Исламов Ғулом Пайзуллаевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Самарқанд вилояти ҳудудларида қорамол пироплазмидозларининг эпизоотологик ҳолати ва унга қарши курашнинг замонавий чора-тадбирларини ишлаб чиқиш», 03.00.06 – Зоология (ветеринария фанлари).
Диссертация мавзуси рўйхатга олинган рақам: В2017.3.(PhD)/V15.
Илмий раҳбар: Давлатов Равшан Бердиевич, ветеринария фанлари доктори, профессор.
Диссертация бажарилган муассаса номи: Самарқанд ветеринария медицинаси институти. 
ИК фаолият кўрсатаётган муассаса (муассасалар) номи, ИК рақами: Самарқанд ветеринария медицинаси институти, DSc.06/30.12.2019.V.12.01. 
Расмий оппонентлар: Юлдашев Нурбек Эргашевич, ветеринария фанлари доктори; Қўлдошев Отамурод Ўразович, ветеринария фанлари номзоди.
Етакчи ташкилот: Ўзбекистон Республикаси Ветеринария ва чорвачиликни ривожлантириш давлат қўмитаси.
Диссертация йўналиши: назарий ва амалий аҳамиятга молик.
II. Тадқиқотнинг мақсади Самарқанд вилоятининг турли ҳудудларида қорамолларнинг пироплазмидозларини эпизоотологиясини ўрганиш, тейлериоз, пироплазмоз, бабезиозни даволаш ва профилактика қилишнинг самарали усулларини ишлаб чиқиш ва амалиётга жорий этишдан иборат. 
III. Тадқиқотнинг илмий янгилиги:
Самарқанд вилоятининг турли ҳудудларида пироплазмидозларнинг эпизоотологик ҳолати, мавсумий динамикаси ва касаллик қўзғатувчи паразитларнинг патогенлик хусусиятлари ҳамда касаллик тарқатувчи каналарнинг фаунаси аниқланган; 
тажрибаларда маҳаллий “Имисан” препаратининг пироплазмоз ва бабезиозни даволашдаги самарадорлиги тажрибаларда исботланган;
тажрибаларда маҳаллий “Бупорвалек” препаратининг тейлериозни даволашдаги самарадорлиги аниқланган ҳамда ветеринария амалиётига жорий қилинган; 
қорамолларда тейлериоз, пироплазмоз ва бабезиозни профилактика қилишда “Имисан” препаратининг самарадорлиги юқори эканлиги тажрибаларда исботланган ва амалиётга жорий қилинган.
IV. Тадқиқот натижаларининг жорий қилиниши.
Самарқанд вилояти ҳудудларида қорамол пироплазмидозларининг эпизоотологик ҳолати ва унга қарши курашнинг замонавий чора-тадбирларини ишлаб чиқиш бўйича олиб борилган илмий-тадқиқотлар натижалари асосида:
«Қорамолларнинг қон-паразитар касалликларига қарши курашиш тўғрисида қўлланма» номли қўлланма ишлаб чиқилган ва амалиётга жорий этилган (Ветеринария ва чорвачиликни ривожлантириш давлат қўмитасининг 2020 йил 21 июлдаги 02/23-277-сон маълумотномаси). Натижада қорамолларнинг пироплазмидозлар билан зарарланишининг олдини олиш имконияти яратилган;
«Қорамоллар қон-паразитар касалликларига қарши даволаш-профилактика чора-тадбирларининг замонавий услуб ва воситаларини қўллаш бўйича тавсиянома» ишлаб чиқилиб, амалиётга жорий қилинган (Ветеринария ва чорвачиликни ривожлантириш давлат қўмитасининг 2020 йил 21 июлдаги 02/23-277-сон маълумотномаси). Ушбу тавсияларни қўллаш натижасида қорамолларнинг пироплазмидозлар билан зарарланиши 94-95 фоизга камайишига эришилган;
Самарқанд вилояти ҳудудларида қорамоллар пироплазмидозларини профилактика қилишда имисан препаратини ҳар 15 кунда бир  марта  қорамолнинг 100 кг тирик вазнига 3 мл дан тери остига қўллаш тавсия этилган (Ветеринария ва чорвачиликни ривожлантириш давлат қўмитасининг 2020 йил 21 июлдаги 02/23-277-сон маълумотномаси). Натижада қорамоллар пироплазмидоз касалликларига қарши имисан препаратини қўллашнинг иқтисодий самарадорлиги юқори бўлиб, харажатлар қоплами 5,4 сўмни ташкил этган.