Карабаева Гулнора Шарафитдиновнанинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Повышение инновационной активности промышленных предприятий”, 08.00.03 – “Саноат иқтисодиёти” (иқтисодиёт фанлари).
Диссертация мавзуси рўйхатга олинган рақам: В2020.1.PhD/Iqt460.
Илмий раҳбар: Назарова Раъно Рустамовна, иқтисодиёт фанлари доктори, профессор.
Диссертация бажарилган муассаса номи: Тошкент давлат иқтисодиёт университети.
ИК фаолият кўрсатаётган муассаса номи, ИК рақами: Тошкент давлат техника университети, DSc.03/30.12.2019.I.03.05.
Расмий оппонентлар: Қодиров Абдусатторхўжа, иктисодиёт фанлари доктори, профессор; Ирисбекова Мавлюда Наринбаевна, иқтисодиёт фанлари доктори,  профессор.
Етакчи ташкилот: Тошкент ирригация ва қишлоқ хўжалигини механизациялаш  институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади Ўзбекистонда саноат корхоналарининг инновацион фаоллигини ошириш бўйича илмий асосланган хулоса ва тавсиялар ишлаб чиқишдан иборат.
III.Тадқиқотнинг илмий янгилиги:
В-1523, U-62, МХ-1.8, JX CЕ-220 маркали тракторлар учун валлар ва трансмиссия шестерняларини ишлаб чиқаришни йўлга қўйиш “ТҚХТЗ” акционерлик жамиятининг иқтисодий-молиявий ва инновацион фаоллигини оширишнинг ички имконияти эканлиги асосланган; 
“ТҚХТЗ” акционерлик жамияти ва саноат корхоналарининг инновацион фаоллигини оширишда TTZ LS 100HC, МХ-1.8 тракторлар унификациялашган кабиналарини «in country, for the world» модели бўйича ишлаб чиқаришни ўзлаштиришнинг иқтисодий жиҳатдан мақсадга мувофиқлиги асосланган;
“корхонанинг инновацион фаоллиги” тушунчаси рақамли иқтисодиёт шароитида янги технологияларни ишлаб чиқариш ва иқтисодий оборотга қўшиш (такомиллаштириш) билан бир қаторда фаолият интенсивлигини эътиборга олган ҳолда такомиллаштирилган; 
эконометрик моделлаштириш асосида CЕ-220 пахта териш машинасини ишлаб чиқаришни ўзлаштириш ва инновацион «anticipatory, proactive, reactive» моделлар трансформациясини танлаш таклиф этилган. 
IV. Тадқиқот натижаларининг жорий қилиниши: 
Инновациялар асосида саноат корхоналари самарадорлигини ошириш бўйича олинган илмий натижалар асосида:
В-1523, U-62, МХ-1.8, JX CЕ-220 маркали тракторлар учун валлар ва трансмиссия шестерняларини ишлаб чиқаришни йўлга қўйиш “ТҚХТЗ” акционерлик жамиятининг иқтисодий-молиявий ва инновацион фаоллигини оширишнинг ички имконияти бўйича таклифлар “ТҚХТЗ” акционерлик жамиятида инновацияларни ривожлантириш режасини тузишда қўлланилган (“ТҚХТЗ” акционерлик жамиятининг 2020 йил 16 январдаги 20-19-79-сон маълумотномаси). Ушбу таклифни амалда қўллаш корхонанинг инновацион фаоллигини оширишга ва ялпи маҳсулот ҳажмининг кўпайишига олиб келган;
“ТҚХТЗ” акционерлик жамияти ва саноат корхоналарининг инновацион фаоллигини оширишда TTZ LS 100HC, МХ-1.8 тракторлар унификациялашган кабиналарини «in country, for the world» модели бўйича ишлаб чиқариш бўйича таклифлар “ТҚХТЗ” акционерлик жамиятининг 2020 йил 3 сентябрдаги 20-56-сонли буйруғи билан амалиётга жорий қилинган (“ТҚХТЗ” акционерлик жамиятининг 2020 йил 10 сентябрдаги 20-13-87-сон маълумотномаси). Таклифларнинг амалиётга жорий қилиниши ва интеграцион жараёнларни самарали ташкил қилиш ишлаб чиқариш самарадорлигини ошириш ва 24,6%га молиявий ресурсларни тежаш  имконини берган;
корхонанинг инновацион фаоллигининг интенсивлиги ҳамда эконометрик моделлаштириш асосида тегишли пахта териш машинасини ишлаб чиқаришни ўзлаштириш ва соҳага оид бошқа таклифлар “ТҚХТЗ” акционерлик жамияти ва тегишли саноат корхоналари амалиётига жорий қилинган (“ТҚХТЗ” акционерлик жамиятининг 2020 йил 10 сентябрдаги 20-13-87-сонли маълумотномаси; "LUCH" МЧЖнинг 2020 йил 16 январдаги 16/1-сонли маълумотномаси; "SHABNAM SILVER" МЧЖнинг 2020 йил 27 январдаги 27/1-сон маълумотномаси). Таклифларнинг амалиётга жорий қилиниши саноат корхоналарининг инновацион фаолияти, рақобатбардошлиги даражасини оширишга ҳамда корхонада бир қатор инновациялар киритилиб, сотиш ҳажмининг ўсишига имкон берган.