Ботиров Бурхон Бобир ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Сопол чиқиндилари асосида портландцемент клинкери ва композицион боғловчиларнинг самарадор таркиблари ва технологиясини ишлаб чиқиш», 02.00.07 – Композицион, лок-бўёқ ва резина материаллари кимёси ва технологияси (техника фанлари).
Диссертация мавзуси рўйхатга олинган рақам: В2020.4.PhD/Т1705. 
Илмий раҳбар: Бегжанова Гулрух Бахтияровна, техника фанлари доктори, катта илмий ходим.
Диссертация бажарилган муассаса номи: Умумий ва ноорганик кимё институти.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДУК, DSc.03/30.12.2019.K/T.03.01.
Расмий оппонентлар: Эминов Ашраф Мамурович, техника фанлари доктори, профессор; Юнусов Миржалил Юсупович, техника фанлари доктори, профессор.
Етакчи ташкилот: Тошкент архитектура-қурилиш институти.
Диссертация йўналиши: назарий ва амалий аҳамиятига молик.
II. Тадқиқотнинг мақсади: сопол чиқиндилардан комплекс фойдаланиб портландцемент клинкери ва композицион боғловчилар олиш технологиясини ишлаб чиқишдан иборат.
III. Тадқиқотнинг илмий янгилиги:
тупроқли компонент сифатида сопол чиқиндиларидан фойдаланган холда портландцемент клинкери олиш учун хомашё композицияларининг таркиблари ишлаб чиқилган;
«Майдаланган клинкер-сопол синиғи-гипс-сув» гетероген тизимни гидратланиш жараёнида янги ҳосилалар пайдо бўлиши ва эволюция йўналишини кузатиш орқали шаклланган цемент композициясининг «таркиб-тузилиш-хосса»си ўртасидаги ўзаро кoрреляцион боғлиқлик аниқланган;
табиий соз тупроқни (лесс) сопол чиқиндиларига алмаштирилганда хомашё аралашмаларнинг реакцияга киришиш қобилияти ошиши исботланган, уларни куйдиришда минералларнинг ҳосил бўлиш жараёнининг хусусиятлари аниқланган; 
сопол чиқиндиларидан фойдаланилганда хомашё композициясини куйдириш жараёнида клинкер минералларини анъанавий таркибдаги хомашё аралашмаларига нисбатан паст температурада ҳосил бўлишининг тугалланиши асосланган;  
клинкернинг кимёвий-минералогик таркиби ва структура тузилиши аниқланган, улар асосида олинган портландцементнинг гидравлик фаоллиги ПЦ400–Д20 маркага мос келиши исботланган; 
сопол синиқларининг цемент учун фаол минерал қўшимча сифатида яроқлилиги исботланган, уларнинг иштирокида юқори даражада тўлдирилган портландцемент композицияларининг таркиби ва олиш технологияси ишлаб чиқилган;
гидратланиш жараёнининг физик-кимёвий хусусиятлари ва цементларнинг қотишида сунъий конгломератнинг микротузилиши шаклланиши билан цемент композитининг мустаҳкамлиги ўртасидаги ўзаро боғлиқлик аниқланган. 
IV. Тадқиқот натижаларининг жорий қилиниши. 
Сопол чиқиндиларидан комплекс фойдаланган холда портландцемент клинкери ва композицион боғловчиларни олиш технологиясини ишлаб чиқиш бўйича олинган илмий натижалар асосида:
«Цементлар учун қўшимчалар. Фаол маъданли қўшимчалар ва тўлдирувчи қўшимчалар» техникавий шартлар Ўзстандарт агентлиги томонидан тасдиқланган (ƠzDSt 901-98). Натижада, цемент заводларида сопол синиқларидан қўшимча сифатида фойдаланиб, цемент композицияларини ишлаб чиқиш имконини берган; 
сопол синиқлари қўшилган композицион цемент ишлаб чиқариш таркиби «BAZIS»ҚК МЧЖда амалиётга жорий этилган («BAZIS»ҚК МЧЖнинг 2018 йил 27 сентябардаги 157-сон маълумотномаси). Натижада, юқори ҳароратда олинадиган қимматбаҳо клинкерни тежаш ва композицион қўшимчали портландцементни саноат миқёсида ишлаб чиқариш имконини берган;
сопол синиқларини клинкер ишлаб чиқаришда тупроқли хомашё компоненти  ва цементга фаол минерал қўшимча сифатида комплекс ишлатиш технологияси «Охангаронцемент» АЖда амалиётга жорий этилган («Охангаронцемент» АЖнинг 2020 йил 7 августдаги 1-1/АГЦ-1414/20-сон маълумотномаси). Натижада, саноат миқёсида клинкер ишлаб чиқаришда табиий сорзтупроқни ва композицион қўшимчали портландцемент ишлаб чиқаришда қимматбаҳо клинкерни тежаш имконини берган.