Муқимова Давлатхон Каримовнанинг
фалсафа доктори (РhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Шудгорланган ерларга изма-из ишлов беришда қўлланиладиган комбинациялашган машинанинг дискли ғалтакмолалари параметрларини асослаш», 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: B2020.3.PhD/T216.
Илмий раҳбар: Тўхтақўзиев Абдусалим, техника фанлари доктори, профессор.
Диссертация бажарилган муассаса номи: Тошкент давлат аграр университети Андижон филиали.
ИК фаолият кўрсатаётган муассаса номи, ИК рақами: Қишлоқ хўжалигини механизациялаш илмий-тадқиқот институти, PhD.05/13.05.2020.T.112.01.
Расмий оппонентлар: Мансуров Мухторжон Тохиржонович, техника фанлари доктори; Хушвақтов Ботир Вохидович, техника фанлари номзоди, катта илмий ходим.
Етакчи ташкилот: «BMKB-Agromash» АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади янги шудгорланган ерларга изма-из ишлов берадиган комбинациялашган машина дискли ғалтакмолаларининг агротехника талаблари даражасидаги иш сифатини кам энергия сарфлаган ҳолда таъминлайдиган параметрларини асослашдан иборат.
III. Тадқиқотнинг илмий янгилиги:
комбинациялашган машина дискли ғалтакмолаларининг рамада жойлашиш схемаси ишлаб чиқилган ва уларнинг технологик иш жараёни асосланган;
дискли ғалтакмолаларнинг параметрларини аниқлаш имконини берадиган аналитик ифодалар олинган ва тупроқнинг физик-механик хоссалари ҳамда агрегат ҳаракат тезлигини ҳисобга олган ҳолда уларнинг ўзгариш чегаралари аниқланган;
дискли ғалтакмолаларга бериладиган тик юкланиш уларни тупроққа белгиланган чуқурликка ботиши таъминланиши ва агрегатнинг ҳаракат тезлиги ҳисобга олинган ҳолда аниқланган;
экспериментал тадқиқотлар асосида дискли ғалтакмолалар иш сифати ва тортишга қаршилигини уларнинг параметрлари ва иш тезлигига боғлиқ равишда ўзгариш қонуниятларини ифодаловчи эмпирик формулалар ва регрессия тенгламалари олинган. 
IV. Тадқиқот натижаларининг жорий қилиниши. 
Республикамиз тупроқ-иқлим шароитида шудгорланган ерларни экишга тайёрлашда қўлланиладиган комбинациялашган машина дискли ғалтакмолаларининг параметрларини асослаш бўйича олинган натижалар асосида:
асосланган параметрларга эга бўлган дискли ғалтакмолалар билан жиҳозланган комбинациялашган машина томонидан ерларга экишдан олдин ишлов бериш технологик жараёни бажарилишининг сифат кўрсаткичларини баҳолашга доир дастлабки талаблар ва унинг конструкциясини лойиҳалаш учун техник топшириқ ишлаб чиқилган (Қишлоқ хўжалиги вазирлигининг 2020 йил 21 майдаги 02/023-1463-сон маълумотномаси). Натижада, шудгорланган дала юзасида майин ва талаб даражасида зичланган тупроқ қатламини ҳосил қилиш имконини берадиган комбинациялашган машина яратилган;
шудгорланган ерларни экишга тайёрлаш учун ишлаб чиқилган дискли ғалтакмолалар билан жиҳозланган комбинациялашган машинанинг тажриба нусхаси Андижон вилояти Асака тумани ҳамда Тошкент вилояти Янгийўл тумани фермер хўжаликларида жорий этилган (Қишлоқ хўжалиги вазирлигининг 2020 йил 21 майдаги 02/023-1463-сон маълумотномаси). Натижада, шудгорланган ерларни экишга тайёрлашда меҳнат сарфини 34,4 фоизга ва ҳар бир гектар ишлов берилган майдонга сарфланадиган эксплуатацион харажатларни 38,0 фоизга камайган; 
ишлаб чиқилган дискли ғатакмолалар билан жиҳозланган комбинациялашган машинанинг саноат нусхаларини ишлаб чиқиш ва тайёрлаш учун лойиҳа-конструкторлик ҳужжатлари (техникавий шартлар ва чизмалар) «BMKB-Agromash» АЖда лойиҳалаш жараёнига жорий этилган (Қишлоқ хўжалиги вазирлигининг 2020 йил 21 майдаги 02/023-1463-сон маълумотномаси). Натижада, асосланган параметрларга эга бўлган дискли ғалтакмолалар билан жиҳозланган комбинациялашган машинани ишлаб чиқариш имкони яратилган.