Жўраев Шохруҳ Тўлқиновичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Эскирган шиналардан углерод сақлаган материаллар олиш технологиясини яратиш ва уни резинотехник буюмлар ишлаб чиқаришда қўлланилиши», 02.00.14 – Органик моддалар ва улар асосидаги материаллар технологияси, 02.00.07 – Композицион, лок-бўёқ ва резина материаллари кимёси ва технологияси (техника фанлари). 
Диссертация мавзуси рўйхатга олинган рақам: В2020.4.PhD/Т981. 
Илмий раҳбарлар: Мухиддинов Баходир Фахриддинович, кимё фанлари доктори, профессор; Ибадуллаев Ахмаджон Сабиржанович, техника фанлари доктори, профессор.
Диссертация бажарилган муассаса номи: Навоий давлат кончилик институти. 
ИК фаолият кўрсатаётган муассаса номи, ИК рақами: Тошкент кимё-технология институти ҳузуридаги DSc.03/30.12.2019.Т.04.01 рақамли илмий кенгаш асосидаги бир марталик илмий кенгаш.
Расмий оппонентлар: Қодиров Тўлқин Жумаевич, техника фанлари доктори, профессор; Вапаев Муроджон Дусумматович, техника фанлари бўйича фалсафа доктори (PhD).
Етакчи ташкилот: Бухоро муҳандислик-технология институти.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: иккиламчи резина-техника буюмлари ва шиналардан углеродли материаллар ва у асосида ҳар хил шароитларда ишлатилувчи юқори молекулали бирикмали композициялар олиш технологияларини ишлаб чиқишдан иборат.
III. Тадқиқотнинг илмий янгилиги:
иккиламчи резина-техника буюмларини ва шиналарни қайта ишлашнинг илмий асосланган технологияси ишлаб чиқилган;
қайта ишлаш жараёнида олинган органик маҳсулотларнинг физик-кимёвий хоссалари ва ишлатилиш соҳаси аниқланган;
олинган кукунсимон углеродли органик материални қўшиб ҳар хил шароитларда ишлатилувчи юқори молекулали бирикмалар асосидаги композицион материаллар таркиби ишлаб чиқилган;
олинган органик материални юқори молекулали бирикмалар асосида олинган композицияни вулканланиш кинетикасига таъсири асосланган;
олинган органик материални юқори молекулали бирикмалар асосида олинган композицияни пласто-эластик, реологик ва технологик хоссаларига таъсири асосланган;
олинган органик материални юқори молекулали бирикмалар асосида олинган композицияни физик-механик, динамик ва эксплуатацион хоссаларига таъсири аниқланган;
кукунсимон углеродли органик материални қўшиб юқори  молекулали бирикмалар асосида олинган композициялардан ҳар хил шароитларда ишлатилувчи қолипланувчи ва қолипланмайдиган резина-техника-текстил буюмлари олиш технологиялари ишлаб чиқилган.
IV. Тадқиқот натижаларининг жорий қилиниши.
Иккиламчи резина-техника буюмлари, шина ва резина саноати чиқиндиларини қайта ишлаш асосида олинган углеродли материални қўллаб композицион материаллар олиш технологиясини яратиш бўйича олинган илмий натижалар асосида:
иккиламчи резина-техника буюмлари, шина ва резина саноати чиқиндиларини қайта ишлаш технологияси «Навоий кон-металлургия комбинати» ДKнинг резинатехника буюмлари ишлаб чиқариш цехида амалиётга жорий этилган «Навоий кон-металлургия комбинати» ДKнинг 2020 йил 5 мартдаги 02-06-04/38-67-сон маълумотномаси). Натижада, «НKМK» ДKнинг машиналаридан чиқувчи эскирган резина-техника буюмлари ва шиналарни 100% қайта ишлаш имконини берган;
иккиламчи резина-техника буюмлари, шина ва резина саноати чиқиндиларини қайта ишлаш асосида олинган углеродли материални органик тўлдиргич сифатида қўллаш асосида ҳар хил шароитларда ишлатилувчи қолипланувчи ва қолипланмайдиган резина-техника-текстил буюмлари олиш технологиялари «Навоий кон-металлургия комбинати» ДKнинг резинатехника буюмлари ишлаб чиқариш цехида амалиётга жорий этилган («Навоий кон-металлургия комбинати» ДKнинг 2020 йил 5 мартдаги 02-06-04/38-67-сон маълумотномаси). Натижада, хориждан олиб келинаётган техуглерод П803 тўлдиргични 100 % алмаштириш ва композиция таннархини 32 % га камайтириш имконини берган.