Қиргизбоев Фахриддин Деҳқоновичнинг
диссертация ҳимоясисиз селекция ютуғи (ихтиро патенти) асосида фалсафа доктори (PhD) илмий даражасини бериш бўйича эълон матни 

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Иссиқхоналарда етиштиришга мос қулупнай нав намуналарини ўрганиш ва йирик мевали, экспортбоп навларини яратиш», 06.01.05–Селекция ва уруғчилик (қишлоқ хўжалиги фанлари).
Диссертация мавзуси рўйхатга олинган рақам: B2020.4.PhD/Qx657.
Илмий раҳбар: Абдуллаев Равшан Мавлянович, қишлоқ хўжалик фан номзоди, катта илмий ходим.
Илмий тадқиқот иши бажарилган муассаса номи: Академик Махмуд Мирзаев номидаги боғдорчилик, узумчилик ва виночилик илмий-тадқиқот институти.
ИК фаолият кўрсатаётган муассаса номи, ИК рақами: Тошкент давлат аграр университети, DSc.05/30.12.2019.Qx.13.01.
Ўзбекистон Республикаси Интеллектуал мулк агентлигининг ихтирога патенти олинган: Қулупнайнинг “Тонг ифори” нави (NAP 00281). Ўзбекистон Республикаси Адлия вазирлиги ҳузуридаги Ўзбекистон Республикаси Интеллектуал мулк агентлигининг 2020 йил 17 ноябрдаги 01-11/1860-сон хулосаси.
II. Тадқиқотнинг мақсади: Қулупнайнинг иссиқхоналарда кузги-қишки ва қишки-баҳорги муддатларда етиштириш учун мос, мева сифати яхши, юқори ҳосилдор, йирик мевали, транспортбоп ва экспорт учун мос янги навларини яратиш ҳамда ишлаб чиқаришга жорий этишдан иборат.
III. Тадқиқотнинг илмий янгилиги: 
илк бор қулупнайнинг 11 та чет эл нав намуналари ва маҳаллий навлари иссиқхона шароитида комплекс қимматли хўжалик белгилари аниқланган ва маълумотлар базаси яратилган;
илк бор қулупнайнинг чет эл гермоплазмаси ва маҳаллий нав намуналарини иссиқхона шароитида селекция учун қимматли комплекс хўжалик белги ва хусусиятларга эга бирламчи манбалар ажратилган;
истиқболли клонлардан дурагай комбинациялар олинган; 
дурагай комбинациялардан якка танлаш асосида мева сифати яхши, юқори ҳосилдор, меваси йирик, транспортбоп ва экспортбоп “Тонг ифори” нави яратилган.
IV. Тадқиқот натижаларининг жорий қилиниши.
Иссиқхоналарда етиштиришга мос қулупнай нав намуналарини ўрганиш ва йирик мевали, экспортбоп навларини яратиш бўйича олиб борилган тадқиқот натижалари асосида:
қулупнайнинг мева сифати яхши, юқори ҳосилдор, меваси йирик, транспортбоп ва экспортбоп “Тонг ифори” нави яратилган ҳамда Ўзбекистон Республикаси Адлия Вазирлиги хузуридаги Интеллектуал мулк агентлигининг селекция ютуғига патенти (NAP 00281) олинган (Қишлоқ хўжалиги вазирлигининг 2020 йил 25 ноябрдаги 02/029-3996 - сон маълумотномаси). Натижада ушбу қулупнай навидан экиб келаётган бошқа андоза навларга нисбатан юқори ва сифатли ҳосил олишга эришилган;
қулупнайнинг “Тонг ифори” нави Тошкент вилояти Зангиота туманида 2020 йилда “Нигора Бахт Агро” масъулияти чекланган жамиятида 0,35 гектар майдонга, “Адхам Агро экспорт” маъсулияти чекланган жамиятида 0,50 гектар майдонга жорий этилган (Қишлоқ хўжалиги вазирлигининг 2020 йил 25 ноябрдаги 02/029-3996-сон маълумотномаси). Натижада иқтисодий самарадорлик гектарига ўртача 562,2 млн сўмни ва рентабеллик даражаси 574,8 % ни ташкил этган. 
қулупнайнинг яратилган “Тонг ифори” навини иссиқхоналарда етиштириш агротехникаси бўйича тавсияномалар тасдиқланган (Қишлоқ хўжалиги вазирлигининг 2020 йил 25 ноябрдаги 02/029-3996-сон маълумотномаси). Ушбу тавсияномадан иссиқхона хўжаликларидаги кенг фойдаланилмоқда.