Sayt test rejimida ishlamoqda

Мухиддинова Муқаддас Араббаевнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Тарқоқ склероз патогенезида нейроспецифик S-100 оқсили ва липопротеидларнинг ўрни ва аҳамияти», 14.00.13 – Неврология (тиббиёт фанлари).
Диссертация мавзуси рўйхатга олинган рақам: B2018.2.PhD/Tib648.
Илмий раҳбар: Якубова Мархамат Миракрамовна, тиббиёт фанлари доктори, профессор.
Диссертация бажарилган муассаса номи: Тошкент тиббиёт академияси.
ИК фаолият кўрсатаётган муассаса (муассасалар) номи, ИК рақами: Тиббиёт ходимларини касбий  малакасини ривожлантириш маркази, DSc.04/30.12.2019.Tib.31.01.
Расмий оппонентлар: Аликулова Нигора Абдукадировна, тиббиёт фанлари доктори, профессор; Джурабекова Азиза Тахировна, тиббиёт фанлари доктори, профессор.
Етакчи ташкилот номи: Тошкент педиатрия тиббиёт институти.
Диссертациянинг йўналиши: амалий аҳамиятга молик. 
II. Тадқиқотнинг мақсади: тарқоқ склерознинг клиник-неврологик хусусиятларини ва шунга боғлиқ холда касаллик патогенезида нейроспецифик S-100 оксили ва липопротеидларнинг ўзаро  алоқадорлигини аниқлашдан иборат.
III. Тадқиқотнинг илмий янгилиги: 
тарқоқ склероз билан касалланган беморларда нейроспецифик S-100 оқсили ва липопротеидлар кўрсаткичларининг патологик ошиши касалликниг шакли ва кечишига боғлиқлиги аниқланган; 
тарқоқ склерозда S-100 оқсили ва зичлиги паст липопротеид кўрсаткичлари нейродегенерация жараёнининг активлигини кўрсатувчи прогностик омил эканлиги асосланган;
илк бор S-100 оқсили кўрсаткичлари ва зичлиги паст липопротеид кўрсаткичлари орасида ўзаро мусбат корреляцион боғлиқлик аниқланган ва шу асосида нейродегенерация ва дислепидемия орасида тўғри пропорционал мутаносиблик мавжудлиги исботланган;
тарқоқ склерозда S-100 оқсили ва зичлиги паст липопротеид кўрсаткичлари назоратида касаллик кечишини прогноз қилиш исботланган.
IV. Тадқиқот натижаларининг жорий қилиниши.
Тарқоқ склерознинг турли шаклларида ва кечишида, патогенетик омилларини ва ташхислашни такомиллаштиришдан олинган илмий натижалар асосида:
тарқоқ склерозни ташхислаш бўйича илмий тадқиқотнинг натижалари асосида ишлаб чиқилган «Тарқоқ склерозни ташхислашда янгича услуб» номли услубий тавсиянома тасдиқланган (Соғлиқни сақлаш вазирлигининг 2020 йил 12 мартдаги 8н-д/49-сон маълумотномаси). Мазкур услубий тавсиянома тарқоқ склероз билан касалланган беморларни ташхислаш, клиник таҳлил қилиш ва касалликни назорат қилиш ва бошқариш имконини берган;
тарқоқ склерозни ташхислаш ва патогенетик омилларни аниқлаш бўйича олинган илмий натижалар соғлиқни сақлаш амалиётига, жумладан, Тошкент вилояти Қибрай тиббиёт бирлашмаси ва Тошкент шаҳар 46-оилавий поликлиникаси амалиётига жорий этилган. (Соғлиқни сақлаш вазирлигининг 2021 йил 5 февралдаги 8н-з/28-сон маълумотномаси). Тадбиқ натижалари касалликни илк босқичида ташхислаш ва ўхшаш касалликлардан тафовутлаш жараёнларини оптималлаштириш, даволаш тадбирларини тўғри ва эрта даврда бошлаш имконини берган.

 

Yangiliklarga obuna bo‘lish