Хужанова Латофат Абсаломовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Озиқланиш типларининг сигирлар ҳазм жараёнларига, маҳсулдорлигига ва сутининг айрим хусусиятларига таъсири», 03.00.08 – Одам ва ҳайвонлар физиология (биология фанлари).
Диссертация мавзуси рўйхатга олинган рақам: В2020.2.PhD/В404.
Илмий раҳбарлар: Ражамурадов Зайнитдин, биология фанлари доктори, профессор.
Диссертация бажарилган муассаса номи: Самарқанд ветеринария медицинаси институти.
ИК фаолият кўрсатаётган муассаса номи, ИК рақами: Самарқанд давлат университети, РhD.03/30.12.2019.В.02.08. 
Расмий оппонентлар: Курбанов Шанияз, биология фанлари доктори, профессор; Алиев Дилмурод Давронович, биология фанлари номзоди. 
Етакчи ташкилот: Ўзбекистон миллий университети. 
Диссертация йўналиши: назарий ва амалий аҳамиятга молик.
II. Тадқиқотнинг мақсади: мамлакатимизга импорт қилинган Голштин зотли сигирлар организмидаги моддалар алмашинуви, қони ва сутининг физиологик, биокимёвий хусусиятларига сенаж типидаги рационларнинг таъсирини аниқлашдан иборат.
III. Тадқиқотнинг илмий янгилиги:
Самарқанд вилояти шароитида хориж селекциясига мансуб юқори маҳсулдор сигирларни озиқлантиришда янги типдаги рационлардан фойдаланишнинг умумбиологик жиҳатлари очиб берилган;
сигирлар томонидан озуқаларнинг истеъмол қилиниши, ҳазмланиши ва ўзлаштирилишининг, олинадиган маҳсулот миқдорига ҳамда сифатига таъсирини интерьер кўрсаткичлар ёрдамида назорат қилиш асосланган;
лактация даврида силос ўрнига сенаж типидаги рационлардан фойдаланиш сигирлар организмида кечаётган физиологик ва биокимёвий жараёнлар мутадиллашувини таъминлаши аниқланган
лактация даврида сенаж типидаги рационлардан фойдаланиш сигирлар маҳсулдорлигини сақлаб қолиш, маҳсулот бирлигига сарфланадиган тўйимли моддалар улушини камайтириш ва хўжаликнинг рентабеллик даражасини ошириш имконини бериши исботланган.
IV. Тадқиқот натижаларининг жорий қилиниши.
Турли озиқланиш типлари рационлари билан озиқлантиришнинг ҳазм жараёнларига, маҳсулдорлигига ва сутининг айрим физик-кимёвий хусусиятларига таъсирини аниқлаш бўйича олинган натижалар асосида:
юқори маҳсулдор сигирларни биологик жиҳатдан тўла қийматли сенаж озиқланиш типи рационлари билан озиқлантириш ҳисобига ҳайвонларнинг маҳсулдорлик кўрсаткичларини сақлаб қолиш, маҳсулот бирлигига сарфланадиган қуруқ модда улушини камайтириш ва хўжаликнинг рентабиллик даражасини ошириш кўрсатгичлари Самарқанд вилоятининг Пастдарғом ва Тойлоқ туманларида чорвачиликга ихтисослашган фермер хўжаликлари амалиётида фойдаланилган (Ўзбекистон Республикаси ветеринария ва чорвачиликни ривожлантириш қўмитасининг 2020 йил 30 июндаги 02/23-218-сон маълумотномаси). Нaтижaдa, Самарқанд вилояти шaрoитигa импoрт қилингaн юқoри маҳсулдор сигирларни меъёр асосида сенаж типи рационлари билан озиқлантириш ҳисобига уларнинг маҳсулдорлик кўрсатгичларини сақлаб қолиш имконини берган;
сигирларнинг табиий чидамлилигини оширишда силосли рацион ўрнига сенажли рационлардан фойдаланиш №БВ-А-ЦХ-2018-17 «Сигирларнинг акушер-гинекологик касалликларини даволаш, сервис даврини қисқартириш, сунъий қочиришнинг янги усуллари ва воситаларини яратиш» лойиҳасида сигирларни лактация даврида иммун кўрсатгичларини оширишда фойдаланилган (Олий ва ўрта махсус таълим вазирлигининг 2020 йил 19 августдаги 89-03-2879-сон маълумотномаси). Натижада, юқори маҳсулдор сигирлардан олинадиган сут маҳсулдорлигини кўпайишини, сифати эса меъёр даражасида сақлаб қолишдан ташқари,  организмининг табиий чидамлилиги кўрсаткичларини ортишини таъминлаш имконини берган.