Пулотов Фахридин Сайфидиновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Қорамолларнинг бовиколёзи (Bovicolosis, эпизоотологияси, терапия)», 03.00.06 – Зоология (ветеринария фанлари).
Диссертация мавзуси рўйхатга олинган рақам: В2017.3.(PhD)/V12.
Илмий раҳбар: Рўзимуродов Аҳрор Рўзимуродович, ветеринария фанлари доктори, профессор.
Диссертация бажарилган муассаса номи: Ветеринария илмий-тадқиқот институти. 
ИК фаолият кўрсатаётган муассаса (муассасалар) номи, ИК рақами: Самарқанд ветеринария медицинаси институти, DSc.06/30.12.2019.V.12.01. 
Расмий оппонентлар: Даминов Асадулло Сувонович, ветеринария фанлари доктори, профессор; Ғафуров Актам Ғафурович, ветеринария фанлари доктори, профессор.
Етакчи ташкилот: Ўзбекистон Республикаси Ветеринария ва чорвачиликни ривожлантириш давлат қўмитаси.
Диссертация йўналиши: назарий ва амалий аҳамиятга молик.
II. Тадқиқотнинг мақсади Қорамолларда бовиколёзнинг эпизоотологиясини ўрганиш, уларни даволаш ва олдини олишда замонавий усулларни ишлаб чиқиш ҳамда амалиётга тадбиқ этишдан иборат. 
III. Тадқиқотнинг илмий янгилиги:
республикамиз тоғ олди чорвачилик хўжаликларидаги қорамолларда илк маротаба бовиколёзнинг эпизоотологик ҳолати аниқланган;
пиретроид (арриво, нурел-Д, эктомин, суми-альфа, перметрин-10 ва циперметрин) препаратларни қорамолларнинг бовиколёзига қарши терапевтик самараси аниқланган ҳамда илк бор маҳаллий препаратлар синаб кўрилиб, тавсия этилган;
қорамолларнинг бовиколёзига қарши ўтказилган даволаш-профилактика чора-тадбирларининг иқтисодий самарадорлиги аниқланган;
қорамол бовиколёзига қарши замонавий даволаш-профилактика чора-тадбирлари ишлаб чиқилган ва амалиётга жорий этилган.
IV. Тадқиқот натижаларининг жорий қилиниши.
Қорамолларнинг бовиколёзи (Bovicolosis, эпизоотологияси, терапия) бўйича олиб борилган тадқиқот натижалари асосида:
«Шохли молларнинг маллофагоз ва сифункулятозларига қарши арриво, эктомин, «Д.ФОС+П» инсектицидларини қўллаш» (1999), «Перметрин-10 пиретроидини чорвачиликда экто- ва эндопаразитларга қарши курашда қўлланилиши» (2007), «Циперметриннинг 25 фоизли концентрат эмульсиясини чорвачиликда экто- ва эндопаразитларга қарши курашда қўлланилиши» (2008), «Маҳаллий циперметриннинг паразитоз ва табиий ўчоқли касалликларга қарши курашда қўлланилиши» (2010), «Маҳаллий суми-альфа инсектоакарицидининг чорвачиликда экто- ва эндопаразитларга ҳамда хавфли трансмиссив касалликларнинг “вектор” тарқатувчиларига қарши курашда қўлланилиши» (2015) бўйича тавсияномалар, «Йирик ва майда шохли ҳайвонлар, от ва туялар эктопаразитларига қарши курашиш тўғрисида» (2016) йўриқнома тасдиқланиб, Самарқанд вилоятининг Пастдарғом ва Самарқанд туманлари чорвачилик хўжаликларида қорамолларнинг бовиколёзига қарши арривонинг - 0,02, эктоминнинг - 0,1, нурел-Д нинг - 0,035, суми-альфанинг - 0,03, перметриннинг - 0,05 ва циперметриннинг - 0,025 фоизли сувли эмульсиялари жорий этилган (Ветеринария ва чорвачиликни ривожлантириш давлат қўмитасининг 2020 йил 16 сентябрдаги 02/23-312-сон маълумотномаси). Натижада, қорамолларда бовиколёзни даволаш ва олдини олишга ҳамда сарфланган 1 сўм харажатга 14,4 сўм иқтисодий самара олишга эришилган;
«Маҳаллий циперметрин ва перметрин-10 препаратларининг чорвачиликда паразитоз касалликларга қарши курашда қўлланилиши» бўйича Ўзбекистон муаллифлик ҳуқуқини ҳимоя қилиш республика Агентлиги томонидан муаллифлик гувоҳномаси (2007) ва «Пиретроидлар. Табиий ўчоқли трансмиссив касалликлар мухофазаси» номли монография (2017) чоп этилган. Ушбу ишлаб чиқилган илмий ечимлар асосида илк бор маҳаллий перметриннинг - 0,06 ва циперметриннинг 0,05 фоизли кукунли инсектицид шакллари қорамолларни бовиколёзига қарши Самарқанд, Хоразм, Сурхондарё вилоятларининг чорвачилик хўжаликларида, деҳқон-фермер ва шахсий ёрдамчи хўжаликларида жорий этилган (Ветеринария ва чорвачиликни ривожлантириш давлат қўмитасининг 2020 йил 16 сентябрдаги 02/23-312-сон маълумотномаси). Ушбу чора-тадбирларни қўллаш ҳисобига қорамолларда бовиколёзни олдини олиш имконияти яратилган.