Сайфуллаев Дурбек Бахтиёровичнинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Мустақиллик даврида Ўзбекистон дипломатиясининг шаклланиши ва ривожланиши», 07.00.01–Ўзбекистон тарихи (тарих фанлари).
Диссертация мавзуси рўйхатга олинган рақам: В2017.1.PhD/Tar1.
Илмий раҳбар:Жўраев Сайфиддин Ахматович, сиёсий фанлар доктори, профессор.
Диссертация бажарилган муассаса номи: Тошкент давлат шарқшунослик институти.
ИК фаолият кўрсатаётган муассасалар номи, ИК рақами: Ўзбекистон миллий университети, Ўзбекистоннинг энг янги тарихи масалалари бўйича мувофиқлаштирувчи-методик марказ, Тарих институти, Қорақалпоқ ижтимоий фанлар илмий-тадқиқот институти, DSc.27.06.2017.Tar.01.04.
Расмий оппонентлар: Рахимов Мирзохид Акрамович, тарих фанлари доктори, профессор; Қирғизбоев Абдуғаппор Каримжонович, тарих фанлари доктори, профессор.
Етакчи ташкилот:Ўзбекистон давлат жаҳон тиллари университети.
Диссертация йўналиши: назарий ваамалий аҳамиятга молик.
II. Тадқиқотнинг мақсади: мустақиллик даврида Ўзбекистон дипломатиясининг шаклланиш эволюцияси ва ривожланиш тенденцияларини очиб беришдан иборат.
III. Тадқиқотнинг илмий янгилиги:
мустақиллик даврида Ўзбекистон дипломатиясининг шаклланиш ва ривожланиш босқичлари, унинг принциплари, назарий-концептуал, илмий асослари ва стратегик устувор йўналишлари тарихий ракурсда тизимли тарзда очиб берилган;
Ўзбекистон Республикаси томонидан мамлакат ташқи сиёсатини фаол амалга оширишда парламент дипломатияси, иқтисодий дипломатия, минтақавий дипломатия каби дипломатик воситалардан самарали фойдаланилганлиги аниқланган;
мамлакатда дипломатик кадрлар тайёрлаш тизимининг шаклланиши ва ривожланиши таълим тизимида ўтказилган ислоҳотлар билан узвий тарзда кўриб чиқилган ҳамда бу борада мавжуд муаммолар очиб берилган;
Марказий Осиёда минтақавий муаммоларни тинч йўл билан ҳал этишдаги ташаббуслар, минтақада ядродан ҳоли маконни шакллантириш бўйича Ўзбекистоннинг дипломатик ёндашувлари тарихий жиҳатдан аниқланган.
IV. Тадқиқот натижаларининг жорий қилиниши:
Афғонистонда тинчлик ва барқарорликни таъминлаш, икки давлат ўртасида савдо-иқтисодий, маданий гуманитар ҳамкорликнинг ривожланишида Ўзбекистоннинг ўзига хос бўлган инсонпарварлик, тинчликсеварлик дипломатиясининг аҳамияти борасидаги илмий хулосаларидан Ўзбекистон Миллий телерадиокомпаниясининг «Ўзбекистон» телеканали орқали намойиш этилган «Мунозара» кўрсатувини тайёрлашда фойдаланилган. (Ўзбекистон Миллий телерадиокомпаниясининг 2017 йил 26 январдаги 04-31/289-сон далолатномаси); Ўзбекистоннинг Афғонистонга нисбатан олиб бораётган аниқ ва очиқ сиёсатини, ташаббусларини аҳолига тўғри ва холис етказишга хизмат қилган.
