Икрамов Отабек Исаковичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи):  «Кўзнинг орқа қисми шикастланиши билан кечувчи тешиб ўтган жароҳатларда беморларни жарроҳлик усули билан даволаш самарадорлигини ошириш» 14.00.08 – Офтальмология (тиббиёт фанлари). 
Диссертация мавзуси рўйхатга олинган рақам: B2019.2.DSc/Tib363.
Илмий рахбар: Камилов Халиджан Махамаджанович, тиббиёт фанлари доктори, профессор. 
Диссертация бажарилган муассаса номи: Тиббиёт ходимларининг касбий малакасини  ривожлантириш маркази. 
ИК фаолият кўрсатаётган муассаса (муассасалар) номи, ИК рақами: Республика ихтисослаштирилган кўз микрохирургияси илмий-амалий тиббиёт маркази, DSc.04/30.01.2020.Tib.105.01. 
Расмий оппонентлар: Торопыгин Сергей Григорьевич тиббиёт фанлари доктори (Россия Федерацияси); Билалов Эркин Назимович тиббиёт фанлари доктори, профессор.
Етакчи ташкилот: «SILOAM  EYE HOSPITAL» Офтальмологик клиникаси (Жанубий Корея, Сеул).
II.  Тадқиқотнинг мақсади: Ўзбекистон Республикасида кўз соққаси орқа қисми шикастланган очиқ жароҳатларида энг янги микроинвазив витреоретинал технологияларни қўллаш орқали шошилинч ёрдамни такомиллаштиришдан иборат.
III. Тадқиқотнинг илмий янгилиги: 
кўз олмаси ичига ёт жисм кириш орқали шошилинч тиббий ёрдам кўрсатиш босқичларида кўз соққаси очиқ жароҳатлари клиник-функционал натижаларига таъсир қилувчи омилларнинг тури, хажми, жароҳатланиш давомийлиги инобатга олиб бирламчи жаррохлик ишлови доирасидаги жарроҳлик аралашувлар ўрни ва аҳамияти очиб берилган;
операциядан кейинги даврда жароҳатдан кейинги ривожланиб борувчи пролефератив витроретинопатия пайдо бўлиши, тракцион синдром ривожланиши натижасида юқори технологик микроинвазив витреоретинал аралашувларни бажаришни қолдириш тартиби исботланган;
илк бор кўз орқа қисми шикастланган кўз соққаси тешиб ўтган жароҳатларида 23G микроинвазив витрэктомия йўли билан бирламчи жаррохлик ишловидан сўнг 24 соатдан кечикмай кўз ичи ёт жисмини эрта кечиктирилган муддатларда олиб ташлаш имкониятлари асосланган;
диасклерал усулдан фарқли ўлароқ бирламчи жаррохлик ишлови доирасидаги операция жароҳатларини камайтириш, ривожланиб борувчи пролефератив витроретинопатия пайдо бўлиши ва тракцион синдром ривожланишининг олдини олиш имкониятини яратилганлиги исботланган.
IV. Тадқиқот натижаларининг жорий қилиниши.
Орқа қисм шикастланган кўз тешиб ўтган жароҳатлари бўлган беморларни жарроҳлик йўли билан даволаш самарадорлигини оширишга қаратилган тадқиқотлар давомида олинган илмий натижалари асосида: 
Ўзбекистонда кўз жароҳатларининг клиник-структур таҳлили бўйича илмий тадқиқотнинг натижалари асосида ишлаб чиқилган «2015-2019 йиллар давомида Ўзбекистон Республикасида кўз жароҳатларининг клиник-структур таҳлили» номли услубий тавсиянома тасдиқланган (Соғлиқни сақлаш вазирлигининг 2020 йил 24 сентябрдаги 8н-д/301-сон маълумотномаси). Ушбу методик тавсиялар жароҳат механизми, ҳажми, мурожаат муддатлари ва уларни даволаш стандартларига киритиш кабиларни ҳисобга олиб кўз жароҳати бўлган беморларни парваришлаш тактикасига бўлган дифференциациявий ёндашувга кўмаклашиш имконини берган. 
Ўзбекистонда тешиб ўтган жароҳатлар тузилишининг таҳлили бўйича илмий тадқиқотнинг натижалари асосида ишлаб чиқилган «Ўзбекистон Республикасида кўз олмасини тешиб ўтган жароҳатларининг клиник-структур таҳлили» номли услубий тавсиянома тасдиқланган (Соғлиқни сақлаш вазирлигининг 2020 йил 24 сентябрдаги 8н-д/301-сон маълумотномаси). Тадқиқот натижалари таҳлили жарроҳлик усулини танлаш, унинг ҳажми, кўздан ёт таначани олиб ташлаш  босқичларини ҳисобга олиб, КИЁЖ билан асоратланган кўз соққаси тешиб ўтган жароҳатларда реабилитация чора-тадбирлари алгоритмини ишлаб чиқишга имкон яратган;. 
энг янги микроинвазив витреоретинал  технологияларни қўллаб Ўзбекистон Республикасида орқа қисм шикастланган кўз соққаси очиқ жароҳатларида шошилинч ёрдамни такомиллаштириш бўйича олиб борилган диссертация ишлари натижалари соғлиқни сақлаш амалиёти, жумладан, Республика офтальмология клиник касалхонаси, Навоий, Сирдарё ва Жиззах вилоятлари офтальмологик касалхоналари амалий фаолиятига жорий этилган бўлиб (Соғлиқни сақлаш вазирлигининг 2021 йил  7майдаги  8н-з/94-сон маълумотномаси), натижада интраоперацион асоратлар сонини камайтириш, кейинчалик жароҳатдан сўнг юзага келадиган асоратлар сонини қисқартириш, шунингдек, тешиб ўтган яралар функционал натижаларини яхшилаш ва барқарор анатомик самарага эришиш имкони яратилган.