Пардаев Хофиз Қаландаровичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи):  “Боғ қатор ораларига текис ишлов берадиган фронтал плуг параметрларини асослаш”, 05.07.01 - Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: B2019.1.PhD/T531.
Илмий раҳбар: Эргашев Исмоил Ташкентович, техника фанлари доктори, профессор.
Диссертация бажарилган муассаса номи: Самарқанд ветеринария медицинаси институти.
ИК фаолият кўрсатаётган муассаса номи, ИК рақами: Қарши муҳандислик-иқтисодиёт институти, PhD.03/30.06.2020.T.111.02.
Расмий оппонентлар: Худаяров Бердирасул Мирзаевич, техника фанлари доктори, профессор; Темиров Исроил Ғуломович, техника фанлари номзоди, доцент.
Етакчи ташкилот: “BMKB-Agromash” AЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади: боғ қатор оралари тупроғини текис ва ҳар хил чуқурликда шудгорлашни таъминлайдиган икки модулли фронтал плугнинг конструктив схемаси ва параметрларини асослашдан иборат.
III. Тадқиқотнинг илмий янгилиги: 
боғ қатор оралари тупроғини ҳар хил чуқурликда текис шудгорлайдиган, чап ва ўнг корпуслардан ташкил топган икки модулли фронтал плугнинг конструктив схемаси ишлаб чиқилган ва унинг технологик иш жараёни асосланган;
фронтал плуг корпусларининг осма қурилмага нисбатан жойлашиш масофаси палахса юзаларининг миқдорига тескари пропорционал боғланганлиги асосланган;
фронтал плуг ишчи органларининг мақбул параметрлари тупроққа кам энергия сарфлаган ҳолда рационал таъсирини ҳамда горизонтал, бўйлама ва кўндаланг-вертикал текисликларда тўғри чизиқли ҳаракатини таъминлайдиган аналитик боғланишлар асосида аниқланган;
ҳар хил чуқурликда текис шудгорлайдиган фронтал плугнинг агротехник ва энергетик иш кўрсаткичлари унинг параметрлари ва агрегат ҳаракат тезлигига боғлиқ равишда ўзгаришини ифодалайдиган боғланишлар асосида аниқланган.
IV. Тадқиқот натижаларининг жорий қилиниши. 
Боғ қатор ораларини эгат ва марзаларсиз ҳар хил чуқурликда текис шудгорлайдиган икки модулли фронтал плуг параметрларини асослаш бўйича олинган илмий натижалар асосида:
боғ қатор оралари тупроқларини текис шудгорлаш учун янги плугга Интеллектуал мулк агентлигининг фойдали моделга патенти олинган (№ FAP 00735, 2012 й.). Натижада боғ қатор ораларини ҳар хил чуқурликда текис шудгорлайдиган фронтал плугнинг конструкциясини яратиш имконини берган;
боғ қатор оралари тупроғини марза ва эгатларсиз текис шудгорлайдиган икки модулли фронтал плуг академик М.Мирзаев номидаги боғдорчилик, узумчилик ва виночилик илмий-тадқиқот институти Самарқанд илмий-тажриба станциясида жорий этилган (Қишлоқ хўжалиги вазирлигининг 2019 йил 3 июлдаги 02/023-969-сон маълумотномаси). Натижада боғ қатор оралари тупроғини текис шудгорлаш ҳисобига ёнилғи-мойлаш материаллари сарфи 20 фоизга камайган;
текис шудгорлашни таъминлайдиган икки модулли фронтал плуг Пастдарғом ва Оқдарё тумани фермер хўжаликларида жорий этилган (Қишлоқ хўжалиги вазирлигининг 2019 йил 3 июлдаги 02/023-969-сон маълумотномаси). Натижада боғ қатор ораларини текис шудгорлашда меҳнат сарфи 15 фоизга камайиши таъминланган;
икки модулли фронтал плугни ишлаб чиқаришни ўзлаштириш учун лойиҳа-конструкторлик ҳужжатлари (конструктив схема, техникавий шартлар ва чизмалар) «BMKB-Agromash» АЖ да лойиҳалаш жараёнига жорий этилган (Қишлоқ хўжалиги вазирлигининг 2019 йил 3 июлдаги 02/023-969-сон маълумотномаси). Натижада боғ қатор ораларини текис шудгорлайдиган икки модулли фронтал плугни ишлаб чиқариш имкони яратилган.