Сабирова Гулноза Садиковнанинг

фалсафа доктори (PhD) диссертацияси ҳимояси ҳақида эълон

I. Умумиймаълумотлар.

Диссертация мавзуси, ихтисослик шифри (илмий даража бериладиган фан тармоғи): «Умумтаълим мактаблари ўқувчиларига инглиз тили олмошларини ахборот технологиялари асосида ўргатиш методикаси», 13.00.02–Таълим ва тарбия назарияси ва методикаси (педагогика фанлари).

Диссертация мавзуси рўйхатга олинган рақам: В2017.1.PhD/Ped5.

Илмий раҳбар: Ахмедова Лайлохон Толибжоновна, педагогика фанлари доктори, профессор.

Диссертация бажарилган муассаса номи: Ўзбекистон давлат жаҳон тиллари университети.

ИК фаолият кўрсатаётган муассасалар номи, ИК рақами: Ўзбекистон давлат жаҳон тиллари университети, DSc.27.06.2017.Ped.27.01.

Расмий оппонентлар: Хашимова Дилдархон Уринбаевна, педагогика фанлари доктори, профессор; Ирмухамедова Гулчехра Насыровна, педагогика фанлари номзоди, доцент.

Етакчи ташкилот: Самарқанд давлат чет тиллар институти.

Диссертация йўналиши: назарий ва амалий аҳамиятга молик.

II. Тадқиқотнинг мақсади: умумтаълим мактаблари ўқувчиларига инглиз тили олмошларини ахборот технологиялари асосида ўқитиш методикасини ишлаб чиқишдан иборат.

III. Тадқиқотнинг илмий янгилиги:

лингвистик корпус, блог-технология, веб-квест, лисоний мультимедиа дастурларининг олмошларни қўллаш билан боғлиқ кўникмаларни шакллантиришдаги дидактик хусусиятлари ва методик функциялари аниқланган;

ўқувчиларга инглиз тилидаги олмошларни лингвистик корпус, лисоний мультимедиа дастурлари, блог-технология ва веб-квестлар асосида ўргатиш методикаси ишлаб чиқилган;

лингвистик корпус, лисоний мультимедиа дастурлари, блог-технология ва веб-квестлар орқали олмошларни рецептив ва продуктив қўллаш кўникмалари аниқланган;

лингвистик корпус, лисоний мультимедиа дастурлари, блог-технология ва веб-квестлар асосида олмошларни тўғри қўллаш кўникмаларини шакллантиришга йўналтирилган рецептив ва репродуктив машқлар ишлаб чиқилган.

IV. Тадқиқот натижаларининг жорий қилиниши:

умумтаълим мактаблари ўқувчиларига инглиз тилидаги олмошларни ахборот технологиялари асосида ўргатиш методикаси бўйича ишлаб чиқилган илмий натижалар асосида:

ўқувчиларга инглиз тилидаги олмошларни лингвистик корпус, лисоний мультимедиа дастурлари, блог-технология ва веб-квестлар асосида ўргатиш методикаси Тошкент шаҳри ҳамда Тошкент, Фарғона, Самарқанд вилоятлари умумтаълим мактаблари амалиётига татбиқ этилган (Ўзбекистон Республикаси Ҳалқ таълими вазирлигининг 2016 йил 5 октябрдаги 01-02/1-3-310-сон маълумотномаси). Таклиф этилган методикани қўллаш натижасида ўқувчиларнинг оғзаки ва ёзма нутқида олмошларни қўллаш кўникмаларини эгаллаш самарадорлиги ошган;

лингвистик корпус, блог-технология, веб-квест, лисоний мультимедиа дастурларининг олмошларни қўллаш билан боғлиқ кўникмаларни шакллантиришдаги дидактик хусусиятлари ва методик функциялари «Телекоммуникатив тизимни глобаллаштириш шароитида мактаб ўқувчиларини ахлоқий тарбиялашнинг фундаментал муаммолари» лойиҳасига татбиқ қилинган (Фан ва технологияларни ривожлантиришни мувофиқлаштириш қўмитасининг 2017 йил 2 февралдаги ФТК-0313/118-сон маълумотномаси). Илмий натижалар таълим жараёни субъектларининг ахборот-коммуникатив компетенцияларини оширган;

лингвистик корпус, лисоний мультимедиа дастурлари, блог-технология ва веб-квестлар асосида олмошларни тўғри қўллаш кўникмаларини шакллантиришга йўналтирилган рецептив ва репродуктив машқлардан «Болажон» телерадиоканалининг «Bravo English» кўрсатуви сценарийсида фойдаланилган (Ўзбекистон Миллий телерадиокомпаниясининг 2017 йил 23 февралидаги 05-15/643-сон маълумотномаси). Лисоний мультимедиа дастурларидаги интерактив машқлар ўқувчи-томошабинларга олмошларнинг график ва акустик образларини ўзлаштириш имконини берган.