Иминахунова Ирода Хусейновнанинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Бўлажак мутахассисларнинг мустақил таълим жараёнларини ривожлантиришнинг назарий асослари (тиббиёт олий таълим муассасаларида ўрганиладиган инглиз тили асосида)” 13.00.01 – Педагогика назарияси. Педагогик таълимотлар тарихи.
Диссертация мавзуси рўйхатга олинган рақам: B2020.4.PhD/Ped893.
Илмий раҳбар: Юзликаев Фарид Рафаилович, педагогика фанлари доктори, профессор.
Диссертация бажарилган муассаса номи: Мирзо Улуғбек номидаги Ўзбекистон Миллий Университети.
ИК фаолият кўрсатаётган муассаса номи: Наманган давлат университети, PhD.03/04.06.2020.Ped.76.03. 
Расмий оппонентлар: Файзуллаев Турсунбой сиёсатшунослик фанлари доктори, профессор;
Махмудов Абдухалим Хакимович педагогика фанлари доктори, профессор.
Етакчи ташкилот: Самарқанд давлат университети. 
Диссертация йўналиши: назарий ва амалий аҳамиятга молик.
II. Тадқиқотнинг мақсади. Тиббиёт олий таълим муассасалари талабаларининг инглиз тили бўйича мустақил таълим олиш сифати ва самарадорлигини ошириш бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги қуйидагилардан иборат:
талабалар мустақил таълимини ташкил этиш жараёнларининг педагогик-психологик ва эргономик (ажратилган вақт, муддати, яратилган шарт-шароит) хусусиятлари фанлараро интеграциялашган ўқув модуллари сифатида танланадиган мавзуларнинг кўлами ва мазмун-моҳиятига кўра боғлиқлиги илмий асосланган; 
мустақил таълим олиш жараёнларининг инновацион тавсифи (янги, индивидуал, мобил ва рефлексив ёндашувлар) ва компонентлари (мазмун, шакл, ўқув материаллари ва топшириқлар) кредит-модуль тизими асосида ташкил этиладиган таълим жараёнларининг ўзига хос хусусиятига кўра мувофиқлаштирилган;
мустақил таълим жараёнларини ташкил этиш босқичларида шахсга йўналтирилган таълимнинг дидактик имкониятларини кенгайтириш механизмлари талабаларнинг бошланғич тушунчаларига мос равишда уларда касбий фаолиятга қизиқишлар шакллантирувчи ҳамда ривожлантирувчи топшириқларнинг боғлиқлиги ва алоқадорлигини таъминлаш асосида такомиллаштирилган; 
инглиз тилини ўқитишда мустақил таълим жараёнларини ташкил этиш механизмлари талабаларда касбий тушунчалар шакллантирувчи вазиятларни олдиндан лойиҳалаштириш воситасида ишлаб чиқилган самарадорлик индикаторларига мос натижаларга эришишга мўлжалланган жараёнларни интенсивлаштириш асосида такомиллаштирилган.
IV. Тадқиқот натижаларининг жорий қилиниши. Бўлажак мутахассисларнинг мустақил таълим жараёнларини ташкил этиш ва такомиллаштиришнинг назарий асосларига доир  тадқиқот натижалари асосида:
талабалар учун мустақил таълим олиш жараёнини  ташкил этишда унинг барча шаклларини кредит-модуль тизими асосида ташкил этиладиган таълим жараёнларининг ўзига хос хусусиятларига кўра мувофиқлаштириш ҳамда фанлараро интеграциялашган ўқув модуллари сифатида танланадиган мавзуларнинг кўлами ва мазмун-моҳиятини инобатга олишга доир таклифлардан 5111000 – Касб таълим (даволаш иши) бакалавриат йўналиши Давлат таълим стандартларини ишлаб чиқишда фойдаланилган (Соғлиқни сақлаш вазирлигининг 2019 йил 30 майдаги 35-2-2519-сон маълумотномаси). Натижада талабалар учун ташкил этиладиган таълим ва мустақил таълим жараёнлари компонентларининг ўзаро боғлиқлиги ва алоқадорлигини таъминлашга оид талаблар такомиллаштирилган;
талабалар мустақил таълим жараёнларида ўрганиши таклиф этилган касбга оид хорижий атамалардан иборат “Анатомияга доир терминлар” (инглиз–ўзбек–рус) изоҳли луғати ишлаб чиқилган (Соғлиқни сақлаш вазирлигининг 2019 йил 30 майдаги 35-2-2519-сон маълумотномаси). Натижада мустақил таълим олиш жараёнларида ушбу изоҳли луғат талабаларнинг тиббиётга оид хорижий атамаларни самарали ўрганишларига хизмат қилмоқда;
талабаларнинг мустақил таълим жараёнларини блок-модулли ёндашув асосида ташкил этиш ва такомиллаштиришга доир таклифларидан А-1-100. “Тиббиёт ходимлари учун чет тили, ахборот-коммуникация ва таълим технологиялари бўйича узлуксиз малака ошириш тизимини яратиш ва унинг самарадорлигини ошириш” номли илмий лойиҳасини (2016-2018 йй.) бажарилишида фойдаланилган (Соғлиқни сақлаш вазирлигининг 2019 йил 30 майдаги 35-2-2519-сон маълумотномаси). Натижада бўлажак тиббиёт ходимларига инглиз тилини ўқитишда касбий тушунчаларни шакллантириш ва ривожлантиришга хизмат қилувчи мавзуларни модуллар сифатида белгилаш механизми жорий этилган.