Шавкатов Наврузбек Шавкатовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Давлат ва хусусий шериклик амалиётида молиявий муносабатларни такомиллаштириш», 08.00.07 – Молия, пул муомаласи ва кредит (иқтисодиёт фанлари). 
Диссертация мавзуси рўйхатга олинган рақам: В2020.2.PhD/Iqt1325. 
Илмий раҳбар: Элмирзаев Самариддин Эшкуватович, иқтисодиёт фанлари доктори, профессор.
Диссертация бажарилган муассаса номи: Тошкент молия институти.
ИК фаолият кўрсатаётган муассаса номи, ИК рақами: Тошкент молия институти, DSc.03/30.12.2019.I.17.01.
Расмий оппонентлар: Жумаев Нодир Хосиятович, иқтисодиёт фанлари доктори, профессор; Хайдаров Низамиддин Хамраевич, иқтисодиёт фанлари доктори, профессор.
Етакчи ташкилот: Тошкент давлат иқтисодиёт университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади Ўзбекистонда давлат ва хусусий шериклик амалиётида молиявий муносабатларни такомиллаштириш бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
давлат-хусусий шериклик асосида амалга оширилаётган лойиҳаларининг соф жорий қийматини 30 фоиз доирасида таъсир оралиқларини ҳисобга олган ҳолда белгилаш асосланган;
ижтимоий соҳадаги инвестицион лойиҳаларни давлат томонидан субсидиялаш орқали минимал даромадлиликни кафолатлаш асосида давлат-хусусий шерикликда молиявий муносабатлар такомиллаштирилган;
давлат-хусусий шериклик лойиҳасида хусусий инвесторлар билан ҳамкорлик самарадорлигини ошириш ва молиявий рискларни минималлаштиришга йўналтирилган алоҳида лойиҳа бошқаруви (SPV) таклиф этилган;
давлат-хусусий шериклик лойиҳаларининг молиялаштирилишини инфратузилма облигацияларини жойлаштириш орқали диверсификациялаш таклиф этилган.
IV. Тадқиқот натижаларининг жорий қилиниши:
Давлат-хусусий шериклик амалиётида молиявий муносабатларни такомиллаштириш бўйича олинган илмий натижалар асосида:
давлат-хусусий шериклик асосида амалга оширилаётган лойиҳаларининг соф жорий қийматини 30 фоиз доирасида таъсир оралиқларини ҳисобга олган ҳолда белгилаш таклифи Ўзбекистон Республикаси Молия Вазирлиги ҳузуридаги Давлат-хусусий шерикликни ривожлантириш агентлиги томонидан давлат-хусусий шериклик лойиҳалари молиявий-иқтисодий самарадорлиги кўрсаткичларини ишончлилиги ва самарадорлик доирасини белгилашда фойдаланилган (Ўзбекистон Республикаси Молия Вазирлиги ҳузуридаги Давлат-хусусий шерикликни ривожлантириш агентлигининг 2020 йил 1 декабрдаги 02/01-32/395-сон маълумотномаси). Ушбу таклиф асосида хусусий инвесторнинг кутилаётган ва учраши мумкин бўлган эҳтимолий рисклар ва йўқотишларга тайёр бўлиши, лойиҳадан кутилаётган даромадлилик даражасидан келиб чиқиб, самарадорлик кўрсаткичларининг ўзгариши даражасини баҳолаш ва молиявий барқарорликни таъминлаш имконияти яратилган;
ижтимоий соҳадаги инвестицион лойиҳаларни давлат томонидан субсидиялаш орқали минимал даромадлиликни кафолатлаш асосида давлат-хусусий шерикликда молиявий муносабатлар такомиллаштириш бўйича таклифи Ўзбекистон Республикасининг 2021 йил 22 январдаги «Давлат-хусусий шериклик тўғрисидаги қонунчилик такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш, шунингдек айрим қонун ҳужжатларини ўз кучини йўқотган деб топиш ҳақида»ги ЎРҚ-669-сон Қонунида ўз аксини топган (Ўзбекистон Республикаси Молия Вазирлиги ҳузуридаги Давлат-хусусий шерикликни ривожлантириш агентлигининг 2020 йил 1 декабрдаги 02/01-32/395-сон маълумотномаси). Ушбу таклиф орқали хусусий инвесторларнинг давлат-хусусий шериклик лойиҳаларига бўлган қизиқиши ва иқтисодий манфаатдорлигини ортишига эришилган;
давлат-хусусий шериклик лойиҳасида хусусий инвесторлар билан ҳамкорлик самарадорлигини ошириш ва молиявий рискларни минималлаштиришга йўналтирилган алоҳида лойиҳа бошқаруви (SPV) таклифи Ўзбекистон Республикасининг 2021 йил 22 январдаги «Давлат-хусусий шериклик тўғрисидаги қонунчилик такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш, шунингдек айрим қонун ҳужжатларини ўз кучини йўқотган деб топиш ҳақида»ги ЎРҚ-669-сон Қонунида ўз аксини топган (Ўзбекистон Республикаси Молия Вазирлиги ҳузуридаги Давлат-хусусий шерикликни ривожлантириш агентлигининг 2020 йил 1 декабрдаги 02/01-32/395-сон маълумотномаси). Ушбу таклифнинг амалиётга жорий қилиниши натижасида соғлиқни сақлаш соҳасида давлат-хусусий шериклик асосида 6 та лойиҳа учун шартномалар имзоланишга эришилган;
давлат-хусусий шериклик лойиҳаларининг молиялаштирилишини инфратузилма облигацияларини жойлаштириш орқали диверсификациялаш таклифи Ўзбекистон Республикаси Молия Вазирлиги ҳузуридаги Давлат-хусусий шерикликни ривожлантириш агентлигининг 2020 йил 30 сентябрдаги №02-2788-сон буйруғи билан тасдиқланган «Ўзбекистон Республикаси инфратузилмасини ривожлантириш ва хусусий секторни жалб қилиш орқали давлат-хусусий шериклик лойиҳаларини жадаллаштириш Стратегияси»да ўз аксини топган (Ўзбекистон Республикаси Молия Вазирлиги ҳузуридаги Давлат-хусусий шерикликни ривожлантириш агентлигининг 2020 йил 1 декабрдаги 02/01-32/395-сон маълумотномаси). Ушбу таклиф давлат-хусусий шерикликни ривожлантириш истиқболлари бўйича Агентлик стратегиясига киритилди ва тегишли вазирлик ҳамда идоралар билан келишилган ҳолда амалиётга жорий этиш белгиланган.