Шойимов Шоҳруҳ Шуҳратовичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Чармни тўлдириш учун чарм чиқиндиларидан олинадиган янги оқсил сақловчи полимерларнинг технологияси”, 05.06.03 – Тери, мўйна, пойабзал ва тери-галантерея буюмлари технологияси(техника фанлари).
Диссертация мавзуси рўйхатга олинган рақам: В2018.2.PhD/T806.
Илмий раҳбар:Қодиров Тўлқин Жумаевич, техника фaнлapи дoктopи, пpoфeссop.
Диссертация бажарилган муассаса номи: Бухоро муҳандислик–технология институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти,DSc.03/30.12.2019.Т.08.01.
Расмий оппонентлар: Примқулов Махмуд Темурович техника фанлари доктори, профессор;Мирзаев Нодир Баходирович, техника фанлари номзоди, доцент.
Етакчи ташкилот: Наманган муҳандислик-технология институти.
Диссертация йўналиши: амалий аҳамиятга молик.
II. Тадқиқотнинг мақсади чарм корхоналари чиқиндиларидан гидролиз услуби билан оқсил ажратиб олиш, модификация қилиш ва уларни хром чармларни тўлдириш технологиясида қўллашдан иборат.
III. Тадқиқотнинг илмий янгилиги:
табиий чармларни физик–механик хоссаларини яхшиловчи модификацияланган, пластификацияланган тўлдирувчи оқсил-полимерли композиция яратилган; 
хром бирикмаларининг эрувчанлиги ва деградация даражасининг юқори бўлиши ишқорли композиция концентрациясига бевосита боғлиқлиги асосланган; 
дастлабки аралашмада акрил кислотаси миқдорининг ортиши билан коллаген сополимери унинг занжирлари билан тўйиниши натижасида, графт сополимери ҳамда азеотропнинг ҳосил бўлиши исботланган; 
натив, модификацияланган ва пластификацияланган намуналари пленкаларини деструкциясининг ортиши структур элементлари орасида молекулалараро ўзаро таъсирлашувидан иборатлиги аниқланган.
IV. Тадқиқот натижаларининг жорий қилиниши. 
Чарм чиқиндиларини қайта ишлаш бўйича олинган илмий натижалар асосида, оқсил-полимерли композиция олиш ва уни пойабзалнинг устки қисми учун чармларни тўлдириш технологиясида қўллашасосида:
оқсилли-полимер композицияси иштирокида чармларни тўлдириш технологияси «Ўзчармсаноат” уюшмаси таркибидаги корхоналарида, жумладан “OSIYO-CHARM-FAYZ” МЧЖ корхонасида жорий этилган (“Ўзчармсаноат” ассоциациясининг 2020 йил 9 июндагиФБ-9/1311-сонмаълумотномаси). Натижада, ишлаб чиқариш шароитларида пойабзалнинг устки қисми учун мўлжалланган чармларни тўлдириш учун маҳаллий хомашёдан оқсил-полимерли композиция иштирокида чармларга ишлов бериш имконияти яратилган; 
чармларни оқсил-полимерли композиция билан тўлдириш технологияси «Ўзчармсаноат” уюшмаси таркибидаги корхоналарда, жумладан “ULKAN-LAZIZ” МЧЖда жорий этилган (“Ўзчармсаноат” ассоциациясининг 2020 йил 9 июндаги ФБ-9/1311-сон маълумотномаси). Натижада, пойабзалнинг устки қисми учун йирик шохли мол тери хом-ашёсидан қора рангли табиий юзали чармлар тайёрланиб, мустаҳкамлик чегараси 11,3 % юқори бўлган маҳсулот олишга эришилган.