Худоёров Сардор Саъдуллаевичнинг
фалсафа доктори (РhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Углеродли ва легирланган пўлатларни механизациялашган пайвандлаш учун маҳаллий хомашёлар асосида эритиб тайёрланадиган флюсларни ишлаб чиқариш технологиясини ва таркибини такомиллаштириш», 05.02.01 – Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси. Камёб, нодир ва радиоактив элементлар технологияси (қуймачилик ва металларга ишлов бериш йўналиши).
Диссертация мавзуси рўйхатга олинган рақам: В2019.4.PhD/T1431.
Илмий раҳбар: Дуняшин Николай Сергеевич, техника фанлари доктори, профессор.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса номи, ИК рақами: Тошкент давлат техника университети, DSc.03/30.12.2019.T.03.04.
Расмий оппонентлар: Норхуджаев Файзулла Рамазанович, техника фанлари доктори, профессор; Худояров Сулейман Рашидович, техника фанлари номзоди, доцент.
Етакчи ташкилот: Андижон машинасозлик институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади Ўзбекистон Республикаси минерал хомашё базасида пайванд чокнинг қуйма металини яхшилаш мақсадида, механизацияланган ёйли пайвандлаш учун эритиб тайёрланадиган флюсларнинг шлак асосини ишлаб чиқишдан иборат.
III. Тадқиқотнинг илмий янгилиги:
эритиб тайёрланган флюсларнинг таркибидаги оксидсизлантирувчилар миқдорини оптималлаштириш ҳисобига автоматик ёйли пайвандлашда чок қуйма металлининг шаклланиши жараёнининг математик модели ишлаб чиқилган;
маҳаллий минерал хом ашё базасида СаО-MnO-SiO2 уч томонли эрувчанлик диаграммаси асосида танланган ҳамда эритиб тайёрланадиган флюснинг ишлаб чиқилган шлак асоси такомиллаштирилган;
автоматик ёйли пайвандлаш учун эритиб тайёрланадиган флюсни ишлаб чиқаришнинг такомиллаштирилган технологияси ишлаб чиқилган;
кам углеродли ва кам легирланган пўлатларни механизацияланган ёйли пайвандлашда қўлланиладиган, пайвандлаш материалларининг потенциал компонентлари бўлган каолин, доломит, кварц қумларининг кимёвий таркибини ўрганиш асосида эритиб тайёрланган флюслар таркиби ишлаб чиқилган;  
автоматик ёйли пайвандлаш учун эритиб тайёрланадиган флюсларнинг шихта компонентларини классификацион схемаси ишлаб чиқилган.
IV. Тадқиқот натижаларининг жорий қилиниши:
Пайванд чоклар характеристикасини ошириш мақсадида маҳаллий хомашёлардан фойдаланиб эритиб тайёрланадиган флюсларни тадқиқ қилиш ва ишлаб чиқиш бўйича олинган натижалар асосида:
эритиб тайёрланган флюсларнинг таркибидаги оксидсизлантирувчилар миқдорини оптималлаштириш ҳисобига автоматик ёйли пайвандлашда чок қуйма металининг шаклланиши жараёнига ишлаб чиқилган математик модели МЧЖ ҚК “Тошкент труба заводи” корхонасида жорий этилган («Ўзмонтажмахсус қурилиш» АЖнинг 2020 йил 16 июндаги 01-195/-01-01-сон маълумотномаси). Натижада, пайванд чокнинг қуйма металида кислород миқдорини 8-10%га камайтиришга эришилган;  
маҳаллий минерал хомашё базасида СаО-MnO-SiO2 уч томонли эрувчанлик диаграммаси асосида танланган, эритиб тайёрланадиган флюснинг ишлаб чиқилган шлак асоси МЧЖ ҚК “Тошкент труба заводи” корхонасида жорий этилган («Ўзмонтажмахсус қурилиш» АЖнинг 2020 йил 16 июндаги 01-195/-01-01-сон маълумотномаси). Натижада, пайванд бирикмаларнинг мустаҳкамлик хусусиятларининг 10-12% га ошишига эришилган; 
автоматик ёйли пайвандлаш учун эритиб тайёрланадиган флюсни ишлаб чиқаришнинг такомиллаштирилган технологияси МЧЖ ҚК “Тошкент труба заводи” корхонасида жорий этилган («Ўзмонтажмахсус қурилиш» АЖнинг 2020 йил 16 июндаги 01-195/-01-01-сон маълумотномаси). Натижада, пайванд чокнинг қуйма металида водород миқдорининг 14-16% га камайишига эришилган.