиши бирламчи тиббий-санитария ёрдами шароитида болаларни тиббий кўрикдан ўтказиш сифатини яхшилаш, бир ёшдаги болаларни касалланиш ва ўлим ҳолатларини 1,5 баравар камайтиришга имкон яратган.