Абдуллаева Мафтуна Мурот қизининг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ўзбекистон Республикасида конституциявий судлов институтининг ташкилий-ҳуқуқий асосларини такомиллаштириш», 12.00.02 – Конституциявий ҳуқуқ. Маъмурий ҳуқуқ. Молия ва божхона ҳуқуқи (юридик фанлар).
Диссертация мавзуси рўйхатга олинган рақам: В2018.3.PhD/Yu181.
Илмий раҳбар: Тультеев Иляс Тавасович, юридик фанлар доктори, доцент.
Диссертация бажарилган муассаса номи: Тошкент давлат юридик университети.
ИК фаолият кўрсатаётган муассаса номи, ИК рақами: Тошкент давлат юридик университети, DSc.07/30.12.2019.Yu.22.02.
Расмий оппонентлар: Хусанов Озод Тиллабоевич, юридик фанлар доктори, профессор; Миракулов Мирафзал Миродилович, юридик фанлар доктори, профессор.
Етакчи ташкилот: Ўзбекистон Республикаси Судьялар олий кенгаши ҳузуридаги Судьялар олий мактаби.
Диссертация йўналиши: назарий ва амалий аҳамиятга молик.
II. Тадқиқотнинг мақсади Ўзбекистон Республикасида конституциявий судлов институтини ташкилий-ҳуқуқий асосларини такомиллаштириш бўйича таклиф ва тавсияларни ишлаб чиқишдан иборат.
III. Тадқиқотнинг илмий янгилиги:
Ўзбекистон Республикаси Конституциявий судида кўриб чиқиш учун масалалар киритиш ҳуқуқига эга субъектлар қаторига Ўзбекистон Республикаси Ҳисоб палатасининг раисини киритиш зарурлиги асосланган;
Ўзбекистон Республикаси Ҳисоб палатасининг раисини Ўзбекистон Республикаси Конституциявий суди мажлисининг иштирокчилари қаторига киритиш зарурияти ва унинг кўрилаётган барча масалалар юзасидан ўз фикрларини билдириши мумкинлиги асосланган;
Ўзбекистон Республикаси Олий суди Пленумининг ваколатлари қаторига Олий суд раисининг муайян ишда қўлланилиши лозим бўлган норматив-ҳуқуқий ҳужжатларнинг Ўзбекистон Республикаси Конституциясига мувофиқлиги тўғрисида Ўзбекистон Республикаси Конституциявий судига судлар ташаббуси билан киритилган мурожаати ҳақидаги тақдимномасини кўриб чиқишини киритиш зарурияти асосланган;
Ўзбекистон Республикаси Олий суди раисининг қонунларни шарҳлаб беришни талаб этувчи масалалар юзасидан Ўзбекистон Республикаси Конституциявий судига тақдимномалар киритиши зарурлиги асосланган.
IV. Тадқиқот натижаларининг жорий қилиниши.
Конституциявий судлов институтининг ташкилий-ҳуқуқий асосларини такомиллаштириш масалалари тадқиқоти хулосаларидан олинган қуйидаги натижалар асосида:
Ўзбекистон Республикаси Конституциявий судида кўриб чиқиш учун масалалар киритиш ҳуқуқига эга субъектлар қаторига Ўзбекистон Республикаси Ҳисоб палатасининг раисини киритиш бўйича таклифдан Ўзбекистон Республикасининг 2020 йил 17 мартдаги “Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги ЎРҚ-612-сон Қонунига асосан Ўзбекистон Республикасининг “Ўзбекистон Республикасининг Конституциявий суди тўғрисида”ги Конституциявий Қонуннинг 25-моддаси биринчи қисмига қўшимча киритишда фойдаланилган (Ўзбекистон Республикаси Олий Мажлиси Қонунчилик палатасининг 2020 йил 10 декабрдаги 05/1-01-259а-сон маълумотномаси). Ушбу таклифнинг амалга оширилиши Конституциявий судда кўриб чиқиш учун масалалар киритиш ҳуқуқига эга субъектлар доирасини кенгайтиришга ҳамда Ўзбекистон Республикаси Ҳисоб палатасининг давлат молиявий назоратини амалга оширишдаги ҳуқуқларини такомиллаштиришга хизмат қилган;
Ўзбекистон Республикаси Ҳисоб палатасининг раисини Ўзбекистон Республикаси Конституциявий суди мажлисининг иштирокчилари қаторига киритиш зарурияти ва унинг кўрилаётган барча масалалар юзасидан ўз фикрларини билдириши мумкинлиги ҳақидаги таклифдан Ўзбекистон Республикасининг 2020 йил 17 мартдаги “Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги ЎРҚ-612-сон Қонунига асосан Ўзбекистон Республикасининг “Ўзбекистон Республикасининг Конституциявий суди тўғрисида”ги Конституциявий Қонуннинг 27-моддасига қўшимча киритишда фойдаланилган (Ўзбекистон Республикаси Олий Мажлиси Қонунчилик палатасининг 2020 йил 10 декабрдаги 05/1-01-259а-сон маълумотномаси). Ушбу таклифнинг амалга оширилиши Конституциявий суд мажлисининг иштирокчилари доирасини кенгайтиришга ҳамда Ўзбекистон Республикаси Ҳисоб палатасининг давлат молиявий назоратини амалга оширишдаги ҳуқуқларини такомиллаштиришга хизмат қилган;
Ўзбекистон Республикаси Олий суди Пленумининг ваколатлари қаторига Олий суд раисининг муайян ишда қўлланилиши лозим бўлган норматив-ҳуқуқий ҳужжатларнинг Ўзбекистон Республикаси Конституциясига мувофиқлиги тўғрисида Ўзбекистон Республикаси Конституциявий судига судлар ташаббуси билан киритилган мурожаати ҳақидаги тақдимномасини кўриб чиқишни киритишга оид таклифдан Ўзбекистон Республикасининг 2019 йил 10 майдаги “Баъзи давлат органларининг фаолияти такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги ЎРҚ-536-сон Қонунига асосан Ўзбекистон Республикасининг “Судлар тўғрисида”ги Қонунининг 17-моддаси иккинчи қисмига қўшимча киритишда фойдаланилган (Ўзбекистон Республикаси Олий Мажлиси Қонунчилик палатасининг 2020 йил 10 декабрдаги 05/1-01-259а-сон маълумотномаси). Ушбу таклифнинг амалга оширилиши Ўзбекистон Республикаси Олий суди Пленумининг ваколатларининг кенгайишига ҳамда Конституциявий суд томонидан муайян ишда қўлланилиши лозим бўлган норматив-ҳуқуқий ҳужжатларнинг Ўзбекистон Республикаси Конституциясига мувофиқлиги тўғрисидаги ишларни кўриб чиқиш тартибини аниқлаштиришга хизмат қилган;
Ўзбекистон Республикаси Олий суди раисининг қонунларни шарҳлаб беришни талаб этувчи масалалар юзасидан Ўзбекистон Республикаси Конституциявий судига тақдимномалар киритиши бўйича таклифдан Ўзбекистон Республикасининг 2019 йил 10 майдаги “Баъзи давлат органларининг фаолияти такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги ЎРҚ-536-сон Қонунига асосан Ўзбекистон Республикасининг “Судлар тўғрисида”ги Қонунининг 26-моддасининг ўн биринчи хатбошисига қўшимчалар ишлаб чиқиш жараёнида фойдаланилган (Ўзбекистон Республикаси Олий Мажлиси Қонунчилик палатасининг 2020 йил 10 декабрдаги 05/1-01-259а-сон маълумотномаси). Ушбу таклифнинг амалга оширилиши қонун ҳужжатларини қўллаш чегараларини аниқлаш ва уларни шарҳлаш юзасидан Ўзбекистон Республикаси Олий суди раисининг Конституциявий судга тақдимнома киритиш ваколатини жорий этишга хизмат қилган.
