Герц Жасмина Викторовна 
фалсафа доктори (PhD) диссертацияси ҳимояси ҳақида эълон 

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «ГАТ технологиялари орқали табиий ресурсларнинг хатлов услубларини такомиллаштириш», 11.00.05 – Атроф-муҳитни муҳофаза қилиш ва табиий ресурслардан оқилона фойдаланиш ва 06.01.02 – Мелиорация ва суғорма деҳқончилик (техника фанлари).
Диссертация мавзуси рўйхатга олинган рақам: В2018.1.PhD/Т554.
Илмий раҳбар: Пулатов Алим Салимович, техника фанлари номзоди, профессор.
Диссертация бажарилган муассаса номи: Тошкент ирригация ва қишлоқ хўжалигини механизациялаш муҳандислари институти.
ИК фаолият кўрсатаётган муассаса (муассасалар) номи, ИК рақами: Тошкент ирригация ва қишлоқ хўжалигини механизациялаш муҳандислари институти, DSc.03/30.12.2019.Т.10.02 рақамли илмий кенгаш асосидаги бир марталик илмий кенгаш.
Расмий оппонентлар: Мягков Сергей Владимирович, техника фанлари доктори, профессор (06.01.02); Радкевич Мария Викторовна, техника фанлари доктори, доцент (11.00.05).
Етакчи ташкилот: Мирзо Улуғбек номидаги Ўзбекистон миллий университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: ГАТ технологиялари орқали табиий ресурсларнинг хатлов услубларини такомиллаштиришдан иборат.
III. Тадқиқотнинг илмий янгилиги:
қишлоқ ва ўрмон хўжалиги ерлари хатлови хатоликларини баҳолаш масофадан зондлашнинг радар маълумотлари ёрдамида ишлаб чиқилган;
табиий ресурсларни таснифлаш усули VH қутблашни бошқа қутблашлар билан комбинациялашган шароитда Сентинел-1 радар тасвирлар асосида такомиллаштирилган; 
қишлоқ ва ўрмон хўжалиги ерларини таснифлашнинг комбинациялашган усули спектрал корреляция ва NDVI вегетация индекси асосида ўсимликлар қоплами ўзгариши динамикасини инобатга олиб такомиллаштирилган;
сунъий йўлдош тасвирларини таснифлашнинг замонавий усулларини қурғоқчил минтақалар шароитида қӱллаш самарадорлиги асосланган.
IV. Тадқиқот натижаларининг жорий қилиниши.
ГАТ технологияларидан фойдаланган ҳолда табиий ресурсларни хатлаш усулларини такомиллаштириш бўйича олинган натижалар асосида:
қишлоқ ва ўрмон хўжалиги ерлари хатлови хатоликларини баҳолашнинг матрица усули Тошкент ўрмон хўжалигида ўрмон ерларининг иқтисодий самарадорлигини ошириш учун жорий этилган (Ўзбекистон Республикаси Экология ва атроф-муҳитни муҳофаза қилиш давлат қўмитасининг 2020 йил   21 декабридаги 02-02/8-3305 сон маълумотномаси). Натижада, ўрмон қоплами ҳажмини вақт ва масофада сунъий йўлдош тасвирлари орқали кузатиш имконияти яратилган;
VH қутблашни бошқа қутблашлар билан комбинациялашган шароитда Сентинел-1 радар тасвирлар асосида такомиллаштирилган табиий ресурсларни таснифлаш усули Ўзбекистон Республикаси Экология ва атроф-муҳитни муҳофаза қилиш давлат қўмитаси тасарруфидаги Тошкент вилояти экология ва атроф-муҳитни муҳофаза қилиш бошқармасида жорий этилган (Ўзбекистон Республикаси экология ва атроф-муҳитни муҳофаза қилиш давлат қўмитасининг 2020 йил 21 декабридаги 02-02/8-3305 сон маълумотномаси). Натижада, турли хил қутбланишлардаги радиометрик тасвирлар ёрдамида табиий ресурсларнинг мониторингини оптималлаштириш имконияти яратилган; 
спектрал корреляция ва NDVI вегетация индекси асосида такомиллаштирилган қишлоқ ва ўрмон хўжалиги ерларини таснифлашнинг комбинациялашган усули Тошкент ирригация ва қишлоқ хўжалигини механизациялаш муҳандислари институти ҳузуридаги илмий-ўқув маркази давлат унитар корхонасига жорий этилган (Ўзбекистон Республикаси Экология ва атроф-муҳитни муҳофаза қилиш давлат қўмитасининг 2020 йил 21 декабридаги 02-02/8-3305 сон маълумотномаси). Натижада сунъий йўлдош тасвирлари орқали қишлоқ хўжалиги экинларини (пахта, шоли, ғалла) самарали хатлаш имконияти яратилган.