Хазратов Алишер Нормуродовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Грунт ўзанли суғориш каналларининг гидравлик ҳисобини такомиллаштириш», 05.09.07 – Гидравлика ва муҳандислик гидрологияси (техника фанлари).
Диссертация мавзуси рўйхатга олинган рақам: В2019.4.PhD/Т1490.
Илмий раҳбар: Арифжанов Айбек Мухамеджанович, техника фанлари доктори, профессор.
Диссертация бажарилган муассасалар номи: Тошкент ирригация ва қишлоқ хўжалигини меҳанизациялаш муҳандислари институти ва Қарши муҳандислик иқтисодиёт институти.
ИК фаолият кўрсатаётган муассаса номи, ИК рақами: Тошкент ирригация ва қишлоқ хўжалигини механизациялаш муҳандислари институти, DSc.03/30.12.2019.Т.10.02.
Расмий оппонентлар: Файзиев Хамитхон, техника фанлари доктори, профессор; Маликов Зафар Маматқулович, техника фанлари доктори.
Етакчи ташкилот - Тошкент давлат транспорт университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади грунт ўзанли суғориш каналларининг гидравлик ҳисобини оқим гидравлик параметрларининг ўзгарувчанлигини ва оқимнинг ташувчанлик қобилиятини ҳисобга олиб такомиллаштиришдан иборат.
III. Тадқиқотнинг илмий янгилиги:
грунт ўзанли канални гидравлик ҳисоблаш усули, эксплуатация даврида оқим параметрларининг ўзгарувчанлигини ва ташувчанлигини инобатга олиб такомиллаштирилган;
динамик мустаҳкам каналларда оқимнинг нисбий ташувчанлик қобилиятини ҳисоблаш усули оқизиқларнинг энергетик ҳолатини инобатга олиб такомиллаштирилган; 
грунт ўзанли канал параметрларини  ҳисоблаш алгоритми оқизиқлар таркибий қисмини инобатга олиб ишлаб чиқилган; 
грунт ўзанли каналларда канал кўндаланг кесимининг нисбий деформация миқдорини прогнозлаш усули такомиллаштирилган.
IV. Тадқиқот натижаларининг жорий қилиниши. 
Грунт ўзанли суғориш каналларини такомиллаштириш бўйича олинган натижалар асосида:
оқимнинг лойқа ташувчанлик қобилиятини ҳисобга олган ҳолда такомиллаштирилган гидравлик ҳисоблаш усули Сув хўжалиги вазирлиги тасарруфидаги Аму-Қашқадарё ирригация тизимлари ҳавза бошқармасига қарашли Миришкор ирригация тизими бошқармасида жорий қилинган (Сув хўжалиги вазирлигининг 2020 йил 11 июндаги 04/20-1726-сон маълумотномаси). Натижада, суғориш каналининг эксплуатация шароитида деформация жараёнларини прогнозлаш имконияти яратилган;
динамик мустаҳкам канални гидравлик ҳисоблаш усулидан фойдаланиш бўйича тавсиянома Сув хўжалиги вазирлиги тасарруфидаги Аму-Қашкадарё ирригация тизимлари ҳавза бошқармасида жорий қилинган (Сув хўжалиги вазирлигининг 2020 йил 11 июндаги 04/20-1726-сон маълумотномаси). Натижада, Миришкор каналини лойқадан тозалаш ишларини камайтириш ҳисобига иқтисодий самарадорликка эришилган;
грунт ўзанли канал параметрларини ҳисоблаш алгоритми ишлаб чиқилиб Сув хўжалиги вазирлиги тасарруфидаги “UZGIP” МЧЖ, “Гидропроект” АЖ ва “Оқсув–Зарафшон ирригация” МЧЖларда жорий қилинган (Сув хўжалиги вазирлигининг 2020 йил 11 июндаги 04/20-1726-сон маълумотномаси). Натижада, суғориш каналларини лойиҳалаш ишончлигини ошишига эришилган.