Латипов Шерхон Шуҳратовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Электр энергетика тизимининг ҳолатларини, дастлабки маълумотлар эҳтимолли ва қисман ноаниқ бўлган шароитларда оптималлаш», 05.05.02 – Электротехника. Электр энергия станциялари, тизимлари. Электротехник мажмуалар ва қурилмалар (техника фанлари).
Диссертация мавзуси рўйхатга олинган рақам: В2019.4.PhD/T1448.
Илмий раҳбар: Гайибов Тулкин Шерназарович, техника фанлари доктори, профессор.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса номи, ИК рақами: Тошкент давлат техника университети, DSc.03/10.12.2019.Т.03.03.
Расмий оппонентлар: Тоиров Олимжон Зувурович, техника фанлари доктори, профессор; Садуллаев Насулло Нематович, техника фанлари доктори, доцент. 
Етакчи ташкилот: Тошкент давлат транспорт университети. 
Диссертация йўналиши: назарий ва амалий аҳамиятга молик.
II. Тадқиқотнинг мақсади тенглик ва тенгсизликлар кўринишидаги ҳолат ва технологик чегаравий шартларни ҳисобга олган ҳолда, дастлабки маълумотлар эҳтимолли ва қисман ноаниқ бўлган шароитларда электр энергетика тизимларининг қисқа муддатли режимларини оптимал режалаштириш масалаларини ҳисоблашнинг усул ва  алгоритмларини тадқиқ қилишдан иборат.
III. Тадқиқотнинг илмий янгилиги:
электр энергетика тизимларининг қисқа муддатли иш режимларини истеъмолчиларнинг юқламалари бўйича дастлабки маълумотларнинг эҳтимоллилиги шароитида тенглик ва тенгсизликлар кўринишидаги оддий ва функционал чегаравий шартларни ҳисобга олиб оптимал режалаштириш алгоритми ва дастури ишлаб чиқилган;
электр энергетика тизимларининг қисқа муддатли иш режимларини истеъмолчиларнинг юкламалари бўйича дастлабки маълумотларнинг қисман ноаниқлиги шароитида чегаравий шартларни ҳисобга олган ҳолда оптимал режалаштириш алгоритми ва дастури ишлаб чиқилган;
дастлабки маълумотларнинг қисман ноаниқлиги шароитида электр энергетика тизимларининг иш режимларини оптималлаштириш масалаларини ечишда фойдаланилувчи қўшимча мезон ишлаб чиқилган;
дастлабки маълумотларнинг қисман ноаниқлиги шароитида электр энергетика тизимларининг иш режимларини барча турдаги режим ва технологик чегаравий шартларни эътиборга олган ҳолда интервалли ҳисоблаш усуллари асосида оптималлаштириш алгоритми ишлаб чиқилган;
истеъмолчиларнинг юкламалари бўйича дастлабки маълумотлар эҳтимолли ва қисман ноаниқ бўлган шароитларда электр энергетика тизимларининг иш режимларини частота ўзгаришини ҳисобга олган ҳолда оптималлаштириш алгоритми ишлаб чиқилган.
IV. Тадқиқот натижаларининг жорий қилиниши. 
Электр энергетика тизимларининг қисқа муддатли иш режимларини дастлабки маълумотлар эҳтимолли ва қисман ноаниқ бўлган шароитларда чегаравий шартларни ҳисобга олган ҳолда оптималлаштириш учун ишлаб чиқилган математик моделлар ва алгоритмлар бўйича олинган илмий натижалар асосида:
электр энергетика тизимларининг қисқа муддатли иш режимларини истеъмолчиларнинг юкламалари бўйича дастлабки маълумотлар эҳтимоллиги ва қисман ноаниқлиги шароитларида тенглик ва тенгсизлик кўринишидаги чегаравий шартларни ҳисобга олиб оптималлаштириш алгоритми Ўзбекистон Республикаси Миллий диспетчерлик марказида суткалик иш режимини оптималлаштириш учун жорий қилинган («Ўзбекистон Миллий электр тармоқлари» АЖнинг 2020 йил 17 сентябрдаги 01-02-06/3238-сон маълумотномаси). Натижада, бир сутка давомида иссиқлик электр станцияларидаги шартли ёқилғи сарфини 15,8 тоннага камайтиришга эришилган;
истеъмолчиларнинг юкламалари бўйича дастлабки маълумотларнинг қисман ноаниқлиги шароитида электр энергетика тизимларининг қисқа муддатли иш режимларини чегаравий шартларни ҳисобга олган ҳолда оптимал режалаштириш алгоритми Ўзбекистон Республикаси Миллий диспетчерлик марказида энергетика тизимининг қишки мавсуми  иш режимларини оптималлаштириш учун жорий қилинган («Ўзбекистон Миллий электр тармоқлари» АЖнинг 2020 йил 17 сентябрдаги 01-02-06/3238-сон маълумотномаси). Натижада, қишки мавсум давомида 1024,33 тонна шартли ёқилғини тежашга эришилган;
электр энергетика тизимларининг қисқа муддатли иш режимларини истеъмолчиларнинг юкламалари бўйича дастлабки маълумотларнинг эҳтимолли ва қисман ноаниқлиги шароитларида барча чегаравий шартларни ҳисобга олиб, қўшимча мезондан фойдаланиш асосида оптималлаштириш алгоритми Ўзбекистон Республикаси Миллий диспетчерлик марказида жорий этилган («Ўзбекистон Миллий электр тармоқлари» АЖнинг 2020 йил 17 сентябрдаги 01-02-06/3238-сон маълумотномаси). Натижада, иссиқлик электр станцияларида бир йилда ёқилғи сарфи харажатларини 215,72 млн. сўм га камайтиришга эришилган.