Тожибоев Акбар Зафар ўғлининг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Стартаплар фаолиятинифуқаролик-ҳуқуқий тартибга солиш», 12.00.03 – Фуқaролик ҳуқуқи. Тaдбиркорлик ҳуқуқи. Оилa ҳуқуқи. Xaлқaро xуcуcий ҳуқуқ (юридик фанлар). 
Диссертация мавзуси рўйхатга олинган рақам: В2020.4.PhD/Yu430.
Илмий раҳбар: Омонбой Оқюлов, юридик фанлар доктори, профессор.
Диссертация бажарилган муассаса номи: Тошкент давлат юридик университети. 
ИК фаолият кўрсатаётган муассаса номи, ИК рақами: Тошкент давлат юридик университети, DSc.07/30.12.2019.Yu.22.01.  
Расмий оппонентлар: Самарходжаев Ботир Билолович, юридик фанлар доктори, профессор; Бозоров Сардор Соҳибжонович, юридик фанлари бўйича фалсафа доктори (PhD).
Етакчи ташкилот: Ўзбекистон Республикаси Давлат божхона қўмитасининг Божхона институти.
Диссертация йўналиши: назарий ва амалий аҳамиятга молик. 
II. Тадқиқотнинг мақсади стартаплар фаолиятини фуқаролик-ҳуқуқий тартибга солишга қаратилган таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
стартап лойиҳа ташаббускори билан Дирекция ўртасида стартап лойиҳанинг инкубация ёки акселерация дастурида иштирок этиши бўйича битим тузиш зарурлиги асосланган;
стартап лойиҳани венчур молиялаштиришда венчур инвестор (дирекция) стартап лойиҳа муассислари таркибига кириши мумкинлиги асослаб берилган;
стартап лойиҳаларни молиялаштириш буюртмачи, талабнома берувчи (талабгор) ва жамғарма ўртасида тузиладиган кўп томонлама шартнома сифатида эътироф этилиши мумкинлиги асосланган;
стартап лойиҳаларини молиялаштириш тўғрисидаги шартнома тузиш учун талабгор (жисмоний шахс ёки давлат муассасаси) алоҳида юридик шахс (компания) сифатида ҳаракат қилиши лозимлиги асослантирилган;
инновацияларни яратишга доир давлат буюртмаси Давлат бюджети маблағлари ҳисобидан молиялаштирилган тақдирда, уларнинг натижалари давлатга тегишли бўлиши лозимлиги асослаб берилган.
IV. Тадқиқот натижаларининг жорий қилиниши. 
Стартаплар фаолиятини фуқаролик-ҳуқуқий тартибга солиш бўйича олиб борилган тадқиқот натижалари асосида:
стартап лойиҳа ташаббускори билан Дирекция ўртасида стартап лойиҳанинг инкубация ёки акселерация дастурида иштирок этиши бўйича битим тузиш зарурлигига оид таклиф Ўзбекистон Республикаси Вазирлар Маҳкамасининг 2019 йил 15 июлдаги 589-сон қарори билан тасдиқланган Дастурий маҳсулотлар ва ахборот технологиялари технологик парки фаолиятини ташкил этиш тартиби тўғрисидаги низомнинг 40-бандини ишлаб чиқишда фойдаланилган (Ўзбекистон Республикаси Вазирлар Маҳкамасининг Юридик таъминлаш бошқармасининг 2020 йил 3 июлдаги 12/20-6-сон маълумотномаси). Ушбу таклифнинг амалга оширилиши стартап лойиҳанинг инкубация ва акселерация дастурида иштирок этиши бўйича битим тузишга оид муносабатларни самарали ҳуқуқий тартибга солишга хизмат қилган;
стартап лойиҳани венчур молиялаштиришда венчур инвестор (Дирекция) стартап лойиҳа муассислари таркибига кириши мумкинлиги тўғрисидаги таклиф Ўзбекистон Республикаси Вазирлар Маҳкамасининг 2019 йил 15 июлдаги 589-сон қарори билан тасдиқланган Дастурий маҳсулотлар ва ахборот технологиялари технологик парки фаолиятини ташкил этиш тартиби тўғрисидаги низомнинг 53-банди биринчи қисмини ишлаб чиқишда фойдаланилган (Ўзбекистон Республикаси Вазирлар Маҳкамасининг Юридик таъминлаш бошқармасининг 2020 йил 3 июлдаги 12/20-6-сон маълумотномаси). Ушбу таклифнинг амалга оширилиши венчур инвесторларнинг таваккалчилик хатарларини минималлаштиришга ҳамда уларнинг ҳуқуқларини самарали ҳимоя қилишга хизмат қилган;
стартап лойиҳаларни молиялаштириш буюртмачи, талабнома берувчи (талабгор) ва жамғарма ўртасида тузиладиган кўп томонлама шартнома сифатида эътироф этилиши мумкинлигига оид таклиф Ўзбекистон Республикаси Вазирлар Маҳкамасининг 2020 йил 9 мартдаги 133-сон қарори билан тасдиқланган “Стартап” лойиҳаларни тасдиқлаш, молиялаштириш ва амалга ошириш тартиби тўғрисидаги низомининг 25-бандини ишлаб чиқишда фойдаланилган (Ўзбекистон Республикаси Вазирлар Маҳкамасининг Юридик таъминлаш бошқармасининг 2020 йил 3 июлдаги 12/20-6-сон маълумотномаси). Ушбу таклифнинг амалга оширилиши стартаплар фаолиятини молиялаштириш шартномаларини тузиш тартибларини белгилаш билан бирга, иқтисодиёт тармоқлари ва соҳага инновацияларни янада самарали жорий этиш учун шарт-шароитлар яратишга хизмат қилган;
стартап лойиҳаларини молиялаштириш тўғрисидаги шартнома тузиш учун талабгор (жисмоний шахс ёки давлат муассасаси) алоҳида юридик шахс (компания) сифатида ҳаракат қилиши лозимлигига оид таклиф Ўзбекистон Республикаси Вазирлар Маҳкамасининг 2020 йил 9 мартдаги 133-сон қарори билан тасдиқланган “Стартап” лойиҳаларни тасдиқлаш, молиялаштириш ва амалга ошириш тартиби тўғрисидаги низомининг 26-бандини ишлаб чиқишда фойдаланилган (Ўзбекистон Республикаси Вазирлар Маҳкамасининг Юридик таъминлаш бошқармасининг 2020 йил 3 июлдаги 12/20-6-сон маълумотномаси). Ушбу таклифнинг амалга оширилганлиги стартапларнинг тузилма сифатида фуқаролик муносабатларига тўла киришига, шунингдек, учинчи шахс (инвестор, шерик ва б.)ларнинг ҳуқуқлари таъминланишига хизмат қилган;
инновацияларни яратишга доир давлат буюртмаси Давлат бюджети маблағлари ҳисобидан молиялаштирилган тақдирда, уларнинг натижалари давлатга тегишли бўлиши лозимлигига оид таклиф Ўзбекистон Республикасининг 2020 йил 24 июлдаги “Инновацион фаолият тўғрисида”ги ЎРҚ-630-сонли Қонуни 12-моддасини шакллантириш ва такомиллаштиришда фойдаланилган (Ўзбекистон Республикаси Олий Мажлиси Сенати Суд-ҳуқуқ масалалари ва коррупцияга қарши курашиш қўмитасининг 2021 йил 19 январдаги 5-сон маълумотномаси). Ушбу таклифнинг амалга оширилганлиги стартап лойиҳаларини ишлаб чиқиш ва амалга оширишга доир давлат буюртмаси бўйича ҳуқуқий ечимларни ишлаб чиқишга хизмат қилган.