Эгамбердиев Бехзод Искандаровичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ички ишлар органларининг миграция жараёнларига доир фаолиятини такомиллаштириш», 12.00.02 – Конституциявий ҳуқуқ. Маъмурий ҳуқуқ. Молия ва божхона ҳуқуқи (юридик фанлар).
Диссертация мавзуси рўйхатга олинган рақам: В2019.1.PhD/Yu239.
Илмий раҳбар: Зиёдуллаев Музаффар Зиёдуллаевич, юридик фанлар доктори, профессор.
Диссертация бажарилган муассаса номи: Ўзбекистон Республикаси Ички ишлар вазирлиги Академияси.
ИК фаолият кўрсатаётган муассаса номи, ИК рақами: Ўзбекистон Республикаси Ички ишлар вазирлиги Академияси, DSc.31/30.12.2019.Yu.25.02.
Расмий оппонентлар: Маматов Худоёр Тешаевич, юридик фанлар доктори, профессор; Исоқов Лухмонжон Холбоевич, юридик фанлар бўйича фалсафа доктори (PhD).
Етакчи ташкилот: Ўзбекистон Республикаси Давлат божхона қўмитаси Божхона институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади ички ишлар органларининг миграция жараёнларига доир фаолиятини такомиллаштиришга қаратилган таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
қонуний ички ва ташқи меҳнат миграциясини ташкил этиш мақсадида хусусий бандлик агентликларига давлат органлари, жумладан, ички ишлар органлари томонидан узоқ муддат хорижда бўлиб, доимий яшаш манзилига қайтиб келган ёки ишлаш мақсадида хорижга кетмоқчи бўлиб, иш қидираётган шахслар тўғрисидаги маълумотларни тақдим этиш орқали ноқонуний миграцияга қарши курашиш борасидаги ҳамкорликни қонунга киритиш зарурати асосланган;
Ўзбекистон Республикасида мамлакатимиз учун асосий реципиент давлат – Россия Федерацияси Ички ишлар вазирлигининг паспорт-виза хизмати ваколатхонасини очиш ва унда вақтинчалик меҳнат фаолиятини амалга оширишга рухсатнома (патент)ни тайёрлаш, расмийлаштириш ва бериш хизматларини кўрсатиш амалиётини йўлга қўйиш орқали ноқонуний миграцияга қарши курашда ўзаро ҳамкорликни мувофиқлаштириш зарурати асосланган;
фавқулодда ҳолатлар шароитида карантин жорий этилган ҳудудда вақтинча бўлиш муддати тугаган чет эл фуқаролари ва фуқаролиги бўлмаган шахсларга, шунингдек, уларни қабул қилган уй-жой эгалари ва мансабдор шахсларга нисбатан карантин муддати тугагунга қадар Ўзбекистон Республикаси ҳудудида бўлиш қоидаларини бузганлик учун маъмурий жавобгарлик қўлланмаслик амалиётини жорий этиш лозимлиги асослантирилган;
чет эл фуқароси ва фуқаролиги бўлмаган ватандошлар ва оила аъзоларига доимий яшаш учун рухсатнома расмийлаштиришда ваколатли органнинг ижобий жавоби олинган тақдирда ўн кун ичида ўрта бўғин ички ишлар органлари миграция ва фуқароликни расмийлаштириш бўлинмалари томонидан марказий аппарат билан келишмасдан хулоса чиқариш ваколатини қонун ҳужжатларида белгилаш зарурати исботланган.
IV. Тадқиқот натижаларининг жорий қилиниши. 
Ички ишлар органларининг миграция жараёнларига доир фаолиятини такомиллаштириш бўйича олинган илмий натижалар асосида:
қонуний ички ва ташқи меҳнат миграциясини ташкил этиш мақсадида хусусий бандлик агентликларига давлат органлари, жумладан, ички ишлар органлари томонидан узоқ муддат хорижда бўлиб, доимий яшаш манзилига қайтиб келган ёки ишлаш мақсадида хорижга кетмоқчи бўлиб, иш қидираётган шахслар тўғрисидаги маълумотларни тақдим этиш орқали ноқонуний миграцияга қарши курашиш борасидаги ҳамкорликни қонунга киритишга доир таклифдан Ўзбекистон Республикасининг 2018 йил 16 октябрдаги «Хусусий бандлик агентликлари тўғрисида»ги ЎРҚ-501-сон қонуни 25-моддасини ишлаб чиқишда фойдаланилган (Ўзбекистон Республикаси Олий Мажлиси Қонунчилик палатаси Меҳнат ва ижтимоий масалалар қўмитасининг 2019 йил 18 декабрдаги 04/3-06-99-сон маълумотномаси). Мазкур таклиф ички ишлар органларининг бошқа субъектлар, жумладан хусусий бандлик агентликлари билан ҳамкорлигини ҳуқуқий кафолатлаш орқали уларнинг ноқонуний миграцияга қарши курашиш фаолиятини самарали ташкил этишга хизмат қилган;
Ўзбекистон Республикасида мамлакатимиз учун асосий реципиент давлат – Россия Федерацияси Ички ишлар вазирлигининг паспорт-виза хизмати ваколатхонасини очиш ва унда вақтинчалик меҳнат фаолиятини амалга оширишга рухсатнома (патент)ни тайёрлаш, расмийлаштириш ва бериш хизматларини кўрсатиш амалиётини йўлга қўйиш орқали ноқонуний миграцияга қарши курашда ўзаро ҳамкорликни мувофиқлаштиришга доир таклифдан Ўзбекистон Республикаси Президентининг 2020 йил 15 сентябрдаги «Хавфсиз, тартибли ва қонуний меҳнат миграцияси тизимини жорий қилиш чора-тадбирлари тўғрисида»ги ПҚ-4829-сон қарорининг 13-бандини ишлаб чиқишда фойдаланилган (Ўзбекистон Республикаси ИИВнинг 2021 йил 10 январдаги 15/312-сон маълумотномаси). Мазкур таклифнинг жорий этилиши ички ишлар органларининг ноқонуний миграцияга қарши курашишда хорижий давлатлар, жумладан Россия Федерацияси билан ўзаро ҳамкорлигини таъминлаш ва мувофиқлаштириш самарадорлигини оширишга хизмат қилган;
фавқулодда ҳолатлар шароитида карантин жорий этилган ҳудудда вақтинча бўлиш муддати тугаган чет эл фуқаролари ва фуқаролиги бўлмаган шахсларга, шунингдек, уларни қабул қилган уй-жой эгалари ва мансабдор шахсларга нисбатан карантин муддати тугагунга қадар Ўзбекистон Республикаси ҳудудида бўлиш қоидаларини бузганлик учун маъмурий жавобгарлик қўлланмаслик амалиётини жорий этишга доир таклифдан Ўзбекистон Республикаси Вазирлар Маҳкамасининг 2020 йил 28 сентябрдаги 593-сон қарори билан тасдиқланган 4-илованинг иккинчи банди «а» кичик бандининг 65 бандини ишлаб чиқишда фойдаланилган (Ўзбекистон Республикаси Вазирлар Маҳкамаси Юридик таъминлаш бошқармасининг 2020 йил 17 ноябрдаги 12/20-23-сон маълумотномаси). Мазкур таклифнинг жорий этилиши мамлакатимизда чет эл фуқаролари ва фуқаролиги бўлмаган шахсларнинг ҳуқуқлари ва қонуний манфаатларини таъминлаш даражасини оширишга, шунингдек Ўзбекистон Республикасида бўлиш қоидаларини бузганлик учун маъмурий жавобгарликни янада либераллаштиришга хизмат қилган;
чет эл фуқароси ва фуқаролиги бўлмаган ватандошлар ва оила аъзоларига доимий яшаш учун рухсатнома расмийлаштиришда ваколатли органнинг ижобий жавоби олинган тақдирда ўн кун ичида ўрта бўғин ички ишлар органлари миграция ва фуқароликни расмийлаштириш бўлинмалари томонидан марказий аппарат билан келишмасдан хулоса чиқариш ваколатини қонун ҳужжатларида белгилашга доир таклифдан Ўзбекистон Республикаси Вазирлар Маҳкамасининг 2020 йил 28 сентябрдаги 593-сон қарори билан тасдиқланган «Чет эл фуқаролари ва фуқаролиги бўлмаган шахсларни Қорақалпоғистон Республикасида ва вилоятларда доимий яшаш жойи бўйича рўйхатга олиш тартиби тўғрисидаги низом»ни ишлаб чиқишда фойдаланилган (Ўзбекистон Республикаси Вазирлар Маҳкамаси Юридик таъминлаш бошқармасининг 2020 йил 17 ноябрдаги 12/20-23-сон маълумотномаси). Мазкур таклифнинг инобатга олиниши чет эл фуқаролари ва фуқаролиги бўлмаган шахсларни доимий рўйхатдан ўтказиш амалиётини мақбуллаштириш ва соддалаштиришга хизмат қилган.