Raxmatov Erkin Abdixafizovichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i): «Mahalliy organomineral komponentlar asosida texnologik jihozlar uchun polifunksional qoplamalar xossalari va texnologiyasi»,  05.02.01 – Mashinasozlikda materialshunoslik. Quymachilik. Metallarga termik va bosim ostida ishlov berish. Qora, rangli va noyob metallar metallurgiyasi. Kamyob, nodir va radioaktiv elementlar texnologiyasi; 02.00.14 – Organik moddalar va ular asosidagi materiallar texnologiyasi (texnika fanlari).
Dissertatsiya mavzusi ro‘yxatga olingan raqam: B2019.4.PhD/T911.
Ilmiy rahbarlar: Ziyamuxamedova Umida Alijonovna. texnika fanlari doktori, 
professor; Bozorov Otabek Nashvandovich. texnika fanlari nomzodi, dotsent.
Dissertatsiya bajarilgan muassasa nomi: Qarshi muhandislik iqtisodiyot instituti. 
IK faoliyat ko‘rsatayotgan muassasa nomi: Toshkent davlat transport universiteti huzuridagi DSc.15/27.02.2020.T.73.02 raqamli Ilmiy kengash asosidagi bir martalik ilmiy kengash.
Rasmiy opponentlar:     Riskulov Alimjan, texnika fanlari doktori, professor; Raxmanberdiev Gappar,  texnika fanlari doktori, professor.
Yetakchi tashkilot: Buxoro muhandislik texnologiya instituti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi neft` va neft`-gaz mahsulotlarini yig‘ish, tashish va saqlash jihozlarining ekspluatatsion ishonchliligini mahalliy xomashyo va resurslar asosida modifikatsiyalangan organomineral materiallar va ulardan polifunksional geterokompozit polimer qoplamalarni olish va maqsadli qo‘llash texnologiyalarini yaratishdan iborat.
III. Tadqiqotning ilmiy yangiligi:
neft` va neft`-gaz mahsulotlarini yig‘ish, saqlash va eltishda jihozlarning ekspluatatsion ishonchliligini yaxshilashda va ularni mahalliy xomashyolar asosidagi samarali organomineral materiallar va polifunksionaya qoplamalar bilan qoplashga asoslangan aktivatsion-geliotexnologiya usuli yaratilgan;
minerallarni mexanik faollashtirib modifikatsiyalashda fizik-kimyoviy hodisalar, musbat va manfiy zaryadlangan zarrachalarni hosil bo‘lishi va ularni bog‘lovichi-to‘ldiruvchi fazalararo xossalariga ta’siri aniqlangan;
yaratilgan kompozisiyaning texnologik, eyilishga bardoshli va korroziyaga bardoshli xossalari aniqlangan;
organomineral materiallar tarkibi, ulardan jihoz sirtlarida korroziya va eyilishdan himoyalovchi polifunksional qoplamalar olish rejimlari ishlab chiqilgan.
IV. Tadqiqot natijalarining joriy qilinishi:
Mahalliy organomineral komponentlar asosida texnologik jihozlar uchun polifunksional qoplamalar xossalari va texnologiyasini ishlab chiqish bo‘yicha olingan natijalar asosida:
yaratilgan organomineral materiallar va ular asosidagi korroziyagabardosh polifunksional qoplamalarni «GISSARNEFTEGAZ» OAJ QKsida  texnologik jihozi-gaz kondensatini yig‘ish rezervuarlari ichki sirtiga joriy etilgan («O’ZBEKNEFTEGAZ» AJning 2020 yil 30 oktyabrdagi 05-17-5/113-son ma’lumotnomasi). Natijada, korxona texnologik jihozining ekspluatatsion ish muddati korroziyadan saqlash hisobiga 35% oshirish imkonini bergan;
olingan organomineral materiallar asosidagi eyilishga bardoshli qoplamalar «GISSARNEFTEGAZ» OAJ QKsining neftni yig‘ish rezervuarlari ichki sirtiga joriy etilgan («O’ZBEKNEFTEGAZ» AJning 2020 yil 30 oktyabrdagi 05-17-5/113-son ma’lumotnomasi). Natijada, korxona texnologik jihozining ish unumdorligi 25% ga oshirish imkonini bergan.