Эшматов Ғайрат Хуррам ўғлининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Қоракўл қўйлар серпуштлигига Ferula assafoetida ўсимлигининг таъсири», 16.00.04-Ветеринария фармакологияси ва токсикологияси. Ветеринария санитарияси, экологияси, зоогигиенаси ва ветеринар-санитария экспертизаси (ветеринария фанлари).
Диссертация мавзуси рўйхатга олинган рақам: В2020.2.PhD/V42.
Илмий раҳбар: Ниёзов Хаким Бакоевич, ветеринария фанлари доктори, доцент.
Диссертация бажарилган муассаса номи: Самарқанд ветеринария медицинаси институти. 
ИК фаолият кўрсатаётган муассаса номи, ИК рақами: Самарқанд ветеринария медицинаси институти, DSc.06/30.12.2019.V.12.01. 
Расмий оппонентлар: Салимов Юнус, ветеринария фанлари доктори, доцент; Юлдашов Соатбой Жиянбоевич, тиббиёт фанлари номзоди, доцент.
Етакчи ташкилот: Ветеринария илмий-тадқиқот институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади Ўзбекистоннинг Қизилқум ҳудудида ўсувчи Ferula assafoetida ўсимлигининг қоракўл қўйлар серпуштлигига таъсир этувчи миқдор ва меъёрларини аниқлашдан иборат. 
III. Тадқиқотнинг илмий янгилиги:
илк бор республикамизнинг чўл худудларида ўсадиган Ferula assafoetida ўсимлиги илдизи ширасидан тайёрланган спиртли экстрактнинг каламушларга эстроген таъсири аниқланган; 
қуёнлар омихта емига 5% Ferula assafoetida ўсимлиги донидан қўшиб берилганда чатиштириш натижасида олинган қуён болаларининг маҳсулдорлик кўрсаткичларига таъсири 10% қўшиб берилгандагига нисбатан юқори бўлиши тажрибаларда исботланган;
Ferula assafoetida ўсимлиги донидан қоракўл қўйларнинг омихта емига 50 граммдан қўшиб берилганда қоракўл қўйлар қонининг морфологик, биокимёвий ва иммунологик кўрсаткичлари ҳамда қоракўл қўчқорлари уруғ ҳужайрасининг сифат ва миқдор кўрсаткичларига салбий таъсир этмаслиги аниқланган;
Ferula assafoetida ўсимлиги донидан қоракўл қўйлар ва қўчқорлар рационига 50 граммдан қўшиб бериш натижасида, уларни ўзаро чатиштириш орқали олинган қўзилар сонига ҳамда уларнинг маҳсулдорлигига ижобий таъсири аниқланган; 
Ferula assafoetida ўсимлиги донининг қоракўл қўйлар ва қўчқорлар серпуштлигига ижобий таъсир этувчи меъёр ва миқдорлари ишлаб чиқилган.
IV. Тадқиқот натижаларининг жорий қилиниши.
Ferula assafoetida ўсимлигининг қоракўл қўйлар серпуштлигига таъсири бўйича олиб борилган тадқиқот натижалари асосида:
Ferula assafoetida ўсимлиги донининг қоракўл қўйлар ва қўчқорлар серпуштлигига ижобий таъсир этувчи меъёр ва миқдорлари аниқланиб, унинг салбий таъсирининг олдини олиш чора-тадбирлари Бухоро вилояти Қоравулбозор, Ғиждувон ва Жондор туманларининг қоракўлчилик хўжаликларида жорий қилинган (Ветеринария ва чорвачиликни ривожлантириш давлат қўмитасининг 2020 йил 18 августдаги 02/23-281-сон маълумотномаси). Натижада қоракўл қўйлар серпуштилигига Ferula assafoetida ўсимлиги донининг салбий таъсири камайтирилиб, маҳсулдорликнинг пасайиши ва қўзиларнинг нобуд бўлишининг олдини олишга эришилган;
«Қоракўл қўйлар серпуштилигига Ferula assafoetida ўсимлигининг таъсири ва унинг олдини олиш бўйича тавсиянома» тасдиқланиб, Бухоро ва Навоий вилоятлари қоракўлчилик хўжаликларида қоракўл қўйлари ва қўчқорлари серпуштлигига Ferula assafoetida ўсимлиги донининг ижобий таъсир этувчи меъёр ва миқдорлари аниқланиб жорий этилган (Ветеринария ва чорвачиликни ривожлантириш давлат қўмитасининг 2020 йил 18 августдаги 02/23-281-сон маълумотномаси). Натижада қоракўлчилик хўжаликларида қоракўл қўйлари ва қўчқорлари серпуштлигига Ferula assafoetida ўсимлиги донининг салбий таъсирининг олдини олиш имконияти яратилган;
Ferula assafoetida ўсимлиги донининг қоракўл қўйлари ва қўчқорлари серпуштлигига ижобий таъсир этувчи меъёр ва миқдорлари бўйича ишлаб чиқилган комплекс усуллар Бухоро вилояти Қоравулбозор, Ғиждувон ва Жондор туманлари қоракўлчилик хўжаликларида жорий этилган (Республика «Қоракўлчилик» уюшмасининг 2020 йил 23 июлдаги 39/01-96-сон маълумотномаси).