Саидова Лола Шодиевнанинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Чуқур карьерларни янада ривожлантиришда кон массасини ташишнинг мақбул технологик схемасини ишлаб чиқиш», 04.00.10 – Геотехнология (очиқ, ер ости ва қурилиш) (техника фанлари).
Диссертация мавзуси рўйхатга олинган рақам: В2019.2.PhD/Т1082.
Илмий раҳбар: Ўринов Шерали Рауфович, техника фанлари доктори, доцент.
Диссертация бажарилган муассаса номи: Ўзбекистон Республикаси Фанлар академияси Навоий бўлими.
ИК фаолият кўрсатаётган муассаса номи, ИК рақами: Навоий давлат кончилик институти, DSc.17/30.12.2019.T.06.01.
Расмий оппонентлар: Умаров Фарходбек Яркулович, техника фанлари доктори, доцент; Хакимов Шодибой Ихматуллаевич, техника фанлари номзоди.
Етакчи ташкилот: «Олмалиқ кон-металлургия комбинати» АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади: чуқур карьерларнинг қуйи ҳудудида оғир юк  ташувчи автосамосваллар ёрдамида кон массасини ташишнинг мақбул технологик схемасини ишлаб чиқишдан иборат. 
III. Тадқиқотнинг илмий янгилиги:
автосамосвалларнинг иш самарадорлиги йўлнинг қиялиги, транспортнинг ўртача тезлиги ҳамда карьер автомобил транспортини режалаштириш каби омилларни инобатга олган ҳолда технологик транспорт ишининг математик модели ишлаб чиқилган;
автотранспортнинг умумий ҳажмига таъсир қилувчи, бу эса ўз навбатида чуқур карьер ва қазиб олинадиган кон массасининг ҳажмига таъсир қилувчи транспорт бермасининг кенглик параметрлари аниқланган;
экскаватор-автомобиль комплексини техник қайта жиҳозлашда 180-220 т юк кўтариш қувватига эга автосамосваллар ўтиш ва жорий этиш ишлари чуқурлигини ошириб, уни бошқариш тизими такомиллаштирилган;
чуқур карьер горизонтларида оғир юк кўтарувчи автосамосваллардан фойдаланган ҳолда кон массасини ташишнинг технологик схемаларини қўллашнинг мақбул соҳаси аниқланган.
IV. Тадқиқот натижаларининг жорий қилиниши.
Чуқур карьерларда ташишнинг мақбул технологик схемасини ишлаб чиқиш бўйича олинган илмий натижалар  асосида:
транспорт тизимларини энергетик баҳолаш усули «Навоий кон-металлургия комбинати» ДК Мурунтау карьерида амалиётга жорий этилган («Навоий кон-металлургия комбинати» ДКнинг 2020 йил 16 ноябрдаги 02-06-07/12001-сон маълумотномаси). Натижада,  ўртача масофа 3,73 км транспорт билан автосамасваллар ҳаракати, юқори оғирлиги ўртача қиялик 6,1%, 1 км радиус 30 м да 3–4 бурилишлар юқори мураккаблиги билан тавсифланиш имконини берган;
экскаватор-автомобил мажмуасини техник қайта жиҳозлаш имконини берувчи чуқур карьерларнинг чуқурлигини ишлаб чиқишда кон массасини ташишнинг технологик схемаси «Навоий кон-металлургия комбинати» ДК Мурунтау карьерида амалиётга жорий этилган («Навоий кон-металлургия комбинати» ДКнинг 2020 йил 16 ноябрдаги 02-06-07/12001-сон маълумотномаси). Натижада, 184,4 м кўтариш баландлиги ва 4,51 км ўртача транспорт масофасида ёқилғининг нисбий сарфини 92,4 г/ткм ташкил қилиш ҳамда бу даврий оқим технологияларида ишлайдиган конвейр линиялари ҳисобга олган ҳолда рудаларнинг ва қоплама кон жинсларининг самарали ҳаракатини энергетик режалаштириш имконини берган.