Утениязов Пулат Айтбаевичнинг
фалсафа доктори (РhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Органик ўғитларни полиз экинлари экиладиган майдонларга локал соладиган қурилманинг параметрларини асослаш», 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: B2017.2.PhD/T220.
Илмий раҳбар: Хаджиев Абдумуталиб, техника фанлари доктори, профессор, академик.
Диссертация бажарилган муассаса номи: Қишлоқ хўжалигини механизациялаш илмий-тадқиқот институти.
ИК фаолият кўрсатаётган муассаса номи, ИК рақами: Қишлоқ хўжалигини механизациялаш илмий-тадқиқот институти, PhD.05/13.05.2020.T.112.01.
Расмий оппонентлар: Худаяров Бердирасул Мирзаевич, техника фанлари доктори, профессор; Имомқулов Қутбиддин Боқижонович, техника фанлари доктори, катта илмий ходим. 
Етакчи ташкилот: “BMKB-Agromash” АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади полиз маҳсулотлари етиштириладиган майдонларда бир ўтишда органик ўғит солинадиган эгатларни очиш, шу эгатларга ўғитни меъёрлаб локал усулда солиш ва устидан кўмиш билан бирга суғориш эгатини очиб, экиш пушталарини тайёрлаб кетадиган қурилмани ишлаб чиқиш ва унинг параметрларини асослашдан иборат.
III. Тадқиқотнинг илмий янгилиги:
даладан бир ўтишда эгатлар очиб, уларга органик ўғитни меъёрлаб локал усулда солиб, устини тупроқ билан кўмиш жараёнида суғориш эгатини очиб, экиш пушталарини ҳосил қиладиган қурилманинг технологик иш жараёни ва конструкцияси ишлаб чиқилган;
ишлаб чиқилган қурилма ишчи қисмлари параметрларининг ўзгариш чегаралари уларнинг органик ўғит билан ўзаро таъсирлашиш жараёнларини ифодаловчи математик моделлар ва аналитик ифодалар асосида аниқланган;
қурилма таркибий қисмлари ўзаро жойлашиш параметрларининг рационал қийматлари тупроқнинг деформацияланиши ва ўғитнинг жойлашиш ўрнини ҳисобга олган ҳолда аниқланган;
қурилманинг ўғитни меъёрловчи қисмининг иш режими ва параметрларининг мақбул қийматлари унинг иш сифатини белгиловчи регрессия тенгламаларини ечиш орқали аниқланган.
IV. Тадқиқот натижаларининг жорий қилиниши: 
Полиз маҳсулотлари етиштириладиган майдонларга органик ўғитни локал усулда солиб, суғориш эгати ва экиш пушталарини тайёрлаб кетадиган қурилмани ишлаб чиқиш ва параметрларини асослаш бўйича олинган натижалар асосида:
бир ўтишда органик ўғитни локал усулда солиб, суғориш эгати ва экиш пушталарини тайёрлаб кетадиган қурилмага дастлабки талаблар ва техник топшириқ ишлаб чиқилган ҳамда Интеллектуал мулк агентлигининг фойдали моделга патенти олинган («Органик ўғитларни солиш қурилмаси», № FAP 01361, 2019 й). Натижада, органик ўғитларни полиз экинлари экиладиган майдонларга локал соладиган қурилманинг конструкциясини ишлаб чиқиш имкони яратилган;
бир ўтишда органик ўғитни локал усулда солиб, суғориш эгати ва экиш пушталарини тайёрлаб кетадиган қурилма Тошкент вилоятининг Янгийўл ва Қуйичирчик туманлари фермер хўжаликларида жорий этилган (Қишлоқ хўжалиги вазирлигининг 2020 йил 25 июндаги 02/023-1874-сон маълумотномаси). Натижада, органик ўғит сарфи (сочма усулга нисбатан) 4 баробарга, ёнилғи сарфи 31,7% га, умумий харажатлар 55,3% га камайган;
бир ўтишда органик ўғитни локал усулда солиб, суғориш эгати ва экиш пушталарини тайёрлаб кетадиган қурилманинг лойиҳа-конструкторлик ҳужжатлари «BMKB-Agromash» АЖда лойиҳалаш жараёнига жорий этилган (Қишлоқ хўжалиги вазирлигининг 2020 йил 25 июндаги 02/023-1874-сон маълумотномаси). Натижада, ўғитлагич қурилмани ишлаб чиқариш имкони яратилган.