Хасанов Адхам Аманкуловичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Техноген чиқиндилардан вольфрам таркибли маҳсулот ажратиб олиш технологиясини ишлаб чиқиш ва такомиллаштириш», 04.00.14 – Фойдали қазилмаларни бойитиш (техника фанлари).
Диссертация мавзуси рўйхатга олинган рақам: В2020.3.PhD/Т674.
Илмий раҳбар: Муталова Мархамат Акрамовна, техника фанлари номзоди, доцент.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса номи, ИК рақами: Навоий давлат кончилик институти, DSc.17/30.12.2019.T.06.01.
Расмий оппонентлар: Мухиддинов Баходир Фахриддинович, кимё фанлари доктори, профессор; Пирматов Эшмурат Азимович, техника фанлари доктори. 
Етакчи ташкилот: Миллий технологик тадқиқотлар университети «МИСиС»нинг Олмалиқ шаҳридаги филиали.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Ингичка бойитиш фабрикасидаги кўп йиллик чиқиндилари ва «Олмалиқ кон-металлургия комбинати» АЖ ИИБ техноген чиқиндиларидан вольфрамни ажратиб олишнинг мақбул технологиясини илмий асослаш ва яратишдан иборат.
III. Тадқиқотнинг илмий янгилиги:
Ингичка бойитиш фабрикасининг чиқиндилари ва «Олмалиқ кон-металлургия комбинати» АЖ ИИБ қайта ишланган чиқинди кекларида фракциялар бўйича вольфрамнинг миқдорий тақсимланиш қонуниятлари асосланган;
фракция бўлакларининг ўлчамлари -0,12 +0,022 мм бўлганда Ингичка бойитиш фабрикасининг чиқиндилари ва «Олмалиқ кон-металлургия комбинати» АЖ ИИБ қайта ишланган чиқинди кекларини гравитацион бойитиш учун чўктириш машинасини қўллаш самарадор эканлиги асосланган;  
гравитацион бойитиш жараёнларининг мақбул кетмакетлигини олиб бориш ва фракция йириклигига боғлиқ холда чўктириш машинаси тўшамаларининг оптимал қалинлиги аниқланган;  
концентрацион стол ва тозалаш жараёни билан чўктириш машинасидан иборат гравитацион бойитишнинг мақбул аппаратлар занжирли тизими ишлаб чиқилган;
концентрат ва оралиқ маҳсулотга вольфрамнинг максимал даражада ажралиб чиқишини таъминлш учун, дастлабки маҳсулот йириклигидан бошлаб, чўктириш машинаси тўшамаларининг қалинлиги, назорат чўктириш ва тозалашлар сони, шунингдек концентрацион столда қайта тозалаш жараёнларидан иборат бойитишнинг оптимал параметрлари ишлаб чиқилган;
Ингичка бойитиш фабрикасининг кўп йиллик чиқиндилари ва «Олмалиқ кон-металлургия комбинати» АЖ ИИБ кекларидан вольфрамни гравитацион бойитиш технологик схемаси яратилган. 
IV. Тадқиқот натижаларининг жорий қилиниши.
Техноген чиқиндилардан вольфрам таркибли маҳсулотни яратилган гравитацион бойитиш технологияси бўйича олинган илмий натижалар асосида:
Ингичка бойитиш фабрикасининг техноген чиқиндилари ва «Олмалиқ кон-металлургия комбинати» АЖ ИИБ чиқинди кекларини қайта ишлаш технологияси «Олмалиқ кон-металлургия комбинати» АЖда амалиётга жорий этилган («Олмалиқ кон-металлургия комбинати» АЖнинг 2020 йил 25 ноябрдаги АИ-009172-сон маълумотномаси). Натижада, -0,12 +0,022 мм катталикдаги чиқиндилар (чиқинди ва кеклар) вольфрамни минимал йўқотишлар билан бойитиб олишнинг мақбул параметрларини аниқлаш имконини берган;
шламли майдон чиқинди кекларини қайта ишлаш бўйича чўктириш машинаси ва концентрацион столдан иборат технологияси «Олмалиқ кон-металлургия комбинати» АЖда амалиётга жорий этилган («Олмалиқ кон-металлургия комбинати» АЖнинг 2020 йил 5 октябрдаги далолатномаси). Натижада, «Олмалиқ кон-металлургия комбинати» АЖ ИИБ чиқинди кекларидан 59,3% ажралиб чиқиш билан 55,8% WО3 таркибли вольфрам концентратини олиш имконини берган;
Ингичка бойитиш фабрикаси чиқиндиларидан вольфрам ажратиб олиш учун ишлаб чиқилган гравитацион бойитиш технологияси «Олмалиқ кон-металлургия комбинати» АЖда амалиётга жорий этилган («Олмалиқ кон-металлургия комбинати » АЖнинг 2020 йил 25 ноябрдаги АИ-009172-сон маълумотномаси). Натижада, Ингичка бойитиш фабрикаси кўп йиллик чиқиндиларидан 69,75% ажратиб олиш билан 27–35% миқдорли оралиқ маҳсулотни олиш имконини берган.