Ермашев Женгис Маратовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Қорақалпоғистон Республикаси маҳаллий давлат ҳокимияти органларининг ташкил этилиши ва фаолиятининг конституциявий-ҳуқуқий асосларини такомиллаштириш», 12.00.02 – Конституциявий ҳуқуқ. Маъмурий ҳуқуқ. Молия ва божхона ҳуқуқи (юридик фанлар).
Диссертация мавзуси рўйхатга олинган рақам: В2019.3.PhD/Yu293.
Илмий раҳбар: Кутыбаева Елизаветта Дуйсенбаевна, юридик фанлар доктори, профессор.
Диссертация бажарилган муассаса номи: Қорақалпоқ давлат университети.
ИК фаолият кўрсатаётган муассаса номи, ИК рақами: Қорақалпоқ давлат университети, PhD.03/30.12.2019.yu.20.02.
Расмий оппонентлар: Хусанов Озод Тиллабоевич,  юридик фанлар доктори, профессор; Дауменов Бердак Айтмуратович, юридик фанлар номзоди, доцент.
Етакчи ташкилот: Ўзбекистон Республикаси Адлия вазирлиги кошидаги Юристлар малакасини ошириш маркази.
Диссертация йўналиши: назарий ва амалий аҳамиятга молик.
II. Тадқиқотнинг мақсади Қорақалпоғистон Республикаси маҳаллий давлат ҳокимияти органларининг ташкил этилиши ва фаолиятининг конституциявий - ҳуқуқий асосларини такомиллаштиришга доир таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
Халқ депутатлари туман ва шаҳар кенгашларининг маҳаллий ижроия ҳокимияти органлари фаолияти устидан назоратини кучайтириш орқали жамиятдаги ижтимоий аҳамиятга эга бўлган энг муҳим масалаларни ҳал қилишга жалб этган ҳолда, халқ депутатлари кенгашларининг доимий комиссияларида жамоатчилик тингловларни жорий этиш зарурати асосланган;
Маҳаллий кенгашларнинг иш фаолиятини янада такомиллаштириш орқали ҳокимлар аппаратини ўзларига хос бўлмаган функциялардан озод қилиш мақсадида халқ депутатлари туман ва шаҳар кенгашлари котибияти тўғрисидаги қоидаларни киритиш лозимлиги асослаб берилган;
Қорақалпоғистон Республикаси “Маҳаллий давлат ҳокимияти тўғрисида”ги Қонунига халқ депутатлари туман ва шаҳар кенгашлари фаолиятини такомиллаштириш йўли билан кенгашлар ва ҳокимларнинг ваколатларини алоҳида белгилашга қаратилган Кенгаш қотибияти ва унинг вазифалари билан боғлиқ нормаларни киритиш лозимлиги исботланган;
Қорақалпоғистон Республикасининг Конституцияси ва амалдаги қонун ҳужжатларига мувофиқ равишда янги таҳрирдаги Қорақалпоғистон Республикасининг "Маҳаллий давлат ҳокимияти тўғрисида"ги қонунини ишлаб чиқишга аниқ эҳтиёж мавжудлиги асослаб берилган.
IV. Тадқиқот натижаларининг жорий қилиниши. 
Қорақалпоғистон Республикаси маҳаллий давлат ҳокимияти органларининг ташкил этилиши ва фаолиятининг конституциявий-ҳуқуқий асосларини такомиллаштириш буйича олинган натижалар асосида:
халқ депутатлари Кенгашининг доимий комиссияларида жамоатчилик тингловларни ўтказиш туғрисидаги таклифи Қорақалпоғистон Республикаси халқ депутатлари Кенгашлари регламентларига алоҳида 611- модда «Халқ депутатлари Кенгашининг доимий комиссияларида жамоатчилик тингловлар» кўшимча сифатида киритилган (Қорақалпоғистон Республикаси Канлыкуль тумани халқ депутатлари Кенгашининг 2020 йил 17 ноябрь 01-393–сон ҳамда Шуманай тумани халқ депутатлари Кенгашининг 2020 йил 17 ноябрь 01-03/01-11/149–сон маълумотномалари). Ушбу таклифнинг киритилиши энг мухим ва ижтимойи аҳамиятга эга масалаларни мухокамага олиб чиқиш, шунингдек, халқ депутатлари маҳаллий Кенгашининг маҳаллий ижро ҳокимияти органлари фаолияти устидан назоратини кучайтиришга ёрдам берган;
халқ депутатлари Кенгашининг котибиятининг ҳуқуқий мақоми белгилаш туғрисидаги таклифи асосида Қорақалпоғистон Республикаси халқ депутатлари Кенгашлари регламентининг 48-моддаси янги таҳрирда киритилган ва унда шаҳар, туман халқ депутатлари Кенгашининг котибиятининг ҳуқуқий мақоми жорий қилинган (Қорақалпоғистон Республикаси Нукус тумани халқ депутатлари Кенгашининг 2020 йил 
23 декабрь 3174-01–сон ҳамда Кегейли тумани халқ депутатлари Кенгашининг 2020 йил 23 декабрь 01-3119–сон маълумотномалари). Ушбу таклифнинг киритилиши Кенгашлар фаолиятини такомиллаштиришга, хокимлар аппаратини ўларга хос бўлмаган функциялардан озод қилишга ва пировардида давлат хокимиятининг вакиллик ва ижроия органлари ўртасида ваколатларнинг тақсимланишига ёрдам берган;
маҳаллий давлат ҳокимияти туғрисида конунчилигига айрим ўзгаришлар киритиш тўғрисидаги таклифига асосан Қорақалпоғистон Республикасининг “Маҳаллий давлат ҳокимияти туғрисида”ги Қонуни 171-модда билан тўлдирилган ва унда Қорақалпоғистон Республикаси туман, шаҳар Кенгаши котибияти ва унинг ваколатлари жорий қилинган (Қорақалпоғистон Республикаси Жўкорги Кенгесининг Конунчилик, суд-ҳуқуқ ва коррупцияга қарши қурашиш масалалари кўмитасининг 2021 йил 17 март 03-219-сон маълумотномаси). Ушбу таклифнинг киритилиши Қорақалпоғистон Республикаси туман, шаҳар Кенгашлари фаолиятини такомиллаштиришга, маҳаллий қенгашлар ва ҳокимларнинг вазифаларини алоҳида белгилашга ёрдам берган.