Худойбердиев Дилшод Муродовичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Ёшларда истеъмолчилик хулқининг шаклланиши: мазмуни ва шакллари, сабаблари ва оқибатлари”, 09.00.04 – Ижтимоий фалсафа (фалсафа фанлари).
Диссертация мавзуси рўйхатга олинган рақам: В2018.1.PhD/Fal151.
Диссертация бажарилган муассаса номи: Қарши давлат университети. 
ИК фаолият кўрсатаётган муассаса (муассасалар) номи, ИК рақами: Самарқанд давлат университети, DSc.03/30.12.2019.F.02.02 
Илмий раҳбар: Чориев Санжарбек Анварович, фалсафа фанлари доктори, профессор.
Расмий оппонентлар: Бердимуратова Алима Карлыбаевна, фалсафа фанлари доктори, профессор; Язданов Улуғбек Тошмуродович фалсафа фанлари доктори (DSc), доцент.
Етакчи ташкилот: Самарқанд давлат чет тиллар институти
Диссертация йўналиши: назарий ва амалий аҳамиятга молик.
II. Тадқиқотнинг мақсади: ёшлар онгида истеъмолчилик хулқининг шаклланиши ва ундаги ўзгаришларни аниқлаш ҳамда муаммо ечими юзасидан таклиф-тавсиялар ишлаб чиқишдан иборат.
III. Тадқиқотнинг илмий янгилиги:
Ўзбекистон шароитида инсон истеъмолчилик хулқининг “танловга мойил” ва “янгиликка мойил” истеъмолчи моделлари янги инсонни шакллантириш тамойили асосида очиб берилган;
ёшларда истеъмолчилик хулқининг динамик хусусиятлари ижтимоий омиллар таъсирида “узлуксизлик тамойили”га амал қилишига бўйсундирилганлиги ижтимоий меъёрлар талаби асосида исботланган;  
жаҳон ҳамжамиятида содир бўлаётган ижтимоий жараёнларнинг ёшлар истеъмолчилик хулқига позитив ва негатив таъсири фалсафанинг умумий алоқадорлик хусусияти асосида очиб берилган; 
шахс истеъмолчилик хулқи шаклланиши аграр, индивидуалистик, рационал, гедонистик, технологик, ахборот истеъмоли каби кўринишларда намоён бўлиши сабаб ва оқибат, имконият ва воқелик сингари фалсафий категориялар ёрдамида асосланган.
IV. Тадқиқот натижаларининг жорий қилиниши: 
Истеъмолчилик хул-қининг концептуал структураси ва моделларини, бугунги кун ёшлари истеъ-молчилик хулқига хос бўлган хусусиятларни, ижтимоий жараёнларнинг ёш-лар истеъмолчилик хулқига таъсири характерини тадқиқ этиш асосида:
“истеъмолчилик хулқи” тушунчасининг мазмунини ташкил қилган элементлар мажмуини ва истеъмолчилик хулқининг замонавий социумдаги моделларини аниқлашга оид таклиф ва тавсияларидан 2007-2011-йилларда бажарилган “Ҳозирги замон цивилизациясининг инсон ижтимоий қиёфасига таъсири” мавзусидаги ОТ-Ф8-022 рақамли фундаментал тадқиқот лойиҳаси экспозициясини аниқлашда фойдаланилган (Олий ва ўрта махсус таълим вазирлигининг 2019 йил 8 октябрдаги 89-03-3779-сон маълумотномаси). Натижада, шахс маънавий қиёфасининг сабр-тоқатлилик, нафсни жиловлаш каби ўзига хос хусусиятларини ифодалаб беришга хизмат қилган;
ёшлари истеъмолчилик хулқининг мазмуни ва шакллари, ўзгариш сабабларини тадқиқ этишга доир таклиф ва тавсияларидан Ўзбекистон Ёшлар иттифоқи Марказий Кенгаши томонидан 2019 йил сентябрь ойида таълим муассасалари битирувчилари ва бандлиги таъминланмаган ёшларни касбга йўналтириш борасида ўтказилган “Таълим ва мутахассислик” мавзусидаги тадбир сценарийсини ишлаб чиқишда фойдаланилган (Ўзбекистон Ёшлар иттифоқи марказий Кенгашининг 2019 йил 4 октябрдаги 04-13/4563-сон маълумотно-маси). Натижада, Ўзбекистон Ёшлар иттифоқининг бош мақсадини амалга оширишда назарий жиҳатдан илмий-методологик асос бўлиб хизмат қилган;
Ўзбекистондаги ижтимоий жараёнларнинг ёшлар истеъмолчилик хулқига позитив ва негатив таъсирига оид илмий асосланган хулосалари, таклиф-тавсияларидан Республика Маънавият ва маърифат маркази томони-дан 2019 январь-февраль ва сентябрь ойларида ўтказилган “Ёшлар – бизнинг келажагимиз”, “Ўз болангни ўзинг асра”, “Огоҳ бўлинг: маънавий таҳдидлар” мавзуларидаги маънавий-маърифий тарғибот тадбирлари дастури сценарий-ларини ишлаб чиқишда фойдаланилган (Республика Маънавият ва маърифат марказининг 2019 йил 9 октябрдаги 03/011-1363-сон маълумотномаси). Натижада, аҳоли ва ёшлар истеъмолчилик хулқини такомиллаштиришга хизмат қилган;
шахс истеъмолчилик хулқи шаклланиши жараёнининг периодизацияси, ҳар бир даврдаги амплуасига доир илмий хулосаларидан Қашқадарё вилоят телерадиокомпаниясининг 2019 йил 29 январь куни эфирга узатилган “Мулоҳаза” ва 17 март куни эфирга узатилган “Шу куннинг мавзуси” номли кўрсатувлари, вилоят “Олтин воҳа” радиосининг 2019 йил 22 апрелда эфирга узатилган “Долзарб мавзу” номли эшиттиришининг сценарийларини тайёрлашда фойдаланилган (Қашқадарё вилоят телерадиокомпаниясининг 2019 йил 12 июлдаги 12-15-343-сон маълумотномаси). Натижада, кенг жамоатчиликка ёшлар истеъмолчилик хулқининг шаклланиши ҳақида маълумот беришга хизмат қилган.