Фозилов Уктам Абдураззоқович
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Ортодонтик даволашда кариеснинг ривожланишини ташхислаш ва олдини олишни мукаммаллаштириш», 14.00.21 – Стоматология (тиббиёт фанлари).
Диссертация мавзуси рўйхатга олинган рақам: В2020.2.PhD/Тib1252.
Илмий раҳбар: Ризаева Севара Миргуломовна, тиббиёт фанлари доктори.
Диссертация бажарилган муассаса номи: Бухоро давлат тиббиёт институти ва Тошкент давлат стоматология институтларида бажарилган.
ИК фаолият кўрсатаётган муассаса (муассасалар) номи, ИК рақами: Бухоро давлат тиббиёт институти, DSc/PhD.04/30.12.2019.Tib.93.01.
Расмий оппонентлар: Шукурова Умида Абдурасуловна тиббиёт фанлари доктори, доцент.Нуриева Наталья  Сергеевна тиббиёт фанлари доктори, профессор.
Етакчи ташкилот:Қозоғистон миллий тиббиёт университети(Қозоғистон республикаси).
Диссертациянинг йўналиши: амалий аҳамиятга молик.
II. Тадқиқотнинг мақсади: ортодонтик даволашда кариес ва унинг асоратлари ривожланишини ташҳислаш ва олдини олишни такомиллаштиришдан  иборат. 
III. Тадқиқотнинг илмий янгилиги:
илк бор ортодонтик даволаш жараёнида кариес резистентлигининг турли даражаси бўлган болаларда тишларнинг кариесли зарарланиш фаоллиги аниқланди;
ортодонтик даволаш жараёнида фиксацияланган брекетлар атрофидаги тиш қаттиқ тўқималарининг ҳолати баҳоланган ҳолда реминерализацияловчи воситалар,  нур индукцияловчи флюоресценциядан фойдаланиш билан каппа таъсирининг клиник-иқтисодий самарадорлиги исботланган;
ечилмайдиган ва олинадиган ортодонтик техникадан фойдаланганда эмалнинг ўчоқли деминерализациясини олдини олиш учун каппа ёрдамида фиксация қилинган реминерализацияловчи гелнинг редукциясига эришиш имконини бериши исботланган;
нур индукцияловчи флюоресценция усули ёрдамида ечилмайдиган  ва олинадиган ортодонтик техника билан даволаш босқичларида беморларда кариес ва унинг асоратлари ривожланишини эрта ташҳислаш, олдини олиш йўли ва ёрдам кўрсатиш сифати яратиш тактик-техник жиҳатлар такомиллаштирилган.
IV. Тадқиқот натижаларининг жорий қилиниши. 
Ортодонтик даволашда кариес ривожланиши профилактикасини мукаммаллаштириш бўйича олинган натижалар асосида:
болаларни ортодонтик даволашда кариес ва унинг асоратлари ривожланишини олдини олиш бўйича илмий тадқиқотнинг натижалари асосида ишлаб чиқилган«Болаларни ортодонтик даволашда кариес ва унинг асоратлари ривожланишини олдини олиш» услубий тавсияномаси тасдиқланган (Соғлиқни сақлаш вазирлигининг 2020 йил 26 ноябрдаги 8н-з/207-сон хулосаси). Мазкур услубий тавсиянома  тиш эмали резистентлигини ошириш, кариеснинг бошланғич даражаларини ривожланишини стабиллаштириш ва асоратлар сонини қисқартириш имконини яратган;
бўйича илмий тадқиқотнинг натижалари асосида ишлаб чиқилган«Олинмайдиган ортодонтик ускуналардан фойдаланган ҳолда ортодонтик даволаш динамикасида эмал деминерализациясини баҳолаш» услубий тавсияномаси тасдиқланган (Соғлиқни сақлаш вазирлигининг 2020 йил 26 ноябрдаги 8н-з/207-сон маълумотномаси). Мазкур услубий тавсиянома болаларда ечиладиган ва ечилмайдиган ортодонтик техникаларда бошланғич кариесни ташҳислаш ва даволаш самарасини 35,2% га ошириш имконини берган; 
болаларда ортодонтик даволашда кариес ривожланиши профилактикасини оптималлаштириш тамойиллари ҳамда даво-профилактик чора-тадбирларининг асосланганлиги соғлиқни сақлаш амалиёти, жумладан, Олот туман тиббиёт бирлашмаси, Ғиждувон туман тиббиёт бирлашмаси, Қоракўл туман тиббиёт бирлашмаси, Ромитан туман тиббиёт бирлашмаларига жорий этилган (Соғлиқни сақлаш вазирлигининг 2020 йил 18 декабрдаги 8н-з/198-сон маълумотномаси). Олинган тадқиқот натижаларининг клиник амалиётга жорий қилинишида ташҳислаш жараёнини аниқ ва тез бажарилиши, ечиладиган ва қотирилган ортодонтик техника билан даволашда асоратлар сонининг қисқариши кузатилган.